ಬೆಂಗಳೂರಿನಲ್ಲಿ ಐಶ್ವರ್ಯ ಕೈ ಹಿಡಿದ ನಟ ಧರ್ಮ

ಧರ್ಮ ಮದುವೆ ಫೋಟೋಗಳು

ಬೆಂಗಳೂರು ಬಸವೇಶ್ವರನಗರದಲ್ಲಿರುವ ಗಂಗಮ್ಮ ತಿಮ್ಮಯ್ಯ ಕಲ್ಯಾಣಮಂಟದಲ್ಲಿ ಧರ್ಮ ಅವರ ಮದುವೆ ನೆರವೇರಿತು. ಚಿತ್ರರಂಗದ ಹಲವು ಗಣ್ಯರು ಹಾಗೂ ಬಂಧು ಮಿತ್ರರ ಸಮ್ಮುಖದಲ್ಲಿ ಮದುವೆ ನೆರವೇರಿತು. ನಟಿ ಭಾವನಾ, ಹಿರಿಯ ನಟ ರಾಜೇಶ್ ಸೇರಿದಂತೆ ಸಾ.ರಾ.ಗೋವಿಂದು, ಭಾ.ಮಾ.ಹರೀಶ್, ಬಿ.ಆರ್.ಕೇಶವ ಮುಂತಾದವರು ಮದುವೆಗೆ ಸಾಕ್ಷಿಯಾದರು.

ಸುದೀಪ್ ಮುಖ್ಯಭೂಮಿಕೆಯಲ್ಲಿರುವ 'ಹುಚ್ಚ' ಚಿತ್ರದ ಮೂಲಕ ಬೆಳ್ಳಿತೆರೆಗೆ ಅಡಿಯಿಟ್ಟ ಧರ್ಮ ಬಳಿಕ 'ಆ ದಿನಗಳು', 'ಸ್ಲಂ ಬಾಲ', 'ಮಂಡ್ಯ', 'ಮನೆ ಮಗಳು', 'ವೀರ ಮದಕರಿ' ಸೇರಿದಂತೆ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಈ ಹಿಂದೆ ಧರ್ಮ ಹೆಸರು ನಟಿ ಯಜ್ಞಾಶೆಟ್ಟಿ ಜೊತೆಗೆ ಕೇಳಿಬಂದಿತ್ತು. (ಏಜೆನ್ಸೀಸ್)