ಹೊಸ ಹೇರ್ ಸ್ಟೈಲ್ ಜೊತೆಗೆ ಸ್ಟೈಲಿಶ್ ಆಗಿ ಎಂಟ್ರಿ ಕೊಟ್ಟ ಕುರಿ ಪ್ರತಾಪ್

Recommended Video

ಹಾಸ್ಯ ನಟ ಕುರಿ ಪ್ರತಾಪ್ ಸದ್ಯ ಕನ್ನಡದ ಬಹು ಬೇಡಿಕೆಯ ಕಲಾವಿದ. ಸ್ಟಾರ್ ಸಿನಿಮಾಗಳಲ್ಲಿ ಹೆಚ್ಚು ಹೆಚ್ಚು ನಟಿಸುತ್ತಿರುವ ಕುರಿ ಪ್ರತಾಪ್ ಕಾಮಿಡಿ ಸಖತ್ ಕ್ಲಿಕ್ ಆಗುತ್ತಿದೆ. ಇತ್ತ ಅವರ ಸಿನಿಮಾಗಳ ಸಂಖ್ಯೆ ಕೂಡ ಹೆಚ್ಚಾಗುತ್ತಿದೆ. ಇದರ ಜೊತೆಗೆ ಕುರಿ ಪ್ರತಾಪ್ ಇದೀಗ ಹೊಸ ಹೇರ್ ಸ್ಟೈಲ್ ನೊಂದಿಗೆ ಎಂಟ್ರಿ ಕೊಟ್ಟಿದ್ದಾರೆ.

ಹೊಸ ಕೇಶ ವಿನ್ಯಾಸವನ್ನು ಕುರಿ ಪ್ರತಾಪ್ ಮಾಡಿಸಿಕೊಂಡಿದ್ದಾರೆ. 'ದಿ ವಿಲನ್' ಸಿನಿಮಾಗಾಗಿ ಸುದೀಪ್, 'ನಟ ಸಾರ್ವಭೌಮ' ಸಿನಿಮಾಗಾಗಿ ಪುನೀತ್ ರಾಜ್ ಕುಮಾರ್ ಹೊಸ ಹೇರ್ ಸ್ಟೈಲ್ ಮಾಡಿಸಿಕೊಂಡ ರೀತಿಯ ಅದೇ ಮಾದರಿಯ ಕೇಶ ವಿನ್ಯಾಸದೊಂದಿಗೆ ಕುರಿ ಎಂಟ್ರಿ ಕೊಟ್ಟಿದ್ದಾರೆ.

ಹೊಸ ಲುಕ್ ನಲ್ಲಿ ಫೋಟೋ ತೆಗೆದುಕೊಂಡಿರುವ ಕುರಿ ಪ್ರತಾಪ್ ತಮ್ಮ ಫೇಸ್ ಬುಕ್ ಖಾತೆಯಲ್ಲಿ ಫೋಟೋ ಹಂಚಿಕೊಂಡಿದ್ದಾರೆ. ಕುರಿ ಅಭಿಮಾನಿಗಳು ಕೂಡ ಈ ಹೇರ್ ಸ್ಟೈಲ್ ಇಷ್ಟ ಪಟ್ಟಿದ್ದಾರೆ.

ಇನ್ನು 'ಮಜಾ ಟಾಕೀಸ್' ಕಾರ್ಯಕ್ರಮದ ಮೂಲಕ ಕುರಿ ಪ್ರತಾಪ್ ಸದ್ಯ ದೊಡ್ಡ ಜನಪ್ರಿಯತೆ ಗಳಿಸಿದ್ದಾರೆ. ಉಳಿದಂತೆ, 'ರಾಂಬೋ 2', 'ರಾಜ ಲವ್ಸ್ ರಾಧೆ', 'ಮಿಸ್ಟರ್ ಜೈ', 'ಎಂ ಎಲ್ ಎ' ಸಿನಿಮಾದಲ್ಲಿ ಕುರಿ ಪ್ರತಾಪ್ ನಟಿಸುತ್ತಿದ್ದಾರೆ.