ದೂರದಿಂದ ಬಂದ 'ಸುಂದರಾಂಗ ಜಾಣ' ಆದ ಗೋಲ್ಡನ್ ಸ್ಟಾರ್ ಗಣೇಶ್.!

'ಸುಂದರಾಂಗ ಜಾಣ' ಚಿತ್ರದಲ್ಲಿ ಗಣೇಶ್.!

ಇದೀಗಷ್ಟೇ ಬಂದಿರುವ ಮಾಹಿತಿ ಪ್ರಕಾರ, ಗಣೇಶ್ ರವರ ಚಿತ್ರಕ್ಕೆ 'ಸುಂದರಾಂಗ ಜಾಣ' ಎಂಬ ಟೈಟಲ್ ಇಡಲಾಗಿದೆ.

ಹೊಸ ಚಿತ್ರ?

ಗಣೇಶ್ ಚಿತ್ರಕ್ಕೆ 'ಸುಂದರಾಂಗ ಜಾಣ' ಎಂಬ ಶೀರ್ಷಿಕೆ ಇಡಲಾಗಿದೆ ಅಂದಕೂಡಲೆ ಇದು ಇನ್ನೂ ಸೆಟ್ಟೇರದ ಹೊಸ ಸಿನಿಮಾ ಇರಬಹುದು ಅಂದುಕೊಳ್ಳಬೇಡಿ. ಈಗಾಗಲೇ ಗಣೇಶ್ ನಟಿಸಿರುವ 'ಗಂಡು ಎಂದರೆ ಗಂಡು' ಎಂಬ ಚಿತ್ರಕ್ಕೆ ಶೀರ್ಷಿಕೆ ಬದಲಾವಣೆ ಮಾಡಿ ಇದೀಗ 'ಸುಂದರಾಂಗ ಜಾಣ' ಅಂತ ಟೈಟಲ್ ಇಡಲಾಗಿದೆ. [ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ಶಿವಣ್ಣ ನಟಿಸ್ತಾರಾ?]

ಸಮಾಧಾನ ತರದ ಟೈಟಲ್?

ಗಣೇಶ್ ನಟನೆಯ ರಮೇಶ್ ಅರವಿಂದ್ ನಿರ್ದೇಶನದ ಚಿತ್ರಕ್ಕೆ ಮೊದಲು ಬ್ಲಾಕ್ ಬಸ್ಟರ್ 'ಬಹದ್ದೂರ್ ಗಂಡು' ಚಿತ್ರದ ಸೂಪರ್ ಹಿಟ್ ಹಾಡು 'ಗಂಡು ಎಂದರೆ ಗಂಡು' ಹಾಡಿನ ಸಾಲನ್ನ ಟೈಟಲ್ ಆಗಿ ಇಡಲಾಗಿತ್ತು. ಆದ್ರೆ, ಚಿತ್ರದ ಚಿತ್ರೀಕರಣ ಮುಗಿಯುವ ಹೊತ್ತಿಗೆ, ಚಿತ್ರತಂಡಕ್ಕೆ ಈ ಶೀರ್ಷಿಕೆ ಸಮಾಧಾನ ತಂದಿಲ್ಲ. ಹೀಗಾಗಿ ಟೈಟಲ್ ಬದಲಾವಣೆ ಮಾಡಲಾಗಿದೆ. [ರಮೇಶ್-ಗಣೇಶ್ ಕಾಂಬಿನೇಷನ್ ನ ಚಿತ್ರದ ಹೆಸರೇನು ಗೊತ್ತಾ?]

ತೆಲುಗಿನ ರೀಮೇಕ್ ಸಿನಿಮಾ.!

ತೆಲುಗಿನ 'ಭಲೇ ಭಲೇ ಮಗಾಡಿವೋಯ್' ಚಿತ್ರದ ರೀಮೇಕ್ ಈ 'ಸುಂದರಾಂಗ ಜಾಣ'. ಪಕ್ಕಾ ಫ್ಯಾಮಿಲಿ ಎಂಟರ್ ಟೇನರ್ ಆಗಿರುವ ಈ ಚಿತ್ರಕ್ಕೆ ರಾಕ್ ಲೈನ್ ವೆಂಕಟೇಶ್ ಬಂಡವಾಳ ಹಾಕಿದ್ದಾರೆ. ['ಗಂಡು ಎಂದರೆ ಗಂಡು' ಶೂಟಿಂಗ್ ಶುರು ಗುರು!]

ಗಣೇಶ್ ಜೊತೆ ಶಾನ್ವಿ

'ಸುಂದರಾಂಗ ಜಾಣ' ಚಿತ್ರದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಗೆ 'ಮಾಸ್ಟರ್ ಪೀಸ್' ಬೆಡಗಿ ಶಾನ್ವಿ ಶ್ರೀವಾಸ್ತವ ಜೋಡಿ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಚಿತ್ರೀಕರಣ ಮುಗಿದಿದೆ

ಈಗಾಗಲೇ 'ಸುಂದರಾಂಗ ಜಾಣ' ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಸದ್ಯದಲ್ಲೇ ಆಡಿಯೋ ರಿಲೀಸ್ ಆಗಲಿದೆ.