ಬರ್ತಡೇಗೆ ಸಂತಸದ ಗಾಳಿಪಟ ಹಾರಿಸ್ತಿದ್ದಾರೆ ಭಾವನಾ

ಭಾವನಾಗೆ ರಾಗಿಮುದ್ದೆ ಸೊಪ್ಪಿನ ಸಾರು ಇಷ್ಟ

ಸ್ಮಾರ್ತ ಬ್ರಾಹ್ಮಣರ ಹುಡುಗಿ ಭಾವನಾಗೆ ಅದ್ಹೇಗೆ ಮುದ್ದೆ ಸೊಪ್ಪಿನ ಸಾರು ಇಷ್ಟವಾಗುತ್ತೋ ಗೊತ್ತಿಲ್ಲ. ಯಾಕಂದ್ರೆ ಬ್ರಾಹ್ಮಣರ ಮನೆಗಳಲ್ಲಿ ಸಹಜವಾಗಿ ಹುಳಿ ಸಾರು, ನೀರು ಅದು ಇದೂ ಅಂತ ಮಾಡ್ತಾರೆ ಅಷ್ಟೆ. ಆದ್ರೆ ಭಾವನಾ ಮುದ್ದೆ ಪ್ರೇಮಿ.

ಸಖತ್ ತುಂಟಿ ಈ ಗಾಳಿಪಟದ ಬೆಡಗಿ

ಮನೆಯಲ್ಲಿ ಭಾವನಾ ತುಂಬಾನೇ ತುಂಟಿಯಂತೆ. ಅಪ್ಪ ಅಮ್ಮ ಮಗಳು ಹೇಳಿದಂತೆ ಕೇಳಬೇಕಂತೆ. ಯಾಕಂದ್ರೆ ಭಾವನಾ ಮನೆಯ ಮುದ್ದಿನ ಮಗಳು. ಶಾಲೆ ಕಾಲೇಜಲ್ಲೂ ಭಾವನಾ ನಾಟಿ ಲಡ್ಕಿಯಂತೆ.

ಆಕ್ಟಿಂಗ್ ಗಿಂತ ಡಾನ್ಸ್ ಇಷ್ಟ

ಭಾವನಾ ಪ್ರತಿನಿತ್ಯ ಒಂದಷ್ಟು ಸಮಯ ಡಾನ್ಸ್ ಮಾಡೋದನ್ನ ತಪ್ಪಿಸಿಕೊಳ್ಳೋದಿಲ್ಲ. ಡಾನ್ಸ್ ನಲ್ಲಿ ವಿದ್ವತ್ ಗ್ರೇಡನ್ನೂ ಪಡ್ಕೊಂಡಿರೋ ಭಾವನಾ ಪ್ರೀ ಸಿಕ್ಕಿದಾಗಲೆಲ್ಲ ಡಾನ್ಸ್ ಕಲೀತಾರೆ.

ಫಿಟ್ ಅಂಡ್ ಫೈನ್ ಭಾವನಾ

ಮೊದಲೆಲ್ಲ ಭಾವನಾ ಫುಲ್ ವೀಕ್ ಇದ್ರು. ಇಷ್ಟು ತೆಳ್ಳಗಿದ್ರೆ ಚೆನ್ನಾಗಿ ಕಾಣಲ್ಲ ಅನ್ನೋ ಮಾತಿತ್ತು. ಆದ್ರೆ ಈಗ ಹಾಗಿಲ್ಲ ಭಾವನಾ ಈಗ ಫಿಟ್ ಅಂಡ್ ಫೈನ್, ಸ್ವಲ್ಪ ದಪ್ಪ ಆಗಿದ್ದಾರೆ.

ಬಹುಪರಾಕ್ ಅಂತಿದೆ ಸಿನಿಪರಪಂಚ

ಬಹುಪರಾಕ್ ಚಿತ್ರದಲ್ಲೊಂದು ಸಣ್ಣ ಪಾತ್ರದ ಜೊತೆ ಭರ್ಜರಿ ಡಾನ್ಸ್ ಮಾಡಿದ್ದಾರೆ ಭಾವನಾ. ಬಹುಪರಾಕ್ ನಂತರ ಪರಪಂಚ ಸಿನಿಮಾದಲ್ಲೂ ಒಂದು ಪಾತ್ರ ಮಾಡಿರೋ ಭಾವನಾ ಒಳ್ಳೆಯ ಪಾತ್ರಗಳು ಸಿಕ್ತಿರೋ ಖುಷಿಯಲ್ಲಿದ್ದಾರೆ.

ಗುಲಾಬಿ ಸ್ಟ್ರೀಟ್ ನಲ್ಲಿ ಭಾವನಾ ವಾಕ್

ಭಾವನಾ ಇತ್ತೀಚೆಗೆ ಪಾತ್ರಗಳ ಆಯ್ಕೆಯಲ್ಲಿ ಚೂಸಿ ಆಗಿದ್ದಾರಂತೆ. ತನ್ನ ಪ್ರತಿಭೆಯನ್ನ ಒರೆಗೆ ಹಚ್ಚುವ ಪಾತ್ರಗಳನ್ನ ಮಾಡೋ ನಿರ್ಧಾರ ಮಾಡಿದ್ದಾರೆ. ವೇಶ್ಯೆಯ ಕಥೆಯನ್ನ ಹೇಳೋ ಗುಲಾಬಿ ಸ್ಟ್ರೀಟ್ ಅಂತಹದ್ದೇ ಚಿತ್ರವಂತೆ.

ಹ್ಯಾಪಿ ಬರ್ತಡೇ ಭಾವನಾ

ಈ ಟ್ಯಾಲೆಂಟೆಡ್ ಬ್ಯೂಟಿಗೆ ನಮ್ಮ ಕಡೆಯಿಂದ ಹ್ಯಾಪಿ ಬರ್ತಡೇ. ಭಾವನಾ ಬರುವ ವರ್ಷಗಳಲ್ಲಿ ಭರ್ಜರಿ ಸಿನಿಮಾಗಳನ್ನ ಮಾಡ್ಲಿ ಅನ್ನೋದು ನಮ್ಮ ಆಶಯ.