ದರ್ಶನ್ ಮದುವೆಗೂ 'ಚಾಲೆಂಜಿಂಗ್ ಸ್ಟಾರ್' ಬಿರುದಿಗೂ ಹತ್ತಿರದ ನಂಟು

'ಚಾಲೆಂಜಿಂಗ್ ಹೀರೋ' ಬಿರುದು

ದರ್ಶನ್‌ಗೆ ಚಾಲೆಂಜಿಂಗ್ ಸ್ಟಾರ್ ಬಿರುದು ಸಿಕ್ಕಿ ಇಂದಿಗೆ 18 ವರ್ಷ ಕಳೆದಿದೆ. ಹದಿನೆಂಟು ವರ್ಷದ ಹಿಂದೆ ಅಂದ್ರೆ 2003 ಮೇ 23 ರಂದು ಮೈಸೂರಿನ ಹುಣಸೂರಿನ ಬಳಿಯಿರುವ ಹುಟ್ಕಳ್ಳಿಯಲ್ಲಿ ನಡೆದ ಸಮಾರಂಭದಲ್ಲಿ ದರ್ಶನ್‌ಗೆ ಈ ಬಿರುದು ನೀಡಿ ಗೌರವಿಸಲಾಗಿತ್ತು.

ಈ ಟೈಟಲ್ ಕೊಟ್ಟಿದ್ದು ಯಾರು?

ದರ್ಶನ್ ಆಪ್ತ, ಅಭಿಮಾನಿ ಹುಟ್ಕಳ್ಳಿಯ ದೇಶಿ ಗೌಡರು ದಾಸ ದರ್ಶನ್‌ಗೆ 'ಚಾಲೆಂಜಿಂಗ್ ಹೀರೋ' ಎಂಬ ಬಿರುದು ನೀಡಿದ್ದರು. ಅಂದು ನಡೆದ ಸಮಾರಂಭದಲ್ಲಿ ದರ್ಶನ್ ಸಹೋದರ ದಿನಕರ್ ತೂಗುದೀಪ, ತಾಯಿ ಮೀನಾ, ಪತ್ನಿ ವಿಜಯಲಕ್ಷ್ಮಿ ಸಹ ಭಾಗಿಯಾಗಿದ್ದರು. ಆರಂಭದಲ್ಲಿ ಈ ಬಿರುದು ಕೊಟ್ಟಾಗ 'ಚಾಲೆಂಜಿಂಗ್ ಹೀರೋ' ಅಂತಾನೆ ಇತ್ತು. ದಿನಕಳೆದಂತೆ 'ಚಾಲೆಂಜಿಂಗ್ ಸ್ಟಾರ್' ಆಗಿ ಬದಲಾಯಿತು.

ಆಗಷ್ಟೇ ಮದುವೆ ಆಗಿದ್ದ ದರ್ಶನ್

ಚಾಲೆಂಜಿಂಗ್ ಹೀರೋ ಬಿರುದು ಸಿಗುವುದಕ್ಕೂ ನಾಲ್ಕು ದಿನದ ಹಿಂದೆಯಷ್ಟೆ ದರ್ಶನ್ ವಿವಾಹ ಜರುಗಿತ್ತು. ದರ್ಶನ್ ಮತ್ತು ವಿಜಯಲಕ್ಷ್ಮಿ ವಿವಾಹ ಮೇ 19, 2003ರಲ್ಲಿ ನಡೆದಿತ್ತು. ಮದುವೆ ಆದ ಕೆಲವೇ ದಿನಗಳಲ್ಲಿ ದರ್ಶನ್‌ಗೆ ಚಾಲೆಂಜಿಂಗ್ ಪಟ್ಟಕ್ಕೇರಿದ್ದರು.

18ನೇ ವಿವಾಹ ವಾರ್ಷಿಕೋತ್ಸವ

ಚಾಲೆಂಜಿಂಗ್ ಸ್ಟಾರ್ ಬಿರುದಿನ ಜೊತೆಗೆ ನಟ ದರ್ಶನ್ ಮತ್ತು ವಿಜಯಲಕ್ಷ್ಮಿ ದಾಂಪತ್ಯಕ್ಕೆ 18ನೇ ವರ್ಷದ ಸಂಭ್ರಮ. ಧರ್ಮಸ್ಥಳದ ಶ್ರೀಮಂಜುನಾಥ ಸ್ವಾಮಿ ದೇವಸ್ಥಾನದಲ್ಲಿ ಇವರಿಬ್ಬರ ವಿವಾಹ ಜರುಗಿತ್ತು. ಹಾಗಾಗಿ, ಡಿ ಬಾಸ್ ದಂಪತಿಯ ಮದುವೆ ಹಾಗು ಚಾಲೆಂಜಿಂಗ್ ಸ್ಟಾರ್ ಬಿರುದಿಗೆ ಬಹಳ ಹತ್ತಿರದ ನಂಟಿದೆ.

Recommended Video

Corona ರೋಗಿಗಳ ಉಸಿರಿಗಾಗಿ ಉಸಿರು ತಂಡಕ್ಕೆ ಗಜ ಬಲ ತಂದ D Boss | Filmibeat Kannada

ಎಷ್ಟೇ ಬಿರುದು ಸಿಕ್ಕರೂ 'ಚಾಲೆಂಜಿಂಗ್ ಸ್ಟಾರ್' ಶಾಶ್ವತ

ದಾಸ ದರ್ಶನ್ ಚಿತ್ರರಂಗಕ್ಕೆ ಬಂದು ಎರಡು ದಶಕ ಆಗಿದೆ. ಈ ಸುದೀರ್ಘ ಪಯಣದಲ್ಲಿ ಅವರ ಅಭಿಮಾನಿಗಳು ಹಲವು ಬಿರುದುಗಳನ್ನು ನೀಡಿದ್ದಾರೆ. ಬಾಕ್ಸ್ ಆಫೀಸ್ ಸುಲ್ತಾನ್, ಡಿ ಬಾಸ್, ಶರವೀರ ಶತಸೋದರರಾಗ್ರಜ, Monarch of sandalwood, ಕರುನಾಡ ಒಡೆಯ, ಶತಕೋಟಿ ಸರದಾರ ಹೀಗೆ ಹಲವು ಬಿರುದು ಸಿಕ್ಕಿದೆ. ಆದರೆ, ಚಾಲೆಂಜಿಂಗ್ ಸ್ಟಾರ್ ಎನ್ನುವುದು ದರ್ಶನ್ ಪಾಲಿಗೆ ಶಾಶ್ವತ.