ತಮಿಳು, ತೆಲುಗು ಭಾಷೆಗೆ ಗೋವಿಂದಾಯ ನಮಃ

"ನಮ್ದುಕೆ ಪ್ಯಾರ್ ಗೆ ಆಗ್ಬಿಟ್ಟೈತೆ..." ಎಂದು ರಾಜ್ಯದಾದ್ಯಂತ ಸದ್ದು ಮಾಡಿದ್ದ ಕೋಮಲ್ ಅಭಿನಯದ ಚಿತ್ರ 'ಗೋವಿಂದಾಯ ನಮಃ'. ಯಶಸ್ವಿ ನಿರ್ದೇಶಕ ಯೋಗರಾಜ್ ಭಟ್ ಗರಡಿಯಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ ಪವನ್ ವಡೆಯರ್ ನಿರ್ದೇಶನದ ಈ ಚಿತ್ರ ಇದೀಗ ತೆಲುಗು, ತಮಿಳು ಭಾಷೆಗೆ ರೀಮೇಕ್ ಆಗುತ್ತಿದೆ.

2012ನೇ ಸಾಲಿನಲ್ಲಿ ಭರ್ಜರಿ ಹಿಟ್ ದಾಖಲಿಸಿದ ಈ ಚಿತ್ರದಲ್ಲಿ ಹಾಸ್ಯ ನಟ ಕೋಮಲ್ ಪ್ರಮುಖ ಪಾತ್ರ ಪೋಷಿಸಿದ್ದಾರೆ. ಪಾರುಲ್ ಯಾದವ್, ಮಧುಲಿಕಾ, ರೇಖಾ ವೇದವ್ಯಾಸ್, ಅನಾ ಜಾರ್ಜಿಯಾ, ಹರೀಶ್ ರಾಜ್, ವಿನಾಯಕ ಜೋಷಿ ಚಿತ್ರದ ಪಾತ್ರವರ್ಗದಲ್ಲಿದ್ದಾರೆ. (ಗೋವಿಂದಾಯ ನಮಃ ಚಿತ್ರ ವಿಮರ್ಶೆ)

ಗ್ಯಾಲರಿ: ಗೋವಿಂದಾಯ ನಮಃ

ತಮಿಳು ಚಿತ್ರಕ್ಕೆ ಪವನ್ ಅವರೇ ಆಕ್ಷನ್ ಕಟ್ ಹೇಳುತ್ತಾರಂತೆ. ಸದ್ಯಕ್ಕೆ ಅವರು ಯಶ್ ಹಾಗೂ ಕೃತಿ ಖರಬಂದ ಮುಖ್ಯಭೂಮಿಕೆಯಲ್ಲಿರು 'ಗೂಗ್ಲಿ' ಚಿತ್ರದಲ್ಲಿ ಬಿಜಿಯಾಗಿದ್ದಾರೆ. ಅದಾದ ಬಳಿಕ ಅವರು ತಮಿಳು 'ಗೋವಿಂದಾಯ ನಮಃ' ಚಿತ್ರವನ್ನು ಕೈಗೆತ್ತಿಕೊಳ್ಳಲಿದ್ದಾರಂತೆ. (ಏಜೆನ್ಸೀಸ್)