ಯಶ್-ರಾಧಿಕಾ ಪಂಡಿತ್ ಮದುವೆಯ ಆಕರ್ಷಕ ಫೋಟೋ ಆಲ್ಬಂ

ಹೊಸ ಬಾಳಿಗೆ ಕಾಲಿಟ್ಟ ಸ್ಟಾರ್ ಜೋಡಿ

ಕೊಂಕಣಿ ಕುಟುಂಬದ ಹುಡುಗಿ ರಾಧಿಕಾ ಪಂಡಿತ್ ಜೊತೆ ಒಕ್ಕಲಿಗ ಕುಟುಂಬದ ಹುಡುಗ ಯಶ್ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ.['ಮಿಸ್ಟರ್ ಅಂಡ್ ಮಿಸಸ್' ಆದ ಯಶ್-ರಾಧಿಕಾ ಪಂಡಿತ್]

ಮೇಡ್ ಫಾರ್ ಈಚ್ ಅದರ್

ಈ ಫೋಟೋ ನೋಡ್ತಿದ್ರೆ, ನಿಮಗೆ ಯಶ್ ಮತ್ತು ರಾಧಿಕಾ ಪಂಡಿತ್ ಮೇಡ್ ಫಾರ್ ಈಚ್ ಅದರ್ ಅನ್ಸುತ್ತೆ ಅಲ್ವಾ?

ಸಂಪ್ರದಾಯ ಬದ್ಧವಾಗಿ ನಡೆದ ಮದುವೆ

ಶಾಸ್ತ್ರ-ಸಂಪ್ರದಾಯ ಬದ್ಧವಾಗಿ ಯಶ್-ರಾಧಿಕಾ ಪಂಡಿತ್ ಮದುವೆ ಬೆಂಗಳೂರಿನ ಪ್ರತಿಷ್ಟಿತ ಹೋಟೆಲ್ ತಾಜ್ ವೆಸ್ಟ್ ಎಂಡ್ ನಲ್ಲಿ ನಡೆಯಿತು.

ದೇವಸ್ಥಾನದ ಮದುವೆ ಮಂಟಪದಲ್ಲಿ ಧಾರೆ

ರಾಧಿಕಾ ಪಂಡಿತ್ ಹಾಗೂ ಯಶ್ ರವರ ವಿವಾಹಕ್ಕೋಸ್ಕರ ಬೆಂಗಳೂರಿನ ತಾಜ್ ವೆಸ್ಟ್ ಎಂಡ್ ಹೋಟೆಲ್ ನಲ್ಲಿ ಐತಿಹಾಸಿಕ ಸೋಮನಾಥೇಶ್ವರ ದೇವಸ್ಥಾನದ ಸೆಟ್ ನಿರ್ಮಾಣವಾಗಿತ್ತು. ಒಂದು ಸಾವಿರಕ್ಕೂ ಹೆಚ್ಚು ತಾವರೆ ಹೂ, ಸೇವಂತಿ ಹೂ, ನಂದಿ ಬಟ್ಟಲು ಹೂ, ಮೈಸೂರು ಮಲ್ಲಿಗೆ ಹೂ, ಸುಗಂಧ ರಾಜ ಹೂಗಳಿಂದ ಅಲಂಕಾರಗೊಂಡಿದ್ದ ಮದುವೆ ಮಂಟಪದಲ್ಲಿ ರಾಧಿಕಾ ಪಂಡಿತ್ ರವರಿಗೆ ಯಶ್ ತಾಳಿ ಕಟ್ಟಿದರು. [ಎಕ್ಸ್ ಕ್ಲೂಸಿವ್: ತಾಜ್ ವೆಸ್ಟ್ಎಂಡ್ ನಲ್ಲಿ ಯಶ್-ರಾಧಿಕಾ 'ಧಾರೆ'ಗೆ ಶಿವಾಲಯ ನಿರ್ಮಾಣ]

ಶಿವ-ಪಾರ್ವತಿ ಸಮ್ಮುಖದಲ್ಲಿ ಮದುವೆ

ಸೋಮನಾಥೇಶ್ವರ ದೇವಸ್ಥಾನದ ಸೆಟ್ ನಲ್ಲಿ ಶಿವ-ಪಾರ್ವತಿ, ನಂದಿ ಹಾಗೂ ಗಣಪತಿ ಮೂರ್ತಿ ಸಮ್ಮುಖದಲ್ಲಿ ಯಶ್-ರಾಧಿಕಾ ಪಂಡಿತ್ ವಿವಾಹವಾದರು. ['ಯಶ್-ರಾಧಿಕಾ' ಮೆಹಂದಿ ಶಾಸ್ತ್ರದ ಕಂಪ್ಲೀಟ್ ವಿಶೇಷತೆಗಳು!]

ಮಿರಿ ಮಿರಿ ಮಿಂಚಿದ ರಾಧಿಕಾ ಪಂಡಿತ್

ಗೋಲ್ಡನ್ ಹಾಗೂ ಕೆಂಪು ಬಣ್ಣ ಮಿಶ್ರಿತ ಸೀರೆಯನ್ನು ತೊಟ್ಟು ವಧು ರಾಧಿಕಾ ಪಂಡಿತ್ ಮಿರಿ ಮಿರಿ ಮಿಂಚಿದರು. [ಎಕ್ಸ್ ಕ್ಲೂಸಿವ್ : ನವ ವಧು ರಾಧಿಕಾ ಪಂಡಿತ್ ಗೌರಿ ಪೂಜೆ ವಿಡಿಯೋ]

ವರ ಯಶ್ ಮೊಗದಲ್ಲಿ ಮಂದಹಾಸ

ಹಸಿರು, ಕ್ರೀಮ್ ಮತ್ತು ಗೋಲ್ಡನ್ ಬಣ್ಣ ಮಿಶ್ರಿತ ರೇಶ್ಮೆ ಶಲ್ಯ, ಮೈಸೂರು ಪೇಟ ತೊಟ್ಟಿದ್ದರು ವರ ಯಶ್.

ತಾಳಿ ಕಟ್ಟುವ ಶುಭ ವೇಳೆ

''ಮಾಂಗಲ್ಯಂ ತಂತು ನಾನೇನ..'' ಎನ್ನುತ್ತಾ ಶುಭ ಅಭಿಜಿತ್ ಲಗ್ನದಲ್ಲಿ ರಾಧಿಕಾ ಪಂಡಿತ್ ಕೊರಳಿಗೆ ನಟ ಯಶ್ ಮಾಂಗಲ್ಯಧಾರಣೆ ಮಾಡಿದರು.

ಇಂದು ಅದ್ಧೂರಿ ರಿಸೆಪ್ಷನ್ ಇದೆ

ಇಂದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಯಶ್-ರಾಧಿಕಾ ಪಂಡಿತ್ ರವರ ಅದ್ಧೂರಿ ಆರತಕ್ಷತೆ ನಡೆಯಲಿದೆ.

ಹೊಸ ಜೋಡಿಗೆ ವಿಶ್ ಮಾಡಿ

ಈಗಷ್ಟೇ ಹೊಸ ಬದುಕಿಗೆ ಕಾಲಿಟ್ಟಿರುವ ಯಶ್-ರಾಧಿಕಾ ಪಂಡಿತ್ ಗೆ ನೀವೂ ವಿಶ್ ಮಾಡಿ. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ ಶುಭಾಶಯಗಳನ್ನು ತಿಳಿಸಿ....