ಜುಲೈ 7ರಂದು ಗಾಂಧಿನಗರಕ್ಕೆ ಬರ್ತಿದೆ 'ಕೋಲಾರ'

ಲೂಸ್ ಮಾದ ಖ್ಯಾತಿಯ ಯೋಗಿ ಅಭಿನಯದ ಕೋಲಾರ ಚಿತ್ರ ಬಿಡುಗಡೆ ಸಿದ್ದವಾಗಿದೆ. ಈಗಾಗಲೇ ಟ್ರೈಲರ್ ಮತ್ತು ಹಾಡುಗಳನ್ನ ಬಿಡುಗಡೆ ಮಾಡಿ ಕುತೂಹಲ ಹುಟ್ಟಿಹಾಕಿರುವ 'ಕೋಲಾರ' ಜುಲೈ 7 ರಂದು ರಾಜ್ಯಾದ್ಯಂತ ತೆರೆಕಾಣುತ್ತಿದೆ.

ಅಂದ್ಹಾಗೆ, 'ಕೋಲಾರ' ನೈಜ ಘಟನೆಯಾಧಾರಿತ ಸಿನಿಮಾವಾಗಿದ್ದು, ರೌಡಿಂ ತಂಗಂ ಕಥೆ ಎಂದು ಹೇಳಲಾಗ್ತಿದೆ. ಸದ್ಯ, ಟ್ರೈಲರ್ ನಲ್ಲೂ ಬರಿ ಮಚ್ಚು, ಲಾಂಗುಗಳೇ ಜಳಪಳಿಸಿದ್ದು, ಸಖತ್ ಮಾಸ್ ಆಗಿದೆ.

ಆರ್ಯ ಎಂ ಮಹೇಶ್ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಲಕ್ಷ್ಮಿ ನಾರಾಯಣ ಮತ್ತು ರಮೇಶ್ ಎಂಬುವರು ಜಂಟಿ ನಿರ್ಮಾಣ ಮಾಡಿದ್ದಾರೆ. ಬಿ ಆರ್ ಹೇಮಂತ್ ಕುಮಾರ್ ಅವರ ಸಂಗೀತ ಚಿತ್ರಕ್ಕಿದೆ. 'ಬೆತ್ತನಗೆರೆ', 'ಊಟಿ' ಚಿತ್ರಗಳಲ್ಲಿ ನಟಿಸಿದ್ದ ನೈನಾ ಸರ್ವೆರ್ ಈ ಚಿತ್ರದಲ್ಲಿ ನಾಯಕಿ ಆಗಿ ಕಾಣಿಸಿಕೊಂಡಿದ್ದಾರೆ.

ಉಳಿದಂತೆ ಚಿತ್ರದಲ್ಲಿ ಶೋಭರಾಜ್, ತಿಲಕ್, ಅಕ್ಷಯ್, ತಮಿಳಿನ ರಾಜೇಂದ್ರನ್, ಸಂಪತ್ ಕುಮಾರ್ ಸೇರಿದಂತೆ ಹಲವರು 'ಕೋಲಾರ' ಚಿತ್ರದಲ್ಲಿ ನಟಿಸಿದ್ದಾರೆ.