ಫಿಕ್ಸ್ ಆಯ್ತು ಹರಿಪ್ರಿಯಾ–ವಸಿಷ್ಠ ಸಿಂಹ ಮದುವೆ: ಎಲ್ಲಿ? ಯಾವಾಗ?

ಹರಿಪ್ರಿಯಾ–ವಸಿಷ್ಠ ಸಿಂಹ ಮದುವೆ

ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ಮದುವೆಗೆ ಡೇಟ್ ಫಿಕ್ಸ್ ಆಗಿದೆ. ಹೊಸ ವರ್ಷದ ಹೊಸ್ತಿಲಲ್ಲಿಯೇ ಹೊಸ ಜೀವನಕ್ಕೆ ಕಾಲಿಡುವುದಕ್ಕೆ ಜೋಡಿ ಹಕ್ಕಿಗಳು ಸಜ್ಜಾಗಿದ್ದಾರೆ. ಈ ಸ್ಯಾಂಡಲ್‌ವುಡ್‌ ಜೋಡಿ ನಿಶ್ವತಾರ್ಥ ಮಾಡಿಕೊಂಡಾಗಲೇ ಮದುವೆ ಕೂಡ ಅದ್ಧೂರಿಯಾಗಿಯೇ ಇರುತ್ತೆ ಎಂದು ನಿರೀಕ್ಷೆ ಮಾಡಲಾಗಿತ್ತು. ಆದರೆ, ಸರಳವಾಗಿ ಗಣಪತಿ ಸಚ್ಚಿದಾನಂದ ಆಶ್ರಮದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಡುವುದಕ್ಕೆ ನಿರ್ಧರಿಸಿದ್ದಾರೆ. 2023, ಜನವರಿ 26ರಂದು ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದೆ ಎಂದು ಮೈಸೂರಿನ ಸಂಸದ ಪ್ರತಾಪ್ ಸಿಂಹ ಟ್ವೀಟ್ ಮೂಲಕ ಮಾಹಿತಿ ನೀಡಿದ್ದಾರೆ. ಆದರೆ, ಈ ಜೋಡಿ ಇನ್ನೂ ಅಧಿಕೃತವಾಗಿ ಹೇಳಿಕೊಂಡಿಲ್ಲ.

ಮೂಗು ಚುಚ್ಚಿಸಿಕೊಂಡಾಗಲೇ ವಿಷಯ ಬಹಿರಂಗ

ಕಳೆದ ವರ್ಷ ಹರಿಪ್ರಿಯಾ ಮೂಗು ಚುಚ್ಚಿಸಿಕೊಂಡಿದ್ದರು. ಈ ವಿಡಿಯೋವನ್ನು ಹರಿಪ್ರಿಯಾ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದರು. ಆ ಬಳಿಕ ವಸಿಷ್ಠ ಸಿಂಹ ಅವರೇ ನಟಿ ಹರಿಪ್ರಿಯಾ ಮೂಗು ಚುಚ್ಚಿಸಿದ್ದರು ಎಂದು ತಿಳಿದಿತ್ತು. ಇಲ್ಲಿಂದ ಇಬ್ಬರ ಲವ್ ಸ್ಟೋರಿ ಜಗತ್‌ಜಾಹೀರಾಗಿತ್ತು. ವಿಷಯ ರಿವೀಲ್ ಆದ ಕೆಲವೇ ದಿನಗಳಲ್ಲಿ ನಿಶ್ಚಿತಾರ್ಥ ಕೂಡ ಮಾಡಿಕೊಂಡಿದ್ದರು.

ಮುಂದಿನ ವರ್ಷ ಮದುವೆ ಎಂದಿದ್ದ ಜೋಡಿ

ಹರಿಪ್ರಿಯಾ ಹಾಗೂ ವಸಿಷ್ಠ ಸಿಂಹ ಇಬ್ಬರೂ ಎಂಗೇಜ್ ಆದ ಬಳಿಕ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದರು. ಆದರೆ ನಿಶ್ಚಿತಾರ್ಥ ಆಗುತ್ತಿದ್ದಂತೆ ತಮ್ಮ ಅಭಿಮಾನಿಗಳಿಗೆ ಮುಂದಿನ ವರ್ಷ ಮದುವೆ ಎಂಬ ಸುಳಿವನ್ನೂ ನೀಡಿದ್ದರು. ಇದು ಇಬ್ಬರ ಫ್ಯಾನ್ಸ್‌ ಅನ್ನೂ ಸಂಭ್ರಮದಲ್ಲಿ ಮುಳುಗಿಸಿತ್ತು. ಹೇಳಿದಂತೆಯೇ ಸಿಂಹ ಜೋಡಿ ಹೊಸ ಜೀವನಕ್ಕೆ ಕಾಲಿಡುವುದಕ್ಕೆ ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿದೆ.

'ಲವ್ ಲಿ' ಸೆಟ್ಟಿನಲ್ಲಿ ಹರಿಪ್ರಿಯ–ವಸಿಷ್ಠ

ನಿಶ್ಚಿತಾರ್ಥದ ಬಳಿಕ ವಸಿಷ್ಠ ಸಿಂಹ ತಮ್ಮದೇ ಸಿನಿಮಾ 'ಲವ್ ಲಿ' ಶೂಟಿಂಗ್‌ನಲ್ಲಿ ಭಾಗಿಯಾಗಿದ್ದರು. ಹರಿಪ್ರಿಯಾ ಅಲ್ಲಿಗೆ ಹೋಗಿ ಬಾವಿ ಪತಿಯನ್ನು ಭೇಟಿಯಾಗಿದ್ದರು. ಈ ವಿಡಿಯೋದಲ್ಲಿ ಜೋಡಿ ಕಾಣಿಸಿಕೊಂಡಿತ್ತು. ಇದೀಗ ಮದುವೆ ಸಂಬಂಧ ಈ ಜೋಡಿ ಮತ್ತೆ ಸುದ್ದಿಯಲ್ಲಿದೆ. ಅಂದ್ಹಾಗೆ ಈ ಜೋಡಿಯ ಮದುವೆ ಹೊಸ ವರ್ಷದ ಮೊದಲ ಸ್ಯಾಂಡಲ್‌ವುಡ್ ಸೆಲೆಬ್ರೆಟಿ ಮದುವೆ ಪಟ್ಟಿ ಸೇರಲಿದೆ.