ಬಣ್ಣದ ಲೋಕಕ್ಕೆ ಜ್ವಾಲಾ ಗುತ್ತಾ ತಂಗಿ ಇನ್ಸಿ ಗುತ್ತಾ

ವಿಶೇಷ ಎಂದರೆ ಬೆಳ್ಳಿತೆರೆಗೆ ಮೊದಲು ಅಡಿಯಿಟ್ಟಿದ್ದು ಜ್ವಾಲಾ ಆದರೂ ತಂಗಿಯ ಚಿತ್ರ ಮೊದಲು ಬಿಡುಗಡೆಯಾಗುತ್ತಿದೆ. ಈಕೆ ಅಭಿನಯಿಸುತ್ತಿರುವ ಚಿತ್ರದ ಹೆಸರು 'ಬ್ಯಾಕ್ ಬೆಂಚ್ ಸ್ಟುಡೆಂಟ್'. ಈ ಚಿತ್ರ ಇದೇ ವಾರ ತೆರೆಗೆ ಅಪ್ಪಳಿಸುತ್ತಿದೆ. ಮಾಸ್ ಕಮ್ಯುನಿಕೇಷನ್ ನಲ್ಲಿ ಪದವಿ ಪಡೆದಿರುವ ಇನ್ಸಿಗೆ ಸಿನಿಮಾಗಳೆಂದರೆ ಮೊದಲಿಂದಲೂ ತುಂಬಾ ಖಯಾಲಿ ಇತ್ತಂತೆ.

ಅಕ್ಕ ಬೆಳ್ಳಿತೆರೆಗೆ ಬರಲು ತಂಗಿ ಇನ್ಸಿಯೇ ಕಾರಣ ಎನ್ನುತ್ತವೆ ಮೂಲಗಳು. ಆದರೆ ಇನ್ಸಿ ನಟಿಯಾಗಬೇಕು ಎಂದು ಚಿತ್ರರಂಗಕ್ಕೆ ಬರಲಿಲ್ಲವಂತೆ. ಸಹಾಯಕ ನಿರ್ದೇಶಕಿಯಾಗಲು ಬಂದವರಂತೆ. ಆದರೆ ಚಿತ್ರದ ನಿರ್ದೇಶಕರು ಈಕೆಗೆ ಒಂದು ಪಾತ್ರ ಕೊಟ್ಟಿದ್ದಾರೆ. ಅದಕ್ಕೆ ಹೇಳಿ ಮಾಡಿಸಿದ ಮುಖ ಎಂಬ ಕಾರಣಕ್ಕೆ.

'ಬ್ಯಾಕ್ ಬೆಂಚ್ ಸ್ಟುಡೆಂಟ್' ಚಿತ್ರ ಇದೇ ಮಾರ್ಚ್ 15ಕ್ಕೆ ಬಿಡುಗಡೆಯಾಗುತ್ತಿದೆ. ಈ ಚಿತ್ರದ ಮೂಲಕ ತಾಪಸಿ ಪನ್ನು ಮಾಜಿ ಪ್ರಿಯಕರ ಮಹತ್ ರಾಘವೇಂದ್ರ ಪರಿಚಯವಾಗುತ್ತಿದ್ದಾರೆ. ಪಿಯಾ ಬಾಜ್ ಪೇಯಿ, ಅರ್ಚನಾ ಚಿತ್ರದ ಮುಖ್ಯಭೂಮಿಕೆಯಲ್ಲಿದ್ದಾರೆ. (ಏಜೆನ್ಸೀಸ್)