ಸ್ಟಾರ್ ನಟರಿಗಿಂತ ಹೆಚ್ಚಿದೆ 'ಅಮ್ಮ'ನ ಪಾತ್ರ ಮಾಡುವ ಇವರ ಸಂಭಾವನೆ!

ರಮ್ಯಕೃಷ್ಣ ಸಂಭಾವನೆ ಎಷ್ಟು?

ಒಂದು ಸಮಯದಲ್ಲಿ ಸ್ಟಾರ್ ಹೀರೋಯಿನ್ ಆಗಿ ಮಿಂಚಿದ್ದ ರಮ್ಯಕೃಷ್ಣ ಈಗ ಸೌತ್ ಇಂಡಸ್ಟ್ರಿಯಲ್ಲಿ ಬಹುಬೇಡಿಕೆಯ ಪೋಷಕ ನಟಿ. ಬಾಹುಬಲಿ ಚಿತ್ರದ ಶಿವಗಾಮಿ ಪಾತ್ರ ಆದ ಬಳಿಕವಂತೂ ರಮ್ಯಕೃಷ್ಣ ಬೇಡಿಕೆ ಗಗನಕ್ಕೇರಿದೆ. ಮೂಲಗಳ ಪ್ರಕಾರ ರಮ್ಯಕೃಷ್ಣ ಅವರು ಒಂದು ದಿನಕ್ಕೆ 2 ರಿಂದ 3 ಲಕ್ಷ ಸಂಭಾವನೆ ಪಡೆಯುತ್ತಾರಂತೆ. ಕೆಲವು ಚಿತ್ರಗಳಿಗೆ ದಿನಕ್ಕೆ 6 ಲಕ್ಷ ಪಡೆದಿರುವುದಾಗಿಯೂ ಸುದ್ದಿಯಾಗಿದೆ.

ರಮ್ಯಾ ಬಿಟ್ಟರೆ ನಾಧಿಯಾ

90ರ ದಶಕ ಟಾಪ್ ನಟಿ ನಾಧಿಯಾ ಈಗ ಸೌತ್ ಇಂಡಸ್ಟ್ರಿಯ ಬೇಡಿಕೆ ಪೋಷಕ ನಟಿ. ಅಮ್ಮ, ಅತ್ತೆ, ಅತ್ತಿಗೆ ಅಂತಹ ಪಾತ್ರಗಳಿಗೆ ಹೇಳಿ ಮಾಡಿಸಿದ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ನಾಧಿಯಾ ಅವರ ಸಂಭಾವನೆ ಒಂದು ದಿನಕ್ಕೆ 2 ಲಕ್ಷ ರೂಪಾಯಿವರೆಗೂ ಪಡೆಯುತ್ತಾರಂತೆ.

ಹಿರಿಯ ನಟಿ ಜಯಸುಧಾ

ತೆಲುಗು ಮತ್ತು ತಮಿಳಿನಲ್ಲಿ ಹೆಚ್ಚು ಗುರುತಿಸಿಕೊಂಡಿರುವ ನಟಿ ಜಯಸುಧಾ ಅವರು, ಒಂದು ಚಿತ್ರಕ್ಕೆ 2 ಲಕ್ಷದವರೆಗೂ ಚಾರ್ಜ್ ಮಾಡ್ತಾರಂತೆ. ಮೊದಲ ಹತ್ತು ದಿನದವರೆಗೂ 20 ಲಕ್ಷ ಸಂಭಾವನೆ ಪಡೆಯುವ ನಟಿ, ಆಮೇಲೆ ದಿನಕ್ಕೆ ಒಂದು ಲಕ್ಷಕ್ಕೆ ಕಡಿತಗೊಳಿಸುತ್ತಾರಂತೆ.

ಮಧು ಸಂಭಾವನೆ ಎಷ್ಟು?

ಸುದೀಪ್ ಅಭಿನಯದ ರನ್ನ ಚಿತ್ರದಲ್ಲಿ ನಟಿಸಿರುವ ಮಧು ಒಂದು ಚಿತ್ರಕ್ಕೆ 50 ರಿಂದ 70 ಸಾವಿರ ರೂಪಾಯಿವರೆಗೂ ಸಂಭಾವನೆ ಪಡೆಯುತ್ತಾರೆ ಎನ್ನಲಾಗಿದೆ. ಮದುವೆ ಬಳಿಕ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಮಧು, ಈಗ ಪೋಷಕ ನಟಿಯಾಗಿ ನಟಿಸುತ್ತಿದ್ದಾರೆ.

ಶರಣ್ಯಗೂ ಹೆಚ್ಚಿದೆ ಬೇಡಿಕೆ

ತಮಿಳು ಇಂಡಸ್ಟ್ರಿಯ ಖ್ಯಾತ ನಟಿ ಶರಣ್ಯ ಅವರಿಗೂ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಕನ್ನಡ, ತೆಲುಗು, ತಮಿಳು ಸಿನಿಮಾಗಳಲ್ಲಿ ಹೆಚ್ಚು ಪೋಷಕ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸುದೀಪ್ ಮತ್ತು ಶಿವಣ್ಣ ನಟಿಸಿದ್ದ ದಿ ವಿಲನ್ ಚಿತ್ರದಲ್ಲಿ ಸುದೀಪ್ ಅವರ ತಾಯಿ ಪಾತ್ರ ನಿರ್ವಹಿಸಿದ್ದರು. ಒಂದು ಸಿನಿಮಾಗೆ 40 ರಿಂದ 50 ಸಾವಿರ ಪಡೆಯುತ್ತಾರಂತೆ.

ಪವಿತ್ರಾ ಲೋಕೇಶ್

ತಮಿಳು, ತೆಲುಗು ಹಾಗೂ ಕನ್ನಡ ಸಿನಿಮಾದಲ್ಲಿ ಗುರುತಿಸಿಕೊಂಡಿರುವ ಪವಿತ್ರಾ ಲೋಕೇಶ್ ಅವರು, ಒಂದು ದಿನಕ್ಕೆ 50 ರಿಂದ 70 ಸಾವಿರ ರೂಪಾಯಿವರೆಗೂ ಚಾರ್ಜ್ ಮಾಡ್ತಾರಂತೆ. ಇತ್ತೀಚಿನ ದಿನಗಳಲ್ಲಿ ಪವಿತ್ರಾ ಲೋಕೇಶ್ ಅವರಿಗೆ ಹೆಚ್ಚು ಹೆಚ್ಚು ಅವಕಾಶಗಳು ಬರ್ತಿದೆ.

ಕೋಟಿ ದಾಟಿದೆ ಹೇಮಾ ಮಾಲಿನಿ ಸಂಭಾವನೆ

ತೆಲುಗಿನಲ್ಲಿ ನಟಿಸಿದ್ದ ಗೌತಮಪುತ್ರ ಶಾತಕರ್ಣಿ ಸಿನಿಮಾದಲ್ಲಿ ರಾಜಮಾತ ಪಾತ್ರದಲ್ಲಿ ನಟಿಸಿದ್ದ ಬಾಲಿವುಡ್ ಡ್ರೀಮ್ ಗರ್ಲ್‌ ಹೇಮಾ ಮಾಲಿನಿ 1.5 ರಿಂದ 2 ಕೋಟಿವರೆಗೂ ಸಂಭಾವನೆ ಪಡೆದುಕೊಂಡಿದ್ದರಂತೆ.