ನಿಶ್ಚಿತಾರ್ಥ ಮಾಡಿಕೊಂಡ ದಕ್ಷಿಣ ಭಾರತದ ಖ್ಯಾತ ವಿಲನ್ : ಫನ್ನಿ ಟ್ವೀಟ್ ಮಾಡಿದ ಸುದೀಪ್

ನಿಮಗಿಂತ ಹೆಚ್ಚು ನಾನೆ ಫಿಟ್ಟಾಗುತ್ತೇನೆ

"ಅವರು ಚೆನ್ನಾಗಿ ಅಡುಗೆ ಮಾಡುತ್ತಾರೆ ಎಂದು ಭಾವಿಸಿದ್ದೇನೆ. ಅವರು ಚೆನ್ನಾಗಿ ಅಡುಗೆ ಮಾಡಿ ಊಟ ಮಾಡಿಸಿದರೆ, ನಾನು ನಿಮಗಿಂತ ಫಿಟ್ಟಾಗಿ ಕಾಣಿಸುತ್ತೇನೆ. ಇಬ್ಬರು ಸಂತೋಷವಾಗಿರಿ" ಎಂದು ವಿಶ್ ಮಾಡುವ ಜೊತೆಗೆ ಟ್ವಿಟ್ಟರ್ ನಲ್ಲಿ ಕಬೀರ್ ಸಿಂಗ್ ಕಾಲನ್ನು ಎಳೆದಿದ್ದಾರೆ ಸುದೀಪ್.

ನಿಮ್ಮ ಆಶೀರ್ವಾದ ಬೇಕು ಸರ್

ಸುದೀಪ್ ಮಾತಿಗೆ ಪ್ರತಿಕ್ರಿಯೆ ನೀಡಿರುವ ನಟ ಕಬೀರ್ "ನಿಮ್ಮ ಆಶೀರ್ವಾದ ಬೇಕು ಸರ್, ನೀವು ಮತ್ತು ಪ್ರೀಯಾ ಇಬ್ಬರು ನನ್ನ ಮನೆಗೆ ಡಿನ್ನರ್ ಗೆ ಬರಬೇಕು, ಕಾಯುತ್ತಿದ್ದೇನೆ ನಾನು" ಎಂದ ಹೇಳಿದ್ದಾರೆ. ಸುದೀಪ್ ಮತ್ತು ಕಬೀರ್ ಇಬ್ಬರು ಉತ್ತಮ ಗೆಳೆಯರು. ಸುದೀಪ್ ಸಿನಿಮಾ ಮೂಲಕ ಕಬೀರ್ ಕನ್ನಡಕ್ಕೆ ಕಾಲಿಟ್ಟಿದ್ದು ಕಬೀರ್.

ಕಬೀರ್-ಡಾಲಿಗೆ ಪ್ರಿಯಾ ಸುದೀಪ್ ವಿಶ್

ಇನ್ನು ಕಬೀರ್ ಸಿಂಗ್ ಮತ್ತು ಡಾಲಿ ಸಿಧು ಜೋಡಿಗೆ ಕಿಚ್ಚ ಸುದೀಪ್ ಪತ್ನಿ ಪ್ರೀಯಾ ಸುದೀಪ್ ಕೂಡ ಶುಭ ಹಾರೈಸಿದ್ದಾರೆ. ಕಿಚ್ಚ ಫನ್ನಿ ಟ್ವೀಟ್ ಮಾಡಿದ ಬೆನ್ನಲ್ಲೆ ಪ್ರಿಯಾ ಅವರು ಕೂಡ ಶುಭ ಹಾರೈಸಿದ್ದಾರೆ. ಆದಷ್ಟು ಬೇಗ ಕಬೀರ್ ದುಹಾನ್ ಸಿಂಗ್ ಮತ್ತು ಡಾಲಿ ಸಿಧು ಅವರನ್ನು ಭೇಟಿಯಾಗುವುದಾಗಿ ಹೇಳಿದ್ದಾರೆ. ಕಬೀರ್ ಸಿಂಗ್ ಡಿನ್ನರ್ ಗೆ ಆಹ್ವಾನಿಸಿದ್ದಾರೆ. ಹಾಗಾಗಿ ಕಿಚ್ಚ ದಂಪತಿ ಕಬೀರ್ ಮನೆಯಲ್ಲಿ ಡಿನ್ನರ್ ಗೆ ಭಾಗಿಯಾಗುವ ಸಾಧ್ಯತೆ ಇದೆ.

ಹೆಬ್ಬುಲಿ ಮೂಲಕ ಕನ್ನಡಕ್ಕೆ ಎಂಟ್ರಿ

ಕಬೀರ್ ದುಹಾನ್ ಸಿಂಗ್ ಕನ್ನಡ ಸಿನಿಮಾಗಳಲ್ಲೂ ಕಾಣಿಸಿಕೊಳ್ಳುವ ಮೂಲಕ ಸ್ಯಾಂಡಲ್ ವುಡ್ ನಲ್ಲೂ ಅಬ್ಬರಿಸಿದ್ದಾರೆ. ಕಿಚ್ಚ ಸುದೀಪ್ ಅಭಿನಯದ 'ಹೆಬ್ಬುಲಿ' ಚಿತ್ರದ ಮೂಲಕ ಕನ್ನಡಕ್ಕೆ ಕಾಲಿಟ್ಟಿದ್ದರು ಕಬೀರ್. ಈಗ ಕಿಚ್ಚ ಅಭಿನಯದ ಬಹು ನಿರೀಕ್ಷೆಯ 'ಪೈಲ್ವಾನ್' ಸಿನಿಮಾದಲ್ಲು ಸುದೀಪ್ ಜೊತೆ ಕಾಣಿಸಿಕೊಂಡಿದ್ದಾರೆ. ಸುನೀಲ್ ಕುಮಾರ್ ದೇಸಾಯಿ ಅವರ 'ಉದ್ಘರ್ಷ' ಚಿತ್ರದಲ್ಲೂ ವಿಲನ್ ಅಗಿ ಅಬ್ಬರಿಸಿದ್ದರು.