ಚಿತ್ರಮಂದಿರದಲ್ಲಿ ಬೆಚ್ಚಿಬೀಳಿಸುತ್ತಿರುವ 'ಚಂದ್ರಲೇಖ'

ಹೆಸರಾಂತ ನಿರ್ದೇಶಕ ಎನ್ ಓಂಪ್ರಕಾಶ್ ರಾವ್ ಅವರ ನಿರ್ದೇಶನದ ಚಿರಂಜೀವಿ ಸರ್ಜಾ, ಶಾನ್ವಿ ಶ್ರೀವತ್ಸ, ಸಾಧು ಕೋಕಿಲ, ನಾಗಶೇಖರ್ ಅಭಿನಯದ ಫನ್, ಫಿಯರ್, ರೊಮಾನ್ಸ್ ಒಳಗೊಂಡ 'ಚಂದ್ರಲೇಖ' 50ನೇ ಯಶಸ್ವಿ ಪ್ರದರ್ಶನವನ್ನು ಪೂರೈಸಿ ಇದೀಗ 75 ದಿನದತ್ತ ಮುನ್ನುಗುತ್ತಿದೆ.

ಭಾರಿ ಬಜೆಟ್ ಚಿತ್ರಗಳೇ ಅರ್ಧ ಶತಕ ಪೂರೈಸಲು ಪ್ರಯಾಸಪಡುತ್ತಿರುವ ಇಂದಿನ ದಿನಗಳಲ್ಲಿ ರೀಮೇಕ್ ಆದರೂ ಮೀಡಿಯಂ ಬಜೆಟ್ ನಲ್ಲಿ ನಿರ್ಮಿಸಿರುವ ಚಂದ್ರಲೇಖ ಚಿತ್ರ ಗಾಂಧಿನಗರದಲ್ಲಿ ಅಚ್ಚರಿ ಮೂಡಿಸಿದೆ. [ಚಂದ್ರಲೇಖ ಚಿತ್ರವಿಮರ್ಶೆ]

ಚಂದ್ರಲೇಖ ಗ್ಯಾಲರಿ

ಎನ್ ಓಂಪ್ರಕಾಶ್ ರಾವ್ ಅವರು ನಿರ್ದೇಶನ ಮಾಡಿರುವ ಕೇವಲ ನಾಲ್ಕು ಮುಖ್ಯ ಪಾತ್ರಗಳನ್ನು ಒಳಗೊಂಡಿರುವ 'ಚಂದ್ರಲೇಖ' ಚಿತ್ರದ ಬಹುಭಾಗ ರಾತ್ರಿ ವೇಳೆ ಒಂದೇ ಮನೆಯಲ್ಲಿ ಚಿತ್ರೀಕರಣವಾಗಿರುವುದು ವಿಶೇಷ.

ಜೆ ಬಿ ಈ ಚಿತ್ರದ ಸಂಗೀತ ನಿರ್ದೇಶಕರು. ಬಿ ರವಿಕುಮಾರ್ ಛಾಯಾಗ್ರಾಹಕರು, ಲಕ್ಷ್ಮಣ್ ರೆಡ್ಡಿ ಸಂಕಲನ, ಎಂ ಎಸ್ ರಮೇಶ್ ಅವರ ಸಂಭಾಷಣೆ, ರವಿ ವರ್ಮ ಅವರ ಸಾಹಸ 'ಚಂದ್ರಲೇಖ' ಚಿತ್ರಕ್ಕಿದೆ. (ಒನ್ಇಂಡಿಯಾ ಕನ್ನಡ)