ಮತ್ತೊಂದು 'ಉಗ್ರಂ', 'ರಥಾವರ'ದ ಸೂಚನೆ ಕೊಟ್ಟ ಶ್ರೀಮುರುಳಿ 'ಮಫ್ತಿ'!

ಹುಟ್ಟುಹಬ್ಬದ ಸಂಭ್ರಮದಲ್ಲಿ ಶ್ರೀಮುರುಳಿ

ಸ್ಯಾಂಡಲ್ ವುಡ್ ನಟ ಶ್ರೀಮುರುಳಿ ಅವರಿಗಿಂದು 35ನೇ ಹುಟ್ಟುಹಬ್ಬದ ಸಂಭ್ರಮ. ಮಧ್ಯರಾತ್ರಿಯಿಂದಲೇ ಅಭಿಮಾನಿಗಳು, ಸೆಲೆಬ್ರೇಟಿಗಳು ರೋರಿಂಗ್ ಸ್ಟಾರ್ ಗೆ ಶುಭಾಶಯ ಕೋರಿದ್ದಾರೆ. ಇನ್ನೂ ಬರ್ತ್ ಡೇ ಸಂತಸದಲ್ಲಿರುವ ಶ್ರೀಮುರುಳಿ ತಮ್ಮ ಅಭಿಮಾನಿಗಳಿಗೆ ಭರ್ಜರಿ ಗಿಫ್ಟ್ ಕೂಡ ನೀಡಿದ್ದಾರೆ.

'ಮಫ್ತಿ' ಟೀಸರ್ ಉಡುಗೊರೆ!

35ನೇ ಹುಟ್ಟುಹಬ್ಬವನ್ನ ಆಚರಿಸಿಕೊಂಡ ಶ್ರೀಮುರುಳಿಗೆ ಈ ಬರ್ತ್ ಡೇ ವಿಶೇಷವಾಗಿತ್ತು. ಯಾಕಂದ್ರೆ, ಸ್ಯಾಂಡಲ್ ವುಡ್ ನ ಬಹುನಿರೀಕ್ಷಿತ ಚಿತ್ರದ ಫಸ್ಟ್ ಟೀಸರ್ ಬಿಡುಗಡೆಯಾಗಿದೆ. ಟೀಸರ್ ನಲ್ಲಿ ರೋರಿಂಗ್ ಸ್ಟಾರ್ ಅಬ್ಬರಿಸಿದ್ದು, ಚಿತ್ರದ ಬಗ್ಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಿಸಿದ್ದಾರೆ.

'ಮಫ್ತಿ'ಯ ಖದರ್ ಡೈಲಾಗ್

''ಚೂಪಾಗಿರೋವರೆಗೂನೇ ಚಾಕುಗೆ ವ್ಯಾಲ್ಯೂ, ಬುಲೆಟ್ ಇರೋವರೆಗೂನೇ ಗನ್ ಗೆ ವ್ಯಾಲ್ಯೂ, ಧಮ್ ಇರೋ ಗುಂಡಿಗೆಗೆ ಉಸಿರು ಇರೋವರೆಗೂ ವ್ಯಾಲ್ಯೂ ಇರುತ್ತೆ'' ಎಂಬ ಖಡಕ್ ಡೈಲಾಗ್‌ನೊಂದಿಗೆ ಶ್ರೀಮುರಳಿ ಜಬರ್ ದಸ್ತ್ ಎಂಟ್ರಿ ಕೊಟ್ಟಿದ್ದಾರೆ.

ಮತ್ತೊಂದು 'ಉಗ್ರಂ' ಅಥವಾ 'ರಥಾವರ'!

'ಮಫ್ತಿ' ಚಿತ್ರದ ಟೀಸರ್ ಗಮನಿಸಿದ್ರೆ, ಇದು ಮತ್ತೊಂದು 'ಉಗ್ರಂ' ಅಥವಾ 'ರಥಾವರ' ಆಗುವ ಮುನ್ಸೂಚನೆ ಕಾಣುತ್ತಿದೆ. ಯಾಕಂದ್ರೆ, 'ಮಫ್ತಿ' ಚಿತ್ರವೂ ಅಂತಾಹದ್ದೇ ಮಾಸ್ ಎಲಿಮೆಂಟ್ಸ್ ಹೊಂದಿರುವ ಆಕ್ಷನ್ ಸಿನಿಮಾ ಎನ್ನುವುದು ಮೇಲ್ನೋಟಕ್ಕೆ ಗೊತ್ತಾಗುತ್ತಿದೆ.

ಶಿವಣ್ಣ ಜೊತೆ ಶ್ರೀಮುರುಳಿ

'ಮಫ್ತಿ' ಚಿತ್ರದಲ್ಲಿ ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

ಶಾನ್ವಿ ಶ್ರೀವತ್ಸವ್ ನಾಯಕಿ

'ಮಾಸ್ಟರ್ ಪೀಸ್' ಖ್ಯಾತಿಯ ಶಾನ್ವಿ ಶ್ರೀವಾತ್ಸವ್ ಇದೇ ಮೊದಲ ಬಾರಿಗೆ ಶ್ರೀಮುರುಳಿಗೆ ಜೋಡಿಯಾಗಿದ್ದಾರೆ. ಇನ್ನೂ ನರ್ತನ್ ಆಕ್ಷನ್ ಕಟ್ ಹೇಳುತ್ತಿರುವ ಈ ಚಿತ್ರವನ್ನ ಜಯಣ್ಣ-ಭೋಗೇಂದ್ರ ನಿರ್ಮಾಣ ಮಾಡುತ್ತಿದ್ದಾರೆ. ರವಿ ಬಸ್ರೂರು ಅವರು ಹಿನ್ನೆಲೆ ಸಂಗೀತ ಒದಗಿಸಿದ್ದಾರೆ.