ಸಾಧು ಕೋಕಿಲ ಟ್ವಿಟ್ಟರ್ ಲೋಕಕ್ಕೆ ಎಂಟ್ರಿ ಕೊಟ್ಟ ಹಿಂದಿದೆ ಕಿಡಿಗೇಡಿಗಳ ಕೈವಾಡ

ಸಾಧು ಕೋಕಿಲ ಫೇಕ್ ಟ್ವಿಟ್ಟರ್ ಅಕೌಂಟ್

ಸಾಧು ಕೋಕಿಲ ಹೆಸರಿನಲ್ಲಿ ಓಪನ್ ಆಗಿರುವ ಖಾತೆ ಫೇಕ್. ಯಾರೋ ಕಿಡಿಗೇಡಿಗಳು ಸಾಧು ಹೆಸರಿನಲ್ಲಿ ಟ್ವಿಟ್ಟರ್ ಅಕೌಂಟ್ ಓಪನ್ ಮಾಡಿದ್ದಾರೆ. ಆದರೆ ಸಾಧು ಕೋಕಿಲ ಅವರೆ ಟ್ವಿಟ್ಟರ್ ಗೆ ಎಂಟ್ರಿ ಕೊಟ್ಟಿದ್ದಾರೆ ಎಂದು ಅಭಿಮಾನಿಗಳು ಫುಲ್ ಖುಷ್ ಆಗಿ ಅವರನ್ನು ಫಾಲೋ ಮಾಡಲು ಪ್ರಾರಂಭಿಸಿದ್ದಾರೆ. ಸಿನಿಮಾದಲ್ಲಿ ಮಾತ್ರವಲ್ಲದೆ ಸಾಧು ಸಾಮಾಜಿಕ ಜಾಲತಾಣದಲ್ಲಿಯೂ ಅಭಿಮಾನಿಗಳಿಗೆ ಕಚಗುಳಿ ಇಡಲು ಬಂದಿದ್ದಾರೆ ಎಂದು ಸಂತಸಪಟ್ಟಿದ್ದರು. ಆದರೀಗ ಇದು ನಕಲಿ ಎನ್ನುವ ಸತ್ಯ ಗೊತ್ತಾಗಿದೆ.

ಫೇಕ್ ಅಕೌಂಟ್ ಬಗ್ಗೆ ಸ್ಪಷ್ಟಪಡಿಸಿದ ನಟ ರಘುರಾಮ್

ಸಾಧುಕೋಕಿಲ ಟ್ವಿಟ್ಟರ್ ಗೆ ಎಂಟ್ರಿ ಕೊಟ್ಟಿದ್ದಾರೆ ಎನ್ನುವ ಸುದ್ದಿ ತಿಳಿದ ನಟ ರಘುರಾಮ್ ಸಾಧು ಅವರ ಬಳಿ ವಿಚಾರಿಸಿದ್ದಾರೆ. ಆಗ ಇದು ಫೇಕ್ ಅಕೌಂಟ್ ಎನ್ನುವ ಸತ್ಯ ಬಹಿರಂಗವಾಗಿದೆ. ಈ ಬಗ್ಗೆ ರಾಘುರಾಮ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. "ಸಾಧುಕೋಕಿಲ ಬಳಿ ಮಾತನಾಡಿದೆ. ಅವರು ಯಾವುದೇ ಸಾಮಾಜಿಕ ಜಾಲತಾಣದಲ್ಲಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. ಇದು ಫೇಕ್ ಅಕೌಂಟ್" ಎಂದು ಹೇಳಿದ್ದಾರೆ.

ಫೇಕ್ ಅಕೌಂಟ್ ನಿಂದ ಬಂದ ಮೊದಲ ಟ್ವೀಟ್

'My first Tweet. ಶನಿವಾರದಂದೇ ನಾನು ಇಲ್ಲಿಗೆ ಕಾಲಿಟ್ಟಿದ್ದೇನೆ, ಆಂಜನೇಯ ಸ್ವಾಮಿ ಎಲ್ಲರಿಗೂ ಒಳ್ಳೆಯದು ಮಾಡಲಿ' ಎಂದು ಸಾಧು ಕೋಕಿಲ ಫೇಕ್ ಅಕೌಂಟ್ ನಿಂದ ಮಾರ್ಚ್ 21ರಂದು ಸಂದೇಶ ಬಂದಿತ್ತು. ಆದರೆ ಈ ಸಂದೇಶ ಸಾಧು ಕೋಕಿಲ ಕಳುಹಿಸಿದಲ್ಲ ಎನ್ನುವುದು ಈಗ ಬಹಿರಂಗವಾಗಿದೆ.

ಫೇಕ್ ಅಂತ ಗೊತ್ತಾಗುತ್ತಿದ್ದಂತೆ ಅಕೌಂಟ್ ಡಿಲೀಟ್

ಸಧ್ಯ ಸಾಧು ಕೋಕಿಲಾ ಅವರ ಹೆಸರಿನಲ್ಲಿ ಇದ್ದ ಫೇಕ್ ಅಕೌಂಟ್ ಕಾಣಿಸುತ್ತಿಲ್ಲ. ಅವರ ಅಭಿಮಾನಿಗಳು ಖಾತೆ ತೆರೆದಿದ್ದೇ ಆಗಿದ್ದರೆ ಡಿಲೀಟ್ ಮಾಡುತ್ತಿರಲಿಲ್ಲ. ಆದರೀಗ ಸಾಧು ಫೇಕ್ ಅಕೌಂಟ್ ಡಿಲೀಟ್ ಆಗಿದೆ. ಸೆಲೆಬ್ರಿಟಿಗಳ ಹೆಸರಿನಲ್ಲಿ ಅವರ ಅಭಿಮಾನಿಗಳು ಸಾಕಷ್ಟು ಅಕೌಂಟ್ ಗಳು ಓಪನ್ ಮಾಡಿರುತ್ತಾರೆ. ಆದರೆ ಇದು ಅಭಿಮಾನಿಗಳು ಮಾಡಿರುವ ಕೆಲಸವಲ್ಲ ಎನ್ನುವುದು ಗೊತ್ತಾಗುತ್ತಿದೆ.

ಫೇಕ್ ಅಕೌಂಟ್ ನಿಂದ 'ರಾಬರ್ಟ್' ಹಾಡು ಶೇರ್ ಆಗಿತ್ತು

ಚಡ್ಡಿ ದೋಸ್ತ್ ನೆನಪು... ಇದರ ಬಳಿಕ ದರ್ಶನ್ ಅಭಿನಯದ 'ರಾಬರ್ಟ್' ಚಿತ್ರದ 'ದೋಸ್ತಾ ಕಣೋ' ಹಾಡನ್ನು ಹಂಚಿಕೊಂಡಿದ್ದಾರೆ. ಮತ್ತೊಂದು ಟ್ವೀಟ್ ನಲ್ಲಿ, 'ಈ ಹಾಡು ಕೇಳಿದ ಕೂಡಲೇ 'ಚಡ್ಡಿ ದೋಸ್ತ್' ಸಿನಿಮಾ ನೆನಪಾಯಿತು' ಎಂದು ರಂಗಾಯಣ ರಘು ನಟನೆಯ ಸಿನಿಮಾವನ್ನು ನೆನಪಿಸಿಕೊಂಡಿದ್ದರು.