ಮುಖಪುಟ

ಸಿನಿ ಸಮಾಚಾರ

ಕಳೆದ ವರ್ಷ ರಿಲೀಸ್ ಆದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಸಿನಿಮಾ ಹವಾ ಇನ್ನೂ ಜೋರಾಗಿದೆ. ಇತ್ತೀಚಿಗಷ್ಟೆ ಪ್ರತಿಷ್ಠಿತ 'ಫಿಲ್ಮ್ ಫೇರ್' ಪ್ರಶಸ್ತಿಯನ್ನು ಬಾಚಿಕೊಂಡ ಈ ಚಿತ್ರ ಇದೀಗ 2015ನೇ ಸಾಲಿನ ಸೈಮಾ ಅವಾರ್ಡ್ಸ್ ನೂ ಮುಡಿಗೇರಿಸಿಕೊಂಡಿದೆ.

ಅದು ಒಂದೆರಡು ವಿಭಾಗಗಳಲ್ಲಿ ಅಲ್ಲ. ಬರೋಬ್ಬರಿ 10 ವಿಭಾಗಗಳಲ್ಲಿ ಪ್ರಶಸ್ತಿ ಗಿಟ್ಟಿಸಿಕೊಳ್ಳುವ ಮೂಲಕ ಸೈಮಾ ಅವಾರ್ಡ್ಸ್ ಇತಿಹಾಸದಲ್ಲಿ ಹೊಸ ದಾಖಲೆ ಬರೆದಿದೆ.

ಉತ್ತಮ ಚಿತ್ರ - ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ
ಉತ್ತಮ ನಿರ್ದೇಶಕ - ಸಂತೋಷ್ ಆನಂದ್ ರಾಮ್
ಉತ್ತಮ ನಟ - ಯಶ್ [ಮಾಸ್ಟರ್ಪೀಸ್ ಕನಿಷ್ಠ ದೀಪಾವಳಿಗಾದರೂ ಬರತ್ತಾ ಯಶ್?]
ಉತ್ತಮ ನಟಿ - ರಾಧಿಕಾ ಪಂಡಿತ್
ಉತ್ತಮ ಛಾಯಾಗ್ರಹಣ - ಎಸ್.ವೈದಿ
ಉತ್ತಮ ಸಂಗೀತ ನಿರ್ದೇಶಕ - ವಿ.ಹರಿಕೃಷ್ಣ
ಉತ್ತಮ ಸಾಹಸ ನಿರ್ದೇಶಕ - ರವಿ ವರ್ಮಾ
ಉತ್ತಮ ಗೀತ ಸಾಹಿತ್ಯ ರಚನೆಗಾರ - ಗೌಸ್ ಪೀರ್ (ಕಾರ್ಮೋಡ ಸರಿದು)
ಉತ್ತಮ ಗಾಯಕ - ರಾಜೇಶ್ ಕೃಷ್ಣನ್ (ಕಾರ್ಮೋಡ ಸರಿದು)
ಉತ್ತಮ ಪೋಷಕ ನಟ - ಅಚ್ಯುತ್ ಕುಮಾರ್[ಸೈಮಾ ಪ್ರಶಸ್ತಿ : ಯಶ್ -ರಾಧಿಕಾ ಸೇರಿ ತಾರೆಯರ ರಂಗು]

'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರದ ಯಶಸ್ಸಿಗೆ ಶ್ರಮಿಸಿದ ಮೇಲ್ಕಂಡ ಎಲ್ಲರಿಗೂ ಸೈಮಾ ಅವಾರ್ಡ್ ದೊರೆತಿದೆ. ಮೊನ್ನೆಯಷ್ಟೆ ದುಬೈನಲ್ಲಿ ಸೈಮಾ ಪ್ರಶಸ್ತಿ ಪ್ರಧಾನ ಸಮಾರಂಭ ಅದ್ದೂರಿಯಾಗಿ ನೆರವೇರಿತು.[ಯಶ್ ಬಗ್ಗೆ ಫೇಸ್ ಬುಕ್ ನಲ್ಲಿ ರಾಧಿಕಾ ಪಂಡಿತ್ ಹೇಳಿದ್ದೇನು?]

ಕನ್ನಡ ಚಿತ್ರಗಳ ಪೈಕಿ ಎಲ್ಲಾ ವಿಭಾಗಗಳಲ್ಲೂ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರಕ್ಕೆ ಹೆಚ್ಚಿನ ಮತಗಳು ಲಭ್ಯವಾಗಿತ್ತು. ಅದರ ಪರಿಣಾಮವೇ ಈ ದಾಖಲೆ. ಗಲ್ಲಪೆಟ್ಟಿಗೆಯಲ್ಲಿ ದಾಪುಗಾಲು ಹಾಕುತ್ತಾ ಕೋಟಿ ಕೋಟಿ ಲೂಟಿ ಮಾಡಿದ 'ರಾಮಾಚಾರಿ' ಪ್ರಶಸ್ತಿ ಪಡೆಯುವುದರಲ್ಲೂ ಹಿಂದೆಬಿದ್ದಿಲ್ಲ ಅನ್ನುವುದಕ್ಕೆ ಇದೇ ಸಾಕ್ಷಿ.