ಹೃದಯಾಘಾತ: 'ನೆನಪಿನಂಗಳ'ಕ್ಕೆ ಜಾರಿದ ನಟ ಹೇಮಂತ್

ನಟ ಹೇಮಂತ್ ಅವರಿಗೆ ಹೆಬ್ಬಾಳದಲ್ಲಿರುವ ಸ್ವಂತದ ಜಿಮ್ ಸೆಂಟರ್ ನಲ್ಲಿ ಅಭ್ಯಾಸನಿರತರಾಗಿದ್ದಾಗ ಸೋಮವಾರ ಎದೆ ನೋವು ಕಾಣಿಸಿಕೊಂಡಿತ್ತು. ತಕ್ಷಣ ಅವರನ್ನು ಎಂಎಸ್ ರಾಮಯ್ಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಇಂದು ಬೆಳಗ್ಗೆ 3.30ರಲ್ಲಿ ಕೊನೆಯುಸಿರೆಳೆದಿದ್ದಾರೆ.

ಇಂದು ಸಂಜೆ ದೊಡ್ಡಬಳ್ಳಾಪುರದಲ್ಲಿ ಹೇಮಂತ್ ಅಂತ್ಯಕ್ರಿಯೆ ನೆರವೇರಲಿದೆ.

ತಮ್ಮ ಮೊದಲ ಚಿತ್ರ 'ನೆನಪಿನಂಗಳ' ನಂತರ ಹೇಮಂತ್ ಅವರು ಮತ್ತೊಂದು ದೊಡ್ಡ ಬ್ಯಾನರ್‌ನ ಚಿತ್ರಕ್ಕೆ ಸಿದ್ಧತೆ ನಡೆಸಿದ್ದರು. ಹೇಮಂತ್ ಅವರು 'ನೆನಪಿನಂಗಳ' ಚಿತ್ರದ ನಿರ್ಮಾಪಕ, ದೊಡ್ಡಬಳ್ಳಾಪುರ ನಗರಸಭೆಯ ಮಾಜಿ ಸದಸ್ಯ ಜಿ ರಾಮಕೃಷ್ಣ ಅವರ ಪುತ್ರ.