2022ರ 10 ಪಾಪುಲರ್ ಚಿತ್ರಗಳ ಪಟ್ಟಿ ಬಿಡುಗಡೆ ಮಾಡಿದ ಐಎಂಡಿಬಿ; ಅಗ್ರಸ್ಥಾನ ಯಾರ ಪಾಲು?

ಆರ್ ಆರ್ ಆರ್‌ಗೆ ಅಗ್ರಸ್ಥಾನ

ಎಸ್ ಎಸ್ ರಾಜಮೌಳಿ ನಿರ್ದೇಶನದ, ರಾಮ್ ಚರಣ್ ಹಾಗೂ ಜೂನಿಯರ್ ಎನ್‌ಟಿಆರ್ ನಟನೆಯ ಆರ್ ಆರ್ ಆರ್ ಚಿತ್ರ ಈ ವರ್ಷ ಐಎಂಡಿಬಿ ಬಿಡುಗಡೆಗೊಳಿಸಿರುವ ಅತಿಹೆಚ್ಚು ಜನಪ್ರಿಯತೆ ಗಳಿಸಿದ ಚಿತ್ರಗಳ ಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಅಲಂಕರಿಸಿದೆ. ಆರ್ ಆರ್ ಚಿತ್ರದ ಕುರಿತು ಈ ವರ್ಷ ಪೂರ್ತಿ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ನಡೆಯುತ್ತಲೇ ಇದೆ ಎನ್ನಬಹುದು. ಇನ್ನು ಚಿತ್ರ ಬಿಡುಗಡೆಯಾದ ದಿನದಿಂದ ಇಂದಿನವರೆಗೂ ಆರ್ ಆರ್ ಆರ್ ಒಂದಲ್ಲ ಒಂದು ವಿಷಯಕ್ಕೆ ಸತತವಾಗಿ ಟ್ರೆಂಡಿಂಗ್ ಪಟ್ಟಿಯಲ್ಲಿಯೇ ಉಳಿದುಕೊಂಡಿದೆ.

ಟಾಪ್ 10 ಪಟ್ಟಿ ಹೀಗಿದೆ

ಐಎಂಡಿಬಿ ಬಿಡುಗಡೆಗೊಳಿಸಿರುವ ಟಾಪ್ 10 ಜನಪ್ರಿಯತೆ ಗಳಿಸಿದ ಚಿತ್ರಗಳ ಟಾಪ್ 10 ಪಟ್ಟಿ ಇಲ್ಲಿದೆ..

1. ಆರ್ ಆರ್ ಆರ್ ( ತೆಲುಗು )

2. ದಿ ಕಾಶ್ಮೀರ್ ಫೈಲ್ಸ್ ( ಹಿಂದಿ )

3. ಕೆಜಿಎಫ್ ಚಾಪ್ಟರ್ 2( ಕನ್ನಡ )

4. ವಿಕ್ರಮ್ ( ತಮಿಳು )

5. ಕಾಂತಾರ ( ಕನ್ನಡ )

6. ರಾಕೆಟ್ರಿ: ದ ನಂಬಿ ಎಫೆಕ್ಟ್ ( ದ್ವಿಭಾಷಾ ಚಿತ್ರ )

7. ಮೇಜರ್ ( ತೆಲುಗು )

8. ಸೀತಾ ರಾಮಮ್ ( ತೆಲುಗು )

9. ಪೊನ್ನಿಯಿನ್ ಸೆಲ್ವನ್ 1 ( ತಮಿಳು )

10. 777 ಚಾರ್ಲಿ ( ಕನ್ನಡ )

ದಕ್ಷಿಣ ಭಾರತ ಚಿತ್ರಗಳ ಅಬ್ಬರ

ಬಾಕ್ಸ್‌ ಆಫೀಸ್ ಮಾತ್ರವಲ್ಲದೇ ಐಎಂಡಿಬಿಯಲ್ಲಿಯೂ ಸಹ ಈ ವರ್ಷ ಬಾಲಿವುಡ್ ಚಿತ್ರಗಳನ್ನು ಸೌತ್ ಸಿನಿಮಾಗಳು ಸದೆಬಡಿದಿವೆ. ಈ ಮೇಲ್ಕಂಡ ಪಟ್ಟಿಯಲ್ಲಿ ದಿ ಕಾಶ್ಮೀರ್ ಫೈಲ್ಸ್ ಹೊರತುಪಡಿಸಿ ಉಳಿದ ಯಾವ ಹಿಂದಿ ಚಿತ್ರವೂ ಸಹ ಸ್ಥಾನ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿಲ್ಲ. ಇನ್ನುಳಿದಂತೆ ಕನ್ನಡದ ಮೂರು ಚಿತ್ರಗಳು, ತೆಲುಗಿನ ಮೂರು ಚಿತ್ರಗಳು ಹಾಗೂ ತಮಿಳಿನ ಎರಡು ಚಿತ್ರಗಳು ಈ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡು ಅಬ್ಬರಿಸಿವೆ.