ನಾಲ್ಕು ಹುಡುಗಿಯರ ಜೊತೆ 'ಮುಗುಳು ನಗೆ' ಬೀರಿದ ಗಣಪ

ಕ್ರೇಜಿ‍ ಹುಡುಗಿ 'ಆಶಿಕಾ'

'ಆಶಿಕಾ' ಎನ್ನುವ ಸಿಂಪಲ್ ಸುಂದರಿ 'ಮುಗುಳು ನಗೆ' ಸಿನಿಮಾದ ನಾಯಕಿಯರಲ್ಲಿ ಒಬ್ಬರು. ಈ ಹಿಂದೆ 'ಕ್ರೇಜಿ ಬಾಯ್' ಎನ್ನುವ ಸಿನಿಮಾ ಮಾಡಿದ್ದ ಆಶಿಕಾಗೆ ಇದು ಎರಡನೇ ಸಿನಿಮಾ. ಸದ್ಯ ಪೋಸ್ಟರ್ ನಲ್ಲಿ ಆಶಿಕಾ ಲುಕ್ ಹೊರಬಿದ್ದಿದೆ. ಗಣೇಶ್ ಆಶಿಕಾ ಜೋಡಿ ತುಂಬಾ ಮುದ್ದಾಗಿ ಕಾಣಿಸಿಕೊಂಡಿದೆ.

ನಿಕಿತಾ ನಾರಾಯಣ್

'ಮಡಮಕ್ಕಿ' ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ಅಭಿನಯಿಸಿದ್ದ ನಿಕಿತಾ ನಾರಾಯಣ್, ಗಣೇಶ್ ಜೊತೆ ಕಾಣಿಸಿಕೊಳ್ತಿರುವ ಮತ್ತೊಬ್ಬ ನಾಯಕಿ. ನಿಕಿತಾ ಲುಕ್ ಸಿನಿಮಾದಲ್ಲಿ ಹೇಗಿರುತ್ತೆ ಎನ್ನುವ ಝಲಕ್ ಬಿಡುಗಡೆ ಆಗಿದೆ. ಗಣೇಶ್-ನಿಕಿತಾ ಜೋಡಿ ತುಂಬ ಫ್ರೆಶ್ ಆಗಿದೆ.

ಹಾರಿಬಂದ 'ಅಪೂರ್ವ'

'ಸಿದ್ಧಾರ್ಥ' ಸಿನಿಮಾದಲ್ಲಿ ಸಖತ್ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದ ಅಪೂರ್ವ ಅರೋರಾ ಈಗ ಮತ್ತೆ ಸ್ಯಾಂಡಲ್ ವುಡ್ ಕಡೆ ಮುಖ ಮಾಡಿದ್ದಾರೆ. ತನ್ನ ಸಹಜ ಸೌಂದರ್ಯದ ಮೂಲಕ ಕಣ್ಣು ಕುಕ್ಕುವ ಈ ಕುವರಿ ಇಲ್ಲಿಯೂ ಮೋಡಿ ಮಾಡುವುದರಲ್ಲಿ ಡೌಟೇ ಇಲ್ಲ ಬಿಡಿ.

'ಗೋಲ್ಡನ್' ಪೇರ್..

'ಅಮೂಲ್ಯ' ಸದ್ಯ ತಮ್ಮ ಮದುವೆ ಕೆಲಸಗಳಲ್ಲಿ ಬಿಜಿ ಇರುವುದರಿಂದ, 'ಮುಗುಳು ನಗೆ' ಸಿನಿಮಾದಿಂದ ಹೊರಬಂದಿದ್ದಾರೆ ಎನ್ನುವ ಮಾತಿತ್ತು. ಅದ್ರೇ ಸಿನಿಮಾದ ಒಂದು ಚಿಕ್ಕ ಪಾತ್ರದಲ್ಲಿ ಅಮೂಲ್ಯ ಕಾಣಿಸಿಕೊಳ್ಳುವುದು ಪಕ್ಕಾ ಆಗಿದೆ. ಡೇಟ್ಸ್ ಪ್ರಾಬ್ಲಂ ನಿಂದ ಅವರ ಪಾತ್ರವನ್ನ ಸ್ವಲ್ಪ ಬದಲಿಸಲಾಗಿದೆ.[ಅಜಯ್ ರಾವ್ ಗೆ 'ಅಮೂಲ್ಯ-ಜಗದೀಶ್' ಮದುವೆ ಕರೆಯೋಲೆ]

ಮತ್ತೆ ನಡೆಯುತ್ತಾ ಮ್ಯಾಜಿಕ್.?

'ಯೋಗರಾಜ್ ಭಟ್' ಮತ್ತು 'ಗಣೇಶ್' ಕಾಂಬಿನೇಷನ್ ಇದ್ರೆ ಸಿನಿಮಾ ಹಿಟ್ ಎಂಬ ಮಾತು ಗಾಂಧಿನಗರದಲ್ಲಿ ಚಾಲ್ತಿಯಲ್ಲಿದೆ. 'ಗಾಳಿಪಟ' ಸಿನಿಮಾದ ಬಳಿಕ ಮತ್ತೆ ಒಂದಾಗಿರುವ ಈ ಜೋಡಿ ಮೇಲೆ ನಿರೀಕ್ಷೆ ಹೆಚ್ಚಿದೆ. ಅಲ್ಲದೇ ಇಬ್ಬರಿಗೂ ಸಹ ಈ ಸಿನಿಮಾದ ಗೆಲುವು ಬಹಳ ಮುಖ್ಯವಾಗಿದೆ.

ರಿಲೀಸ್ ಯಾವಾಗ..?

'ಮುಗುಳು ನಗೆ' ಸಿನಿಮಾದ ಕೊನೆ ಹಂತದ ಚಿತ್ರೀಕರಣ ಸ್ವಲ್ಪ ಮಟ್ಟಿಗೆ ಬಾಕಿ ಇದೆ. ಪೋಸ್ಟ್ ಪ್ರೊಡಕ್ಷನ್ ಎಲ್ಲ ಮುಗಿಸಿ ಬರೋದ್ರೊಳಗೆ ಜೂನ್ ತಿಂಗಳ ಕೊನೆಯಾಗಬಹುದು.[ಮದುವೆಗೂ ಮುನ್ನ 'ಕೊನೆ' ಪಾರ್ಟಿ ಮಾಡಿ ಖುಷಿ ಪಟ್ಟ ಅಮೂಲ್ಯ.!]