ರಾಯಣ್ಣ ಜೊತೆ ರೀಮೇಕ್ ಚಿತ್ರ ಡಕೋಟ ಪಿಕ್ಚರ್

ಇದುವರೆಗೂ ಆಕ್ಷನ್ ಚಿತ್ರಗಳನ್ನು ನಿರ್ದೇಶಿಸಿದ್ದ ಓಂಪ್ರಕಾಶ್‌ರಾವ್ ಮೊಟ್ಟಮೊದಲ ಬಾರಿಗೆ ಹಾಸ್ಯ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿರುವುದು ವಿಶೇಷ. ಹಿಂದಿಯ 'ಮಾಲಾ ಮಾಲ್' ಚಿತ್ರ ಹಾಲಿವುಡ್ ನ 'ವೇಕಿಂಗ್ ನೆಡ್ ಡಿವೈನ್' ಚಿತ್ರದ ಕಥೆಗೆ ಬಹುತೇಕ ಸಾಮ್ಯತೆ ಇದೆ.

ಒಟ್ಟು ರು.6 ಕೋಟಿ ಬಜೆಟ್ ನಲ್ಲಿ ನಿರ್ಮಿಸಿದ 'ಮಾಲಾಮಾಲ್' ಚಿತ್ರ ಬಾಕ್ಸ್ ಆಫೀಸಲ್ಲಿ ಸರಿಸುಮಾರು ರು.39 ಕೋಟಿ ಬಾಚಿ ದಾಖಲೆ ನಿರ್ಮಿಸಿತ್ತು. ಈ ಹಿಂದೆ ಓಂ ಮತ್ತು ರಾಕ್ ಲೈನ್ ಜೊತೆಯಾಗಿ 'ಡಕೋಟ ಎಕ್ಸ್ ಪ್ರೆಸ್' ಚಿತ್ರದಲ್ಲಿ ಅಭಿನಯಿಸಿದ್ದರು. ಆ ಚಿತ್ರವೂ ಪ್ರೇಕ್ಷರಿಗೆ ಇಷ್ಟವಾಗಿತ್ತು. ಈಗ ಮತ್ತೊಮ್ಮೆ ಜೊತೆಯಾಗಿ 'ಡಕೋಟ ಪಿಕ್ಚರ್' ಮೂಲಕ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ.

ಚಿತ್ರದ ತಾರಾಬಳಗದಲ್ಲಿ ದೊಡ್ಡಣ್ಣ, ಮನದೀಪ್ ರಾಯ್ ಹಾಗೂ ಮುಖ್ಯಮಂತ್ರಿ ಚಂದ್ರು ಮುಂತಾದವರಿದ್ದಾರೆ. ಚಿತ್ರದ ನಾಯಕಿ ನಿತಿಶಾ ಪಟೇಲ್. ಗುರುದೇಸಾಯಿ ಹಾಗೂ ಸರಿಗಮವಿಜಿ ಸಂಭಾಷಣೆ ಬರೆದಿದ್ದಾರೆ. ಜೆ.ಎಸ್.ವಾಲಿ ಛಾಯಾಗ್ರಹಣ, ಎಸ್.ಮನೋಹರ್ ಸಂಕಲನ, ಮುರಳಿ ನೃತ್ಯ ನಿರ್ದೇಶನ, ಸೋಮರಾಜ್ ಸಹನಿರ್ದೇಶನವಿರುವ 'ಡಕೋಟ ಪಿಕ್ಚರ್'ಗೆ ಹಂಸಲೇಖ ಗೀತರಚನೆ ಮಾಡಿ ಸಂಗೀತ ನೀಡಿದ್ದಾರೆ.

ಹಂಸಲೇಖಾ ಎರಡು ಇಂಪಾದ ಹಾಡುಗಳಿಗೆ ಸಂಗೀತ ಒದಗಿಸಿದ್ದಾರೆ. ಹಲವು ವರ್ಷಗಳ ನಂತರ ನಾಯಕನಾಗಿ ಬಣ್ಣಹಚ್ಚಿರುವ ರಾಕ್‌ಲೈನ್ ವೆಂಕಟೇಶ್ ಚಿತ್ರವನ್ನು ಸುಮಾರು 60 ಚಿತ್ರಮಂದಿರದಲ್ಲಿ ಬಿಡುಗಡೆಮಾಡುತ್ತಿದ್ದಾರೆ. (ಒನ್ಇಂಡಿಯಾ ಕನ್ನಡ)