'ಕಾಮುಕ' ನಿರ್ದೇಶಕರ ಮುಖವಾಡ ಕಳಚಿದ ಟಿವಿ9

ಸ್ಟಿಂಗ್ ಆಪರೇಷನ್ ನಲ್ಲಿ ಸಿಕ್ಕಿಬಿದ್ದ ನಿರ್ದೇಶಕರು

ಸ್ಯಾಂಡಲ್ ವುಡ್ ನಿರ್ದೇಶಕರಾದ ಓಂ ಪ್ರಕಾಶ್ ರಾವ್, ಗುರು ದೇಶಪಾಂಡೆ, ದಿವಾಕರ್ ಬಾಬು, ಗೋವಿಂದ ರಾಜು ಹಾಗೂ ಫ್ಯಾಷನ್ ಕೋ ಆರ್ಡಿನೇಟರ್ ರವಿ ಬೆಳ್ಳಿಚುಕ್ಕಿ, ಮಂಜ ಎಂಬುವವರು ಸಿಕ್ಕಿಬಿದ್ದಾರೆ.

ಹಲವು ತಾರೆಗಳೊಂದಿಗೆ ಮಲಗಿದ್ದೇನೆ ಎಂದ ಡೈರೆಕ್ಟರ್

ಕುಟುಕು ಕಾರ್ಯಾಚರಣೆ ವೇಳೆ ಓಂ ಪ್ರಕಾಶ್ ರಾವ್ ಅವರು ತಮಗೆ ಅವಕಾಶ ಕೊಡಿ ಎಂದುಕೊಂಡು ತಾರೆಯ ಸೋಗಿನಲ್ಲಿ ಹೋಗಿದ್ದ ಯುವತಿ ಜೊತೆ ಮಾತನಾಡುತ್ತಾ, ತಾನು ಇಂದಿನ ಬಹುತೇಕ ತಾರೆಗಳ ಜೊತೆ ಮಲಗಿರುವುದಾಗಿ ಹೇಳಿದ್ದಾರೆ.

ಸ್ಯಾಂಡಲ್ ವುಡ್ ಚಿತ್ರರಂಗ ತಲೆತಗ್ಗಿಸುವಂತಾಗಿದೆ

ಇನ್ನು 'ರಾಜಾಹುಲಿ' ಚಿತ್ರದ ನಿರ್ದೇಶಕ ಗುರುದೇಶಪಾಂಡೆ ಅವರಂತೂ ಕುಟುಕು ಕಾರ್ಯಾಚರಣೆಯಲ್ಲೇ ಯುವತಿಯನ್ನು ಚುಂಬಿಸಲು ಪ್ರಯತ್ನಿಸಿದರು. ಒಟ್ಟಾರೆಯಾಗಿ ನಿರ್ದೇಶಕರು ಈ ಮಟ್ಟಕ್ಕೆ ಇಳಿದಿರುವುದು ಸ್ಯಾಂಡಲ್ ವುಡ್ ಚಿತ್ರರಂಗ ತಲೆತಗ್ಗಿಸುವಂತಾಗಿದೆ.

ಮಂಚಕ್ಕೆ ಆಹ್ವಾನಿಸುವ ಪ್ರವೃತ್ತಿ ಜೋರಾಗಿ ನಡೆಯುತ್ತಿದೆ

ಈ ಹಿಂದೊಮ್ಮೆ ಉತ್ತರದ ಕಡೆಯ ನಟಿಯೊಬ್ಬರು ಮಾತನಾಡುತ್ತಾ, ದಕ್ಷಿಣದ (ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ) ಚಿತ್ರಗಳಲ್ಲಿ ನಟಿಯರನ್ನು ಮಂಚಕ್ಕೆ ಆಹ್ವಾನಿಸುವ ಪ್ರವೃತ್ತಿ ಜೋರಾಗಿ ನಡೆಯುತ್ತಿದೆ. ಕಳೆದ ಮೂರು ತಿಂಗಳಲ್ಲಿ ತಮ್ಮನ್ನು ಏನಿಲ್ಲವೆಂದರೂ ಕನ್ನಡ, ತೆಲುಗು, ತಮಿಳಿನ 10 ಮಂದಿ ನಿರ್ಮಾಪಕರು ಮಂಚಕ್ಕೆ ಆಹ್ವಾನಿಸಿದ್ದಾರೆ ಎಂದಿದ್ದರು.

ನಿರ್ದೇಶಕರ ಕಾಮುಕ ಮುಖವಾಡ ಬಯಲು

ನಾಯಕಿ ಸ್ಥಾನ ಬೇಕು ಎಂದರೆ ನಿರ್ಮಾಪಕರ ಲೈಂಗಿಕ ತೃಷೆ ತಣಿಸಬೇಕು. ಇಲ್ಲದಿದ್ದರೆ ಅವಕಾಶ ಸಿಗುವುದಿಲ್ಲ ಎಂದು ಮಾಧ್ಯಮಗಳ ಮುಂದೆ ಹೇಳಿದ್ದರು. ಆಗ ಯಾರೂ ಅದನ್ನು ಸೀರಿಯಸ್ಸಾಗಿ ಪರಿಗಣಿಸಿರಲಿಲ್ಲ. ಈಗ ಅವರ ಮಾತು ಅಕ್ಷರಶಃ ನಿಜವಾಗಿದೆ.