ದಾಖಲೆ ಬೆಲೆಗೆ ಮಾರಾಟ ಆಗಿದೆ 'ಮುಗುಳು ನಗೆ' ಆಡಿಯೋ ರೈಟ್ಸ್

ದಾಖಲೆ ಬೆಲೆಗೆ ಸೇಲ್ ಆದ 'ಮುಗುಳು ನಗೆ' ಆಡಿಯೋ

ಗಣೇಶ್ ಅಭಿನಯಿಸಿರುವ 'ಮುಗುಳು ನಗೆ' ಚಿತ್ರದ ಆಡಿಯೋ ಹಕ್ಕುಗಳು 'ಡಿ-ಬೀಟ್ಸ್' ಸಂಸ್ಥೆ ಪಾಲಾಗಿದೆ. ಅದು ದಾಖಲೆ ಬೆಲೆ ನೀಡಿದ ಮೇಲೆ.!

ದಾಖಲೆ ಮೊತ್ತ ಎಷ್ಟು.?

ಅತಿ ಹೆಚ್ಚು ಬೆಲೆ ನೀಡಿ 'ಡಿ-ಬೀಟ್ಸ್' ಸಂಸ್ಥೆ 'ಮುಗುಳು ನಗೆ' ಚಿತ್ರದ ಆಡಿಯೋ ಹಕ್ಕು ಖರೀದಿಸಿದೆ ಎಂಬ ಸುದ್ದಿ ಹೊರಬಿದ್ದಿದೆ ಹೊರತು ಎಷ್ಟು ಮೊತ್ತ ನೀಡಿದ್ದಾರೆ ಎಂಬುದು ಬಹಿರಂಗ ಆಗಿಲ್ಲ.

'ಜಿ.ಎಸ್.ಟಿ' ಹಾಡು ಹಿಟ್ ಆಗಿದೆ

'ಮುಗುಳು ನಗೆ' ಚಿತ್ರದ 'ಹೊಡಿ ಒಂಬತ್..' ಹಾಡಿನ ಧಾಟಿಯಲ್ಲಿ 'ಜಿ.ಎಸ್.ಟಿ'ಗೆ ಸಂಬಂಧಪಟ್ಟ ಹಾಗೆ ಯೋಗರಾಜ್ ಭಟ್ ರಚಿಸಿರುವ ಗಣೇಶ್, ದುನಿಯಾ ವಿಜಯ್, ವಿ.ಹರಿಕೃಷ್ಣ ಹಾಡಿರುವ 'ಜಿ.ಎಸ್.ಟಿ' ಸಾಂಗ್ ಈಗಾಗಲೇ ಹಿಟ್ ಆಗಿದೆ. ವಿ.ಹರಿಕೃಷ್ಣ ಸಂಗೀತ ಸಂಯೋಜಿಸಿರುವ 'ಮುಗುಳು ನಗೆ' ಚಿತ್ರದ ಹಾಡುಗಳನ್ನ ಕೇಳಲು ಸಂಗೀತ ಪ್ರಿಯರು ತುದಿಗಾಲಿನಲ್ಲಿ ನಿಂತಿದ್ದಾರೆ.

'ಮುಗುಳು ನಗೆ' ಬಿಡುಗಡೆ ಯಾವಾಗ.?

ಜುಲೈ 12 ರಂದು 'ಮುಗುಳು ನಗೆ' ಚಿತ್ರದ ಆಡಿಯೋ ರಿಲೀಸ್ ಆಗಲಿದೆ. ಆಗಸ್ಟ್ ಮೊದಲ ವಾರದಲ್ಲಿ 'ಮುಗುಳು ನಗೆ' ರಿಲೀಸ್ ಆಗುವ ಸಾಧ್ಯತೆ ಇದೆ.