ಅನಂತಮೂರ್ತಿ ಕುರಿತು ಗಿರೀಶ್ ಕಾಸರವಳ್ಳಿ ಚಿತ್ರ

ಪ್ರತಿಭಾನ್ವಿತ ಚಲನಚಿತ್ರ ನಿರ್ದೇಶಕ ಗಿರೀಶ್ ಕಾಸರವಳ್ಳಿ ಅವರು ಜ್ಞಾನಪೀಠ ಪುರಸ್ಕೃತ ಸಾಹಿತಿ ಯು.ಆರ್.ಅನಂತಮೂರ್ತಿ ಅವರ ಕುರಿತು ಒಂದು ಸಾಕ್ಷ್ಯಚಿತ್ರ ಮಾಡಿದ್ದಾರೆ. ತಮ್ಮ ಸಾಕ್ಷ್ಯಚಿತ್ರಕ್ಕೆ ಅವರು "Ananthamurthy not a Biography But Hypothesis" ಎಂದು ಹೆಸರಿಟ್ಟಿದ್ದಾರೆ.

ಫಿಲಂಸ್ ಡಿವಿಜನ್ ನಿರ್ಮಿಸಿರುವ ಈ ಸಾಕ್ಷ್ಯಚಿತ್ರದ ಪ್ರದರ್ಶನ ಶನಿವಾರ (ಡಿ.14) ಬೆಂಗಳೂರು ಇನ್ಫೆಂಟ್ರಿ ರಸ್ತೆಯಲ್ಲಿರುವ ವಾರ್ತಾ ಇಲಾಖೆಯ ಸುಲೋಚನಾ ಹಾಲ್ ನಲ್ಲಿ ಪ್ರದರ್ಶಿಸಲಾಗುತ್ತಿದೆ. ಬೆಳಗ್ಗೆ 10.30ಕ್ಕೆ ಪ್ರದರ್ಶನವಿರುತ್ತದೆ.

ಈ ಸಾಕ್ಷ್ಯಚಿತ್ರ ಅನಂತಮೂರ್ತಿ ಅವರ ಬಗ್ಗೆ ಹೊಸ ಬೆಳಕು ಚೆಲ್ಲಲಿದೆ. ಅವರ ಸಾಮಾಜಿಕ ಹೋರಾಟ, ಗಾಂಧಿಜಿಯವರ ಆದರ್ಶ, ಸಮಾಜವಾದಿ ಧೋರಣೆ ಇವೆಲ್ಲವನ್ನೂ ಚಿತ್ರದಲ್ಲಿ ನೋಡಬಹುದು. ಹಲವು ದಶಕಗಳಿಂದ ಚಿಂತಕರು, ವಿಮರ್ಶಕರ ಜೊತೆಗಿನ ಅವರ ಒಡನಾಟವನ್ನೂ ಕಾಣಬಹುದಾಗಿದೆ.

ಈ ಸಾಕ್ಷ್ಯಚಿತ್ರಕ್ಕೆ ಗಿರೀಶ್ ಕಾಸರವಳ್ಳಿ ಅವರು ಚಿತ್ರಕಥೆ ಹಾಗೂ ನಿರ್ದೇಶನ ಮಾಡಿದ್ದಾರೆ. ಛಾಯಾಗ್ರಹಣ ಜಿ.ಎಸ್.ಭಾಸ್ಕರ್, ವಿಷಯ ಸಮಾಲೋಚನೆ ಎನ್.ಮನುಚಕ್ರವರ್ತಿ, ಸಂಕಲನ ಮೋಹನ್ ಕಾಮಾಕ್ಷಿ, ಸಂಗೀತ ಬಿಂದು ಮಾಲಿನಿ ಹಾಗೂ ಗೋಕುಲ್ ಅಭಿಷೇಕ್ ಧ್ವನಿ ಇದೆ. (ಒನ್ಇಂಡಿಯಾ ಕನ್ನಡ)