'ದುನಿಯಾ' ಚಿತ್ರಕ್ಕೂ 'ಟಗರು' ಚಿತ್ರಕ್ಕೂ ಬೆಳೆಯಿತು ಹೊಸ ನಂಟು

'ದುನಿಯಾ' ಹಾದಿಯಲ್ಲಿ 'ಟಗರು'

ಸೂರಿ ನಿರ್ದೇಶನದ ಚೊಚ್ಚಲ ಸಿನಿಮಾ 'ದುನಿಯಾ' ಬಿಡುಗಡೆಯಾಗಿದ್ದ ದಿನವೇ ಈಗ ಶಿವರಾಜ್ ಕುಮಾರ್ ಅಭಿನಯಿಸಿರುವ 'ಟಗರು' ಸಿನಿಮಾ ರಿಲೀಸ್ ಆಗುತ್ತಿದೆ. ಇದೊಂದು ರೀತಿಯಲ್ಲಿ ನಿರ್ದೇಶನ ಸೂರಿಗೆ ವಿಶೇಷವೆನಿಸಿದೆ.

ನಿರ್ದೇಶಕ ಸೂರಿ, ದುನಿಯಾ ಸೂರಿ ಆಗಿದ್ದು

'ದುನಿಯಾ' ಚಿತ್ರದ ಮೂಲಕವೇ ಸೂರಿ ನಿರ್ದೇಶಕರಾಗಿದ್ದು. ಅಲ್ಲಿಯವರೆಗೂ ಬರಿ ಸೂರಿ ಆಗಿದ್ದ ನಿರ್ದೇಶಕ, 'ದುನಿಯಾ ಸೂರಿ' ಎಂಬ ಪ್ರಖ್ಯಾತಿ ಗಳಿಸಿಕೊಂಡರು. ನಂತರ 'ಜಂಗ್ಲಿ', 'ಜಾಕಿ', 'ಕಡ್ಡಿಪುಡಿ', 'ಅಣ್ಣಾಬಾಂಡ್', 'ಕೆಂಡಸಂಪಿಗೆ' ಅಂತಹ ಸಿನಿಮಾಗಳನ್ನ ಮಾಡಿ ಸುಕ್ಕಾ ಸೂರಿ ಎನಿಸಿಕೊಂಡರು. ಈಗ 'ಟಗರು' ಚಿತ್ರ ಕೂಡ ಬಹುತೇಕ ಅದೇ ಮಾದರಿಯಲ್ಲಿದೆ.

11 ವರ್ಷದ ದುನಿಯಾ

ವಿಜಯ್ ನಾಯಕನಾಗಿ ಅಭಿನಯಿಸಿದ ಚೊಚ್ಚಲ ಸಿನಿಮಾ 'ದುನಿಯಾ' ಬಿಡುಗಡೆಯಾಗಿ ಈ ಫೆಬ್ರವರಿ 23ಕ್ಕೆ 11 ವರ್ಷ ಆಗಲಿದೆ. ದುನಿಯಾ ಆಗಿನ ಕಾಲಕ್ಕೆ ಕನ್ನಡ ಚಿತ್ರರಂಗದಲ್ಲಿ ಹೊಸ ಟ್ರೆಂಡ್ ಗೆ ಕಾರಣವಾಗಿತ್ತು. ದುನಿಯಾ ಬಂದ ಮೇಲೆ ಅದೇ ಮಾದರಿಯ ಚಿತ್ರಗಳು ಆರಂಭವಾದವು.

ಇತಿಹಾಸ ಮರುಕಳಿಸುತ್ತಾ

'ದುನಿಯಾ' ಚಿತ್ರ ಬಿಡುಗಡೆಯಾಗಿದ್ದ ದಿನವೇ ರಿಲೀಸ್ ಆಗುತ್ತಿರುವ ಟಗರು ಸಿನಿಮಾ, ಸ್ಯಾಂಡಲ್ ವುಡ್ ನಲ್ಲಿ ಹೊಸ ಇತಿಹಾಸ ನಿರ್ಮಿಸುತ್ತಾ ಎಂಬ ಕುತೂಹಲ ಅಭಿಮಾನಿಗಳದ್ದು. ಟಗರು ಹವಾ ನೋಡ್ತಿದ್ದರೇ, ಕನ್ನಡದ ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸುವುದು ಪಕ್ಕಾ ಎನ್ನಲಾಗಿದೆ.