ಅಣ್ಣಾವ್ರ ಜನುಮದಿನಕ್ಕೆ ವಿಶೇಷವಾಗಿ ಶುಭಕೋರಿದ ಸಿನಿತಾರೆಯರು

ಹಾಡು ಹೇಳಿ ಶುಭಕೋರಿದ ರವಿಶಂಕರ್

ಕನ್ನಡದ ಪ್ರತಿಭಾನ್ವಿತ ನಟ ರವಿಶಂಕರ್ ಗೌಡ ಕನ್ನಡದ ರಾಜಕುಮಾರನ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ಶುಭಕೋರಿದ್ದಾರೆ. 'ಹುಲಿ ಹಾಲಿನ ಮೇವು' ಚಿತ್ರದ ಬೆಳದಿಂಗಳಾಗಿ ಬಾ....ಹಾಡು ಹೇಳುವ ಮೂಲಕ ತಮ್ಮ ಅಭಿಮಾನದ ಶುಭಾಶಯ ತಿಳಿಸಿದ್ದಾರೆ.

ದಾಖಲೆಗಳ ಸರದಾರನಿಗೆ 'ಶರಣು'

ಅಣ್ಣಾವ್ರು ತಮ್ಮ ಅಗಾಧ ಪ್ರತಿಭೆ ಮೂಲಕ ನಿರ್ಮಿಸಿದ ದಾಖಲೆಗಳನ್ನೆಲ್ಲ ನೆನಪಿಸಿಕೊಟ್ಟ ನಟ ಶರಣ್ ವಿಶೇಷವಾಗಿ ಅಪ್ಪಾಜಿಯ ಜನುಮದಿನಕ್ಕೆ ಶುಭ ಕೋರಿದ್ದಾರೆ.

ಉಪ್ಪಿಯ ನಮಸ್ಕಾರ

ರಿಯಲ್ ಸ್ಟಾರ್ ಉಪೇಂದ್ರ ಅವರು ಕೂಡ ಬಹಳ ವಿಶೇಷ ಹಾಗೂ ವಿನಯದಿಂದ ಡಾ ರಾಜ್ ಕುಮಾರ್ ಅವರಿಗೆ ವಿಶ್ ಮಾಡಿದ್ದಾರೆ. ರಾಜಣ್ಣ ಅವರ ಜೊತೆಗಿನ ಉಪ್ಪಿ ಇರುವ ಫೋಟೋಗಳನ್ನ ಪೋಸ್ಟ್ ಮಾಡಿ ಅಭಿಮಾನ ಮರೆದಿದ್ದಾರೆ.

ರಾಜ್ ಜಯಂತಿಗೆ ಚಿರು ವಿಶ್

ಯುವ ಸಾಮ್ರಾಟ್ ಚಿರಂಜೀವಿ ಸರ್ಜಾ ಅವರು ರಾಜ್ ಕುಮಾರ್ ಹುಟ್ಟುಹಬ್ಬವನ್ನ ರಾಜ್ ಜಯಂತಿ ಎಂದು ವಿಶೇಷ ಮನ್ನಣೆ ನೀಡುವ ಮೂಲಕ ಈ ಜನುಮದಿನಕ್ಕೆ ರಂಗು ನೀಡಿದ್ದಾರೆ.

ಅಭಿನಯ ಕಲಾ ಕೇಸರಿ

ಯುವ ನಿರ್ದೇಶಕರಿಗೆ ಮಾದರಿ ಆಗಿರುವ ಅಪ್ಪಾಜಿ ಅವರಿಗೆ ನಿರ್ದೇಶಕ ಪವನ್ ಒಡೆಯರ್ ಶುಭ ಕೋರಿದ್ದಾರೆ. ಸದ್ಯ, ಪುನೀತ್ ರಾಜ್ ಕುಮಾರ್ ಗೆ ಸಿನಿಮಾ ಮಾಡುತ್ತಿದ್ದು, ಈ ಚಿತ್ರಕ್ಕೆ ನಟಸಾರ್ವಭೌಮ ಎಂದು ಶೀರ್ಷಿಕೆ ಇಟ್ಟು ನಿರೀಕ್ಷೆ ಹೆಚ್ಚಿಸಿದ್ದಾರೆ.

ನಿರಂತರವಾಗಿ ನಮ್ಮಲ್ಲಿದ್ದೀರಾ

ಮಾಸ್ಟರ್ ಪೀಸ್, ತಾರಕ್ ಚಿತ್ರಗಳಲ್ಲಿ ನಟಿಸಿರುವ ಶಾನ್ವಿ ಶ್ರೀವಾಸ್ತವ ವರನಟನ ಹುಟ್ಟುಹಬ್ಬಕ್ಕೆ ವಿಶ್ ಮಾಡಿದ್ದು, ''ಪ್ರತಿ ವರ್ಷವೂ ನಮ್ಮ ಹೃದಯಲ್ಲಿ ಮತ್ತೆ ಮತ್ತೆ ಹುಟ್ಟಿ ಬರ್ತೀರಾ'' ಎಂದಿದ್ದಾರೆ.

ರಾಜಣ್ಣ ಎಂದೆಂದಿಗೂ ಅಮರ

ಇಂದು ಡಾ ರಾಜ್ ಕುಮಾರ್ ಅವರ ಹುಟ್ಟುಹಬ್ಬದ ಜೊತೆ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಬರ್ತಡೇ ಕೂಡ ಹೌದು. ಹೀಗಾಗಿ, ಭಾರತದ ಇಬ್ಬರು ದಿಗ್ಗಜರಿಗೂ ನಿರ್ದೇಶಕ ಸಿಂಪಲ್ ಸುನಿ ಹುಟ್ಟುಹಬ್ಬದ ಶುಭಕೋರಿದ್ದಾರೆ.

ಗುರುಗಳಿಗೆ ನಮನ

ರಾಜ್ ಕುಮಾರ್ ಅವರ ಅಪ್ಪಟ ಅಭಿಮಾನಿ ಜಗ್ಗೇಶ್ ಅವರಿಗೆ ಇಂದು ಬಹಳ ವಿಶೇಷ. ಯಶವಂತಪುರದ ಬಿಜೆಪಿ ಅಭ್ಯರ್ಥಿಯಾಗಿ ಟಿಕೆಟ್ ಸಿಕ್ಕಿದ್ದು, ಇಂದು ನಾಮಪತ್ರ ಸಲ್ಲಿಸಲಿದ್ದಾರೆ. ಹೀಗಾಗಿ, ಆರಾಧ್ಯ ದೈವ ಜನುಮದಿನದಂದೂ ನಾಮಪತ್ರ ಸಲ್ಲಿಸುತ್ತಿರುವುದಕ್ಕೆ ತೀವ್ರ ಸಂತಸಗೊಂಡಿದ್ದಾರೆ.

ಡಾಲಿಯ ಶುಭಾಶಯ

ಡಾಲಿ ಖ್ಯಾತಿಯ ನಟ ಧನಂಜಯ್ ಡಾ ರಾಜ್ ಕುಮಾರ್ ಅವರ ಹುಟ್ಟುಹಬ್ಬಕ್ಕೆ ತಮ್ಮ ಟ್ವಿಟ್ಟರ್ ನಲ್ಲಿ ವಿಶ್ ಮಾಡಿದ್ದಾರೆ.