ಬಿಡುಗಡೆಗೂ ಮುನ್ನವೇ '5G' ರೀಮೇಕ್ ಹಕ್ಕು ಬಿಕರಿ ಆಯ್ತು.!

ಗಾಂಧಿಯಿಂದ ಮೋದಿಯವರೆಗೂ ಕಥೆ ಹೆಣೆಯಲಾಗಿರುವ, 500 ರೂಪಾಯಿ ನೋಟು 'ಮುಖ್ಯಪಾತ್ರ'ದಲ್ಲಿ ಇರುವ '5G' ಚಿತ್ರ ಇದೀಗ ಟಾಕ್ ಆಫ್ ದಿ ಟೌನ್ ಆಗಿದೆ.

ವಿಭಿನ್ನ ರೀತಿಯ ಪೋಸ್ಟರ್ ಗಳ ಮೂಲಕ ಸಿಕ್ಕಾಪಟ್ಟೆ ಸದ್ದು-ಸುದ್ದಿ ಮಾಡುತ್ತಿರುವ '5G' ಸಿನಿಮಾ ಗಣೇಶ ಹಬ್ಬದ ಪ್ರಯುಕ್ತ ನಾಳೆ (ಆಗಸ್ಟ್ 25) ತೆರೆಗೆ ಬರಲಿದೆ. ಅಷ್ಟರಲ್ಲಾಗಲೇ, '5G' ಚಿತ್ರದ ತೆಲುಗು ರೀಮೇಕ್ ರೈಟ್ಸ್ ಸೇಲ್ ಆಗ್ಬಿಟ್ಟಿದೆ.

ಬಿಡುಗಡೆಗೂ ಮುನ್ನವೇ '5G' ಚಿತ್ರದ ತೆಲುಗು ರೀಮೇಕ್ ಹಕ್ಕು ಬಿಕರಿ ಆಗಿರುವುದರಿಂದ ಚಿತ್ರತಂಡ ಖುಷಿಯಾಗಿದೆ, ಹಾಗೇ ಚಿತ್ರದ ಬಗ್ಗೆ ಇರುವ ನಿರೀಕ್ಷೆ ಕೂಡ ಹೆಚ್ಚಾಗಿದೆ.

ನಿಧಿ ಸುಬ್ಬಯ್ಯ, ಪ್ರವೀಣ್ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ '5G' ಚಿತ್ರಕ್ಕೆ ಜಗದೀಶ್ ಬಂಡವಾಳ ಹಾಕಿದ್ರೆ, ಗುರುವೇಂದ್ರ ಶೆಟ್ಟಿ ನಿರ್ದೇಶನ ಮಾಡಿದ್ದಾರೆ.