ಕನ್ನಡದ ಹೊಸ ಕ್ರಶ್ ಆಗ್ತಾರಾ 'ಪೈಲ್ವಾನ್' ರುಕ್ಮಿಣಿ

ರುಕ್ಮಿಣಿ ಈಗ ಎಲ್ಲರ ಕಣ್ಮಣಿ

'ಪೈಲ್ವಾನ್' ಸಿನಿಮಾದಲ್ಲಿ ಸುದೀಪ್ ಪಾತ್ರದ ಹೆಸರು ಕೃಷ್ಣ. ಇಲ್ಲಿಯೂ ಕೃಷ್ಣನಿಗೆ ಜೋಡಿಯಾಗಿರುವುದು ರುಕ್ಮಿಣಿ. ರುಕ್ಮಿಣಿ ಪಾತ್ರದ ಮೂಲಕ ಸ್ಯಾಂಡಲ್ ವುಡ್ ಪ್ರವೇಶ ಮಾಡಿರುವ ಈಕೆ ಈಗ ಎಲ್ಲ ಕಣ್ಮಣಿ ಆಗಿದ್ದಾರೆ. ಪ್ರೇಮಿಗಳಾಗಿ ಹಾಗೂ ಗಂಡ, ಹೆಂಡತಿಯಾಗಿ ಸುದೀಪ್ ಮತ್ತು ಆಕಾಂಕ್ಷ ಜೋಡಿ ತುಂಬ ಚೆನ್ನಾಗಿದೆ.

ಟ್ವಿಟ್ಟರ್ ನಲ್ಲಿ ಪ್ರೇಕ್ಷಕರ ಹೊಗಳಿಕೆ

ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿಯುವ ಅಂಶಗಳಲ್ಲಿ ಆಕಾಂಕ್ಷ ಸಿಂಗ್ ನಟನೆ ಕೂಡ ಒಂದು. ಸಿನಿಮಾದಲ್ಲಿ ಸಖತ್ ಕ್ಯೂಟ್ ಆಗಿ ಅವರು ಕಾಣಿಸಿಕೊಂಡಿದ್ದಾರೆ. ಚಿತ್ರ ನೋಡಿ ಇಷ್ಟಪಟ್ಟ ಅಭಿಮಾನಿಗಳು ಅವರ ಟ್ವಿಟ್ಟರ್ ಖಾತೆಯಲ್ಲಿ ಆಕಾಂಕ್ಷ ಬಗ್ಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಆಕಾಂಕ್ಷ ಟ್ವಿಟ್ಟರ್ ಖಾತೆ ನೋಡಿದರೆ, ಸಾಕಷ್ಟು ಅಭಿಮಾನಿಗಳ ಪ್ರತಿಕ್ರಿಯೆ ಕಾಣಿಸುತ್ತಿದೆ.

ವಿಮರ್ಶಕರಿಗೂ ಇಷ್ಟವಾದ ನಟಿ

'ಪೈಲ್ವಾನ್' ಸಿನಿಮಾ ವಿಮರ್ಶೆಗಳನ್ನು ಗಮನಿಸಿದರೆ, ಅಲ್ಲಿ ಆಕಾಂಕ್ಷ ಬಗ್ಗೆ ಒಂದೆರಡು ಸಾಲುಗಳು ಇವೆ. ಎಲ್ಲ ವಿಮರ್ಶಕರು ಆಕೆಯನ್ನು ಹೊಗಳಿದ್ದಾರೆ. ಎಲ್ಲರೂ ಕನ್ನಡಕ್ಕೆ ಬಂದ ಈ ನಟಿಯ ಬೆನ್ನು ತಟ್ಟಿದ್ದಾರೆ. ತನಗೆ ನೀಡಿದ ಅವಕಾಶವನ್ನು ಸರಿಯಾಗಿ ಬಳಸಿಕೊಂಡ ಆಕಾಂಕ್ಷ ವಿಮರ್ಶಕರ ಮನ ಗೆದ್ದಿದ್ದಾರೆ.

ಪ್ರತಿಭೆ ಮತ್ತು ಸೌಂದರ್ಯದ ಮಿಶ್ರಣ

ಕೆಲವು ನಟಿಯರಿಗೆ ಸೌಂದರ್ಯ ಇರುತ್ತದೆ, ಇನ್ನು ಕೆಲವು ನಟಿಯರಿಗೆ ಪ್ರತಿಭೆ ಇರುತ್ತದೆ. ಈ ಎರಡನ್ನು ಹೊಂದಿರುವ ನಟಿಯರು ಹೆಚ್ಚು ಕಾಲ ಇಂಡಸ್ಟ್ರಿಯಲ್ಲಿ ಉಳಿದುಕೊಳ್ಳುತ್ತಾರೆ. ನಟಿ ಆಕಾಂಕ್ಷ ಎರಡನೇ ಸಾಲಿಗೆ ಸೇರುವ ನಟಿ. ಸಿನಿಮಾ ಬಿಡುಗಡೆಗೆ ಮುನ್ನ ತನ್ನ ಬ್ಯೂಟಿ ಮೂಲಕ ಗಮನ ಸೆಳೆದಿದ್ದ ಈಕೆ, ಸಿನಿಮಾದಲ್ಲಿ ತನ್ನ ಪ್ರತಿಭೆಯಿಂದ ಇಷ್ಟ ಆಗುತ್ತಾರೆ.

ಕನ್ನಡದಲ್ಲಿ ಇನ್ನಷ್ಟು ಅವಕಾಶಗಳು ಸಿಗಲಿ

ಆಕಾಂಕ್ಷ ಸಿಂಗ್ ರನ್ನು ಮೆಚ್ಚಿಕೊಂಡ ಅಭಿಮಾನಿಗಳು ಆಕೆಗೆ ಇನ್ನಷ್ಟು ಅವಕಾಶಗಳು ಸಿಗಲಿ ಎಂದು ಶುಭ ಹಾರೈಸುತ್ತಿದ್ದಾರೆ. ಈ ನಟಿ ಕನ್ನಡಲ್ಲಿಯೇ ಉಳಿದುಕೊಳ್ಳಲಿ ಎನ್ನುವುದು ಅನೇಕರ ಆಸೆಯಾಗಿದೆ. ಆಕಾಂಕ್ಷ ಮೇಲಿನ ಅಭಿಮಾನಿಗಳ ಪ್ರೀತಿ ಹೀಗೆ ಮುಂದುವರೆದರೆ, ಆಕೆ ಕನ್ನಡದ ಕ್ರಶ್ ಆಗೇ ಆಗುತ್ತಾರೆ.