ನಟಿಯರ ಕಾರ್ ಕ್ರೇಜ್: ದಸರಾ ವಿಶೇಷ ಮನೆಗೆ ಬಂತು ಕಾಸ್ಟ್ಲೀ ಕಾರ್ ಗಳು

ಕೃತಿ ಕರಬಂಧ

'ಚಿರು' ಚಿತ್ರದ ಮೂಲಕ ಪಡ್ಡೆ ಹುಡುಗರ ಹೃದಯಕ್ಕೆ 'ಗೂಗ್ಲಿ' ಹಾಕಿ, ಈಗ ಬಾಲಿವುಡ್ ಸೇರಿದಂತೆ ಬಹುಭಾಷಾ ನಟಿಯಾಗಿರುವ ಕೃತಿ ಕರಬಂಧ ಇತ್ತೀಚೆಗಷ್ಟೇ 'ಹುಂಡಾಯ್ ಕಂಪನಿ'ಯ ಬಿಳಿ ಬಣ್ಣದ ಹೊಸ ಕಾರ್ ಖರೀದಿಸಿದ್ದಾರೆ.

ಊರ್ವಶಿ ರೌಟೇಲಾ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯಿಸಿದ್ದ ಐರಾವತ ಚಿತ್ರದಲ್ಲಿ ನಾಯಕಿಯಾಗಿದ್ದ ಊರ್ವಶಿ ರೌಟೇಲಾ ಅವರ ಮನೆಗೆ ರೇಂಜ್ ರೋವರ್ (range rover) ಬಂದಿದೆ. ಹೊಸ ಕಾರಿಗೆ ಅವರ ತಾಯಿ ಪೂಜೆ ಮಾಡಿಸುತ್ತಿರುವ ಫೋಟೋವನ್ನ ನಟಿ ಊರ್ವಶಿ ಹಂಚಿಕೊಂಡಿದ್ದಾರೆ.

ಪೂಜಾ ಹೆಗಡೆ

'ಮೊಹೆಂಜೊದಾರೋ' ಚಿತ್ರದ ಮೂಲಕ ಹೃತಿಕ್ ಜೋಡಿಯಾಗಿ, ತಮಿಳು ಮತ್ತು ತೆಲುಗಿನಲ್ಲಿ ಖ್ಯಾತಿ ಗಳಿಸಿಕೊಂಡಿರು ಪೂಜಾ ಹೆಗಡೆ ತಮ್ಮ ಕನಸಿನ 'BMW' ಕಾರ್ ಖರೀದಿಸಿ ಸಂಭ್ರಮಿಸಿದ್ದಾರೆ.

ರಕುಲ್ ಪ್ರೀತ್ ಸಿಂಗ್

ಕನ್ನಡದ 'ಗಿಲ್ಲಿ' ಮೂಲಕ ಸಿನಿವೃತ್ತಿ ಆರಂಭಿಸಿದ್ದ ರಕುಲ್ ಪ್ರೀತ್ ಸಿಂಗ್ ಈಗ ದಕ್ಷಿಣದ ಬಹುಬೇಡಿಕೆಯ ನಟಿ. ಯಶಸ್ಸಿನ ಉತ್ತುಂಗದಲ್ಲಿರುವ ರಕುಲ್ 'ಮರ್ಸಿಡಿಸ್ ಬೆಂಜ್' ಕಾರ್ ನ್ನ ಖರೀದಿಸಿ ಖುಷಿ ಹಂಚಿಕೊಂಡಿದ್ದಾರೆ.

ಪ್ರಣೀತಾ ಸುಭಾಷ್

ಪೊರ್ಕಿ', 'ಬ್ರಹ್ಮ', 'ಜಗ್ಗು ದಾದಾ', 'ಮಾಸ್ ಲೀಡರ್' ಸೇರಿದಂತೆ ಅನೇಕ ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸಿರುವ ನಟಿ ಪ್ರಣೀತಾ ಸುಭಾಸ್ ಮನೆಗೆ ಹೊಸ ಕಾರು ಬಂದು ನಿಂತಿದೆ. ಕನ್ನಡ ಮಾತ್ರವಲ್ಲದೇ ಟಾಲಿವುಡ್, ಕಾಲಿವುಡ್ ಮತ್ತು ಮಾಲಿವುಡ್ ನಲ್ಲಿಯೂ ಜನಪ್ರಿಯತೆ ಗಳಿಸಿರುವ ನಟಿ ಪ್ರಣೀತಾ ಸುಭಾಷ್ ಕೆಂಪು ಹಾಗೂ ಕಪ್ಪು ಬಣ್ಣ ಮಿಶ್ರಿತ 'ಮಿನಿ ಕೂಪರ್' ಕಾರು ಖರೀದಿಸಿದ್ದಾರೆ.

ಅಮೂಲ್ಯ

ಈ ವರ್ಷ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ 'ಚೆಲುವಿನ ಚಿತ್ತಾರ'ದ ಹುಡುಗಿ ಅಮೂಲ್ಯ ಅವರಿಗೆ ಪತಿ ಜಗದೀಶ್ ಬಿಳಿ ಬಣ್ಣದ ಮರ್ಸಿಡಿಸ್ ಬೆಂಜ್ ಕಾರನ್ನ (Mercedes Benz) ಗಿಫ್ಟ್ ಕೊಟ್ಟಿದ್ದಾರೆ.

ಅಮೂಲ್ಯ ಹುಟ್ಟುಹಬ್ಬಕ್ಕೆ ಪತಿ ಜಗದೀಶ್ ಕೊಟ್ಟ ದುಬಾರಿ ಗಿಫ್ಟ್!