ಭಾವಿ ಪತ್ನಿ ರೇವತಿ ಜೊತೆಗೆ ರೊಮ್ಯಾಂಟಿಕ್ ಮೂಡ್ ನಲ್ಲಿ ನಿಖಿಲ್.!

ನಿನ್ನನ್ನ ಪ್ರೀತಿಸುವೆ ಯುವರಾಣಿ

''ನನ್ನ ಯುವರಾಣಿ.. ನಿನ್ನನ್ನ ತುಂಬಾ ಪ್ರೀತಿಸುತ್ತೇನೆ. ಸಮಯ ಕಳೆದ ಹಾಗೆ ಸೌಂದರ್ಯ ಮಾಸಬಹುದು. ಆದ್ರೆ, ಒಳ್ಳೆಯ ಗುಣ ಯಾವಾಗಲೂ ನಮ್ಮ ಜೊತೆ ಇರುತ್ತದೆ. ನಿನ್ನ ವ್ಯಕ್ತಿತ್ವವನ್ನು ನಾನು ಇಷ್ಟ ಪಡುತ್ತೇನೆ'' ಎಂದು ಇನ್ಸ್ಟಾಗ್ರಾಮ್ ನಲ್ಲಿ ಭಾವಿ ಪತ್ನಿ ರೇವತಿ ಬಗ್ಗೆ ನಿಖಿಲ್ ಕುಮಾರ್ ಬರೆದುಕೊಂಡಿದ್ದಾರೆ.

ರೊಮ್ಯಾಂಟಿಕ್ ಫೀಲ್ ನಲ್ಲಿ ನಿಖಿಲ್

''ನಿನ್ನ ಜೊತೆ ನಾನು ಕಳೆಯುತ್ತಿರುವ ಪ್ರತಿ ಕ್ಷಣವೂ ಅಮೂಲ್ಯ. ಸಾಯುವ ಕೊನೆ ಘಳಿಗೆ ವರೆಗೂ ನಿನ್ನ ಕೈ ಹಿಡಿದಿರಬೇಕು ಎಂಬುದು ನನ್ನ ಇಚ್ಛೆ. ಸಾವಷ್ಟೇ ನಮ್ಮನ್ನ ಬೇರೆ ಮಾಡಬೇಕು. ಮುಂದಿನ ಜನ್ಮ ಅನ್ನೋದು ಇದ್ದರೆ, ನೀನೇ ನನ್ನ ಸಂಗಾತಿ ಆಗಬೇಕು'' ಅಂತ ರೇವತಿ ಬಗ್ಗೆ ರೊಮ್ಯಾಂಟಿಕ್ ಫೀಲ್ ನಲ್ಲಿ ನಿಖಿಲ್ ಕುಮಾರ್ ಬರೆದುಕೊಂಡಿದ್ದಾರೆ.

ಇದು ರೇವತಿ ಕೈಬರಹ

ಜೊತೆಗೆ ರೇವತಿ ಕೈಯಾರೆ ಬರೆದಿರುವ ಜನಪ್ರಿಯ ಫ್ರೆಂಚ್ ರೊಮ್ಯಾಂಟಿಕ್ ನಾಟಕದ ಇಂಗ್ಲೀಷ್ ಅನುವಾದದ ಸಾಲುಗಳನ್ನು ಇಬ್ಬರೂ (ನಿಖಿಲ್ ಮತ್ತು ರೇವತಿ) ಕೈ ಕೈ ಹಿಡಿದುಕೊಂಡು ಓದುತ್ತಿರುವ ಫೋಟೋವನ್ನೂ ನಿಖಿಲ್ ಕುಮಾರ್ ಇನ್ಸ್ಟಾಗ್ರಾಮ್ ನಲ್ಲಿ ಶೇರ್ ಮಾಡಿದ್ದಾರೆ.

ಮದುವೆ ಯಾವಾಗ.?

ನಿಖಿಲ್ ಕುಮಾರ್ ಮತ್ತು ರೇವತಿ ಮದುವೆ ಏಪ್ರಿಲ್ 17 ರಂದು ನಡೆಯಲಿದೆ. ರಾಮನಗರ ಮತ್ತು ಚನ್ನಪಟ್ಟಣ ಮಧ್ಯೆ ವಿಶಾಲ ಪ್ರದೇಶದಲ್ಲಿ ಬೃಹತ್ ಸೆಟ್ ಹಾಕಿ ಮದುವೆ ಮಾಡಲು ನಿಖಿಲ್ ತಂದೆ, ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ನಿರ್ಧರಿಸಿದ್ದಾರೆ.