'ಫಿಲ್ಮಿಬೀಟ್ ಕನ್ನಡ'ದ ಫೇಸ್ ಬುಕ್ ಲೈವ್ ವಿ.ನಾಗೇಂದ್ರ ಪ್ರಸಾದ್ ಮತ್ತು ತಂಡ

ವಿ.ನಾಗೇಂದ್ರ ಪ್ರಸಾದ್ ನಟನೆ ಮತ್ತು ನಿರ್ದೇಶನದ 'ಗೂಗಲ್' ಸಿನಿಮಾ ಇದೇ ಶುಕ್ರವಾರ ರಾಜ್ಯಾದಂತ್ಯ ಬಿಡುಗಡೆ ಆಗಲಿದೆ. ಈ ವಿಶೇಷವಾಗಿ ಇಂದು ಮಧ್ಯಾಹ್ನ 3 ಗಂಟೆಗೆ ವಿ.ನಾಗೇಂದ್ರ ಪ್ರಸಾದ್, ನಟಿ ಶುಭಾ ಪೂಂಜಾ ಸೇರಿದಂತೆ ಚಿತ್ರತಂಡ 'ಫಿಲ್ಮಿಬೀಟ್ ಕನ್ನಡ' ಫೇಸ್ ಬುಕ್ ಪೇಜ್ ನಲ್ಲಿ ಲೈವ್ ಬರಲಿದೆ.

ಅಂದಹಾಗೆ, 'ಗೂಗಲ್' ಸಿನಿಮಾ 2001 ಇಸವಿನಲ್ಲಿ ನಡೆದಿರುವ ಸತ್ಯ ಘಟನೆಯ ಸಿನಿಮಾವಾಗಿದೆ. ಈ ಚಿತ್ರದಲ್ಲಿ ನಾಗೇಂದ್ರ ಪ್ರಸಾದ್ ಒನ್ ಶೋ ಇದೆ. ಕಾರಣ ಈ ಚಿತ್ರದಲ್ಲಿ ಅವರ ನಟನೆ, ನಿರ್ದೇಶನ, ನಿರ್ಮಾಣ, ಸಂಗೀತ ನಿರ್ದೇಶನದ ಜೊತೆಗೆ ಎಂದಿನಂತೆ ಸುಂದರ ಹಾಡುಗಳನ್ನು ಬರೆದಿದ್ದಾರೆ. ಅದರಲ್ಲಿಯೂ 'ಜೋಲಾಲಿ..' ಹಾಡು ಎಲ್ಲರ ಮನ ಗೆದ್ದಿದೆ.

ಬಿಡುಗಡೆಯಾಗದ 'ಗೂಗಲ್' ಚಿತ್ರದ ಟ್ರೈಲರ್ ನೋಡಿ ತಮಿಳು ನಿರ್ಮಾಪಕರೊಬ್ಬರು ರೀಮೇಕ್ ಮಾಡಲು ಮುಂದಾಗಿದ್ದಾರೆ. ಈ ಬಗ್ಗೆ ಗೂಗಲ್ ಚಿತ್ರತಂಡದ ಜೊತೆ ಮಾತುಕತೆ ಮಾಡಿದ್ದು, ಎಲ್ಲ ಅಂದುಕೊಂಡಂತೆ ಆದ್ರೆ ಪರಭಾಷೆಯಲ್ಲೂ 'ಗೂಗಲ್' ಮಿಂಚಲಿದೆ.

ಉತ್ಸವ್ ಮೂವೀಸ್ ಬ್ಯಾನರ್ ಅಡಿಯಲ್ಲಿ 'ಗೂಗಲ್' ಚಿತ್ರ ನಿರ್ಮಾಣ ಆಗಿದೆ. ಸಿನಿಮಾದಲ್ಲಿ 8 ಪ್ರಮುಖ ಪಾತ್ರಗಳಿವೆ. ನಾಯಕಿ ಶುಭಾ ಪೂಂಜಾ ಇದೇ ಮೊದಲ ಬಾರಿಗೆ ಕೌಟುಂಬಿಕ ಹೊಣೆ ಹೊತ್ತ ಗೃಹಿಣಿಯಾಗಿ ಚಿತ್ರದಲ್ಲಿ ನಟಿಸಿದ್ದಾರೆ. ದೀಪಕ್ ಹಾಗೂ ಅಮೃತಾ ರಾವ್ ಎಂಬ ಹೊಸ ಪ್ರತಿಭೆಗಳು ಚಿತ್ರದಲ್ಲಿ ನಟಿಸಿದ್ದಾರೆ.