ವಯಸ್ಕರ ಚಿತ್ರ ನಿರ್ಮಾಣ:ದಾಖಲೆಯತ್ತ ಕನ್ನಡ ಚಿತ್ರರಂಗ

ಎ ಚಿತ್ರದಲ್ಲಿ ಕನ್ನಡ ಚಿತ್ರಗಳು ಮುಂದು

ಎಲ್ಲರಿಗೂ ತಿಳಿದಿರುವ ಹಾಗೆ ಸೆನ್ಸಾರ್ ಮಂಡಳಿ ಚಿತ್ರ ವೀಕ್ಷಿಸಿ U (unrestricted exhibition), U/A (unrestricted wih adult content) ಮತ್ತು A (adult only) ಹೀಗೆ ಮೂರರಲ್ಲಿ ಯಾವುದಾದರೂ ಒಂದು ಸರ್ಟಿಫಿಕೇಟ್ ಅನ್ನು ಚಿತ್ರಕ್ಕೆ ನೀಡುತ್ತದೆ. 2005ರಿಂದ 2010ರ ವರೆಗಿನ ಅವಧಿಯಲ್ಲಿ 'U' ಸರ್ಟಿಫಿಕೇಟ್ ಪಡೆದ ಚಿತ್ರಗಳ ಸಂಖ್ಯೆ ಶೇ.61.7 ರಿಂದ
ಶೇ. 49.7ಕ್ಕೆ ಇಳಿದಿದೆ.

ಸೆನ್ಸಾರ್ ಸರ್ಟಿಫಿಕೇಟ್

ಎ ಸರ್ಟಿಫಿಕೇಟ್ ಚಿತ್ರದ ಪ್ರಸಾರದ ಹಕ್ಕನ್ನು ಟಿವಿ ವಾಹಿನಿಗಳು ಪಡೆಯುವಂತಿಲ್ಲ. ಆದರೂ ಚಿತ್ರ ನಿರ್ಮಾಪಕರ ಒಲವು ಎ ಚಿತ್ರದ ಪರವಾಗಿದೆ ಎನ್ನುತ್ತದೆ ಅಧ್ಯಯನ. U/A ಚಿತ್ರ ನಿರ್ಮಾಣದ ಸಂಖ್ಯೆ 2005ರಲ್ಲಿ ಶೇ. 33.3 ಇದ್ದದ್ದು 2010ರಲ್ಲಿ ಶೇ. 41.3ಕ್ಕೇರಿದೆ. ಆದರೆ ಇದೇ ಅವಧಿಯಲ್ಲಿ ಬಿಡುಗಡೆಯಾದ A ಚಿತ್ರಗಳ ಸಂಖ್ಯೆ ಶೇ. 4.9ರಿಂದ ಶೇ.9.1ಕ್ಕೇರಿದೆ.

ಸೆನ್ಸಾರ್ ಕಟ್

ಆಕ್ಷೇಪಾರ್ಹ ಸನ್ನಿವೇಶಗಳು ಮತ್ತು ಸಂಭಾಷಣೆಗಳಿಗೆ ಸೆನ್ಸಾರ್ ಕತ್ತರಿ ಹಾಕುವುದು ಇತರ ಭಾಷೆಗಳಿಗೆ ಹೋಲಿಸಿದರೆ ಕನ್ನಡ ಚಿತ್ರಗಳಿಗೇ ಹೆಚ್ಚು. 2005ರಲ್ಲಿ ಶೇ.63 ಚಿತ್ರಗಳಿಗೆ ಸೆನ್ಸಾರ್ ಕತ್ತರಿ ಪ್ರಯೋಗಿಸಿತ್ತು. 2005 ರಿಂದ 2010ರ ಅವಧಿಯಲ್ಲಿ ಸೆನ್ಸಾರ್ ಕತ್ತರಿ ಪ್ರಯೋಗಿಸಿದ ಚಿತ್ರಗಳ ಸಂಖ್ಯೆ ಶೇ.62 ರಿಂದ ಶೇ.65ಕ್ಕೆ ಏರಿದೆ.

ಇತರ ಭಾಷೆಗಳು

ಅದೇ ಅವಧಿಯಲ್ಲಿ ಕನ್ನಡೇತರ ಚಿತ್ರಗಳಲ್ಲಿ ಸೆನ್ಸಾರ್ ಕತ್ತರಿ ಪ್ರಯೋಗಿಸಿದ ಚಿತ್ರಗಳ ಸಂಖ್ಯೆ ಶೇ.48ರಿಂದ ಶೇ.38ಕ್ಕೆ ಇಳಿದಿದೆ. ಕಾಮಿಡಿ ಚಿತ್ರಗಳು ಎಲ್ಲಾ ಭಾಷೆಯಲ್ಲಿ ಗಣನೀಯ ಪ್ರಮಾಣದಲ್ಲಿ ಏರುತ್ತಿದೆ.

ಸಮಾಜಕ್ಕೆ ಸಂದೇಶ

2005 ರಿಂದ 2010ರ ಅವಧಿಯಲ್ಲಿ ಸಾಮಾಜಿಕ ಸಂದೇಶವಿರುವ ಕನ್ನಡ ಚಿತ್ರಗಳ ಸಂಖ್ಯೆ ಶೇ.75 ರಿಂದ ಶೇ. 55ಕ್ಕೆ ಇಳಿದಿದೆ. ಆಕ್ಷನ್, ಥ್ರಿಲ್ಲರ್, ಕಾಮಿಡಿ ಚಿತ್ರಗಳು ಇದನ್ನು ಆಕ್ರಮಿಸಿಕೊಂಡಿವೆ. ಸಾಮಾಜಿಕ ಸಂದೇಶವಿರುವ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ವಿಫಲವಾಗುತ್ತಿರುವುದು ಇದಕ್ಕೆ ಕೊಡಬಹುದಾದ ಇನ್ನೊಂದು ಕಾರಣ.