'ಬಹದ್ದೂರ್' ಧ್ರುವ ಸರ್ಜಾ ಗಡ್ಡ ಬಿಟ್ಟಿರುವುದರ ಹಿಂದಿನ ಗುಟ್ಟೇನು.?

ಇದೇ ನೋಡಿ 'ಆ' ಫೋಟೋ

'ಪೊಗರು' ಚಿತ್ರಕ್ಕಾಗಿ ಧ್ರುವ ಸರ್ಜಾ ತಾಳಿರುವ ಹೊಸ ಅವತಾರ ಇದು. ಗಡ್ಡ ಬಿಟ್ಟಿರುವ ಧ್ರುವ ಸರ್ಜಾ ಈ ಫೋಟೋದಲ್ಲಿ ಹೇಗೆ ಕಾಣ್ತಾರೆ.? ನೀವೇ ಕಾಮೆಂಟ್ ಮಾಡಿ...

'ಪೊಗರು'ಗಾಗಿ ಹೊಸ ಪ್ರಯೋಗ

'ಪೊಗರು' ಚಿತ್ರಕ್ಕಾಗಿ ನಟ ಧ್ರುವ ಸರ್ಜಾ ಹೊಸ ಪ್ರಯೋಗ ಮಾಡುತ್ತಿದ್ದಾರೆ. ಸಿನಿಮಾದಲ್ಲಿ ಎರಡು ಶೇಡ್ ಗಳಲ್ಲಿ ಕಾಣಿಸಿಕೊಳ್ಳುತ್ತಿರುವ ಧ್ರುವ ಸರ್ಜಾ, 30 ಕೆ.ಜಿ ತೂಕ ಇಳಿಸಿಕೊಂಡಿದ್ದರು. ಒಂದು ತಿಂಗಳ ಕಾಲ ಕಠಿಣ ಡಯೆಟ್ ಅನುಸರಿಸಿ, ಬರೀ ಲಕ್ವಿಡ್ ಫುಡ್ ಮಾತ್ರ ಸೇವಿಸಿ ಧ್ರುವ ಸರ್ಜಾ 'ಪೊಗರು' ಚಿತ್ರಕ್ಕೋಸ್ಕರ 30 ಕೆ.ಜಿ ಕಮ್ಮಿ ಆಗಿದ್ದರು.

30 ಕೆ.ಜಿ ಕಮ್ಮಿ ಆಗಿದ್ಯಾಕೆ.?

'ಪೊಗರು' ಸಿನಿಮಾದಲ್ಲಿ ನಾಯಕನ ಶಾಲೆಯ ಸನ್ನಿವೇಶ ಇದೆ. 9 ನೇ ಕ್ಲಾಸ್ ಓದುವ ಹುಡುಗನಾಗಿ ಧ್ರುವ ಸರ್ಜಾ ಕಾಣಿಸಬೇಕು. ಹೀಗಾಗಿ, 30 ಕೆ.ಜಿ ಕಮ್ಮಿ ಆಗಲು ಧ್ರುವ ಸರ್ಜಾ ಮನಸ್ಸು ಮಾಡಿದರು.

ಮತ್ತೆ ಬಾಡಿ ಬಿಲ್ಡ್ ಮಾಡಿರುವ ಧ್ರುವ ಸರ್ಜಾ

30 ಕೆ.ಜಿ ತೂಕ ಇಳಿಸಿದ್ಮೇಲೆ, ಶಾಲೆಯ ಸನ್ನಿವೇಶಗಳ ಚಿತ್ರೀಕರಣ ಮಾಡಲಾಗಿದೆ. ಅದು ಮುಗಿದ ಬಳಿಕ ಮತ್ತೆ ಬಾಡಿ ಬಿಲ್ಡ್ ಮಾಡಿದ್ದಾರೆ ಧ್ರುವ ಸರ್ಜಾ. ಇದರೊಂದಿಗೆ ಗಡ್ಡ ಕೂಡ ಬಿಟ್ಟಿದ್ದಾರೆ. ಜೊತೆಗೆ ಮಲ್ಲಗಂಬ ಪ್ರದರ್ಶನ ಮಾಡಿದ್ದಾರೆ. 'ಪೊಗರು'ಗಾಗಿ ಇಷ್ಟೆಲ್ಲಾ ಮಾಡಿರುವ ಧ್ರುವ ಸರ್ಜಾಗೆ ಹ್ಯಾಟ್ಸ್ ಆಫ್ ಹೇಳಲೇಬೇಕು. ಅಂದ್ಹಾಗೆ, 'ಪೊಗರು' ಚಿತ್ರದ ಬಿಡುಗಡೆ ದಿನಾಂಕ ಇನ್ನೂ ನಿಗದಿ ಆಗಿಲ್ಲ.