ಸದ್ದು ಮಾಡದೆ, ಸುದ್ದಿ ಇಲ್ಲದೆ ಮದುವೆಯಾದ್ರಾ ಪಾರೂಲ್..?

ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಪಾರೂಲ್.?

ನಟಿ ಪಾರೂಲ್ ಯಾದವ್ ಮದುವೆ ಮಾಡಿಕೊಂಡಿದ್ದಾರೆ. ಕೈತುಂಬ ಮೆಹಂದಿ ಹಾಕಿಕೊಂಡು ಮದುವೆ ಸಂಭ್ರಮದಲ್ಲಿ ಪಾರೂಲ್ ಫೋಟೋ ಗಳನ್ನೂ ತೆಗೆದುಕೊಂಡಿದ್ದಾರೆ. ಪಾರೂಲ್ ಮದುವೆಯಾದ ತಕ್ಷಣ ಫ್ಲೈಟ್ ಹತ್ತಿ ಪ್ಯಾರಿಸ್ ಕಡೆಗೆ ಹೊರಟಿದ್ದಾರೆ.

ಹನಿಮೂನ್ ಗಾಗಿ ಪ್ಯಾರಿಸ್ ಗೆ ಹೋದ್ರಾ ಪಾರೂಲ್.?

ಹಾಗಾದ್ರೆ ಹನಿಮೂನ್ ಗಾಗಿ ಪಾರೂಲ್ ಪ್ಯಾರಿಸ್ ಗೆ ಹೊರಟ್ರಾ ಅಂತ ಕೇಳಿದ್ರೆ ಉತ್ತರ ಹೌದು. ಅದ್ರೆ, ಇವೆಲ್ಲವೂ ನಡೆದಿರುವುದು ಸಿನಿಮಾದಲ್ಲಿ ಮಾತ್ರ. ಪಾರೂಲ್ ಮದುಮಗಳಂತೆ ತಯಾರಾಗಿರುವುದು ಕೂಡ ಸಿನಿಮಾದ ಚಿತ್ರೀಕರಣಕ್ಕಾಗಿ.!

'ಬಟರ್‌ ಫ್ಲೈ' ಸಿನಿಮಾದಲ್ಲಿ ಪಾರೂಲ್ ಕಲ್ಯಾಣ

ಈಗಾಗಲೇ ಎಲ್ಲರಿಗೂ ತಿಳಿದಿರುವಂತೆ ಪಾರೂಲ್ ಹಿಂದಿಯ 'ಕ್ವೀನ್' ರೀಮೇಕ್ ಸಿನಿಮಾದಲ್ಲಿ ಆಕ್ಟ್ ಮಾಡ್ತಿದ್ದಾರೆ. ರಮೇಶ್ ಅರವಿಂದ್ ನಿರ್ದೇಶನದ ಚಿತ್ರದಲ್ಲಿ ಪಾರೂಲ್ ಲೀಡ್ ರೋಲ್ ಪ್ಲೇ ಮಾಡ್ತಿದ್ದು, ಸದ್ಯ ಚಿತ್ರತಂಡ ಪಾರೂಲ್ ಮದುವೆ ಸಂಭ್ರಮ ಮುಗಿಸಿ ಮುಂದಿನ ಭಾಗದ ಚಿತ್ರೀಕರಣಕ್ಕಾಗಿ ಪ್ಯಾರಿಸ್ ನಲ್ಲಿದೆ.

ರಮೇಶ್ ಅರವಿಂದ್ ಡೈರೆಕ್ಷನ್ ನಲ್ಲಿ 'ಕ್ವೀನ್' ಕನ್ನಡ

'ಬಟರ್ ಫ್ಲೈ' ಸಿನಿಮಾವನ್ನ ನಟ, ನಿರ್ದೇಶಕ, ನಿರೂಪಕ ರಮೇಶ್ ಅರವಿಂದ್ ನಿರ್ದೇಶನ ಮಾಡ್ತಿದ್ದಾರೆ. ಪಾರೂಲ್ ಮುಖ್ಯ ಭೂಮಿಕೆಯಲ್ಲಿ ಆಕ್ಟ್ ಮಾಡಿದ್ರೆ, ಆಮಿ ಜಾಕ್ಸನ್ ಕೂಡ ಒಂದು ಪಾತ್ರದಲ್ಲಿ ಆಕ್ಟ್ ಮಾಡ್ತಿದ್ದಾರೆ. ಈಗಾಗ್ಲೆ ಎರಡನೇ ಹಂತದ ಚಿತ್ರೀಕರಣ ಶುರುವಾಗಿದ್ದು ಸಿನಿಮಾ ತಂಡ ಪ್ಯಾರಿಸ್ ನಲ್ಲಿ ಸಿನಿಮಾದ ಸೆಕೆಂಡ್ ಆಫ್ ಶೂಟಿಂಗ್ ನಲ್ಲಿ ಬಿಜಿ ಆಗಿದೆ. ಮೆಡಿನೆಟ್ ಇಂಟರ್ ನ್ಯಾಷನಲ್ ಫಿಲ್ಮ್ ನಲ್ಲಿ ಚಿತ್ರ ನಿರ್ಮಾಣವಾಗ್ತಿದ್ದು ವರ್ಷಾಂತ್ಯಕ್ಕೆ ಚಿತ್ರ ತೆರೆಗೆ ತರೋ ಪ್ರಯತ್ನದಲ್ಲಿದೆ.