ಉಪೇಂದ್ರ ಬರ್ತಡೆಗೆ 'ಶ್..!' ಉಡುಗೊರೆ

1993, ಡಿಸೆಂಬರ್ 3 ರಂದು ತೆರೆ ಕಂಡ ಕುಮಾರ್ ಗೋವಿಂದ್, ದಯಾನಂದ, ಕಾಶೀನಾಥ್ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದ ಹಾರರ್ ಕಮ್ ಥ್ರಿಲ್ಲರ್ ಸಿನಿಮಾ 'ಶ್' ಇದೀಗ ರೀ-ರಿಲೀಸ್ ಆಗುತ್ತಿದೆ.

22 ವರ್ಷಗಳ ನಂತರ ನಟ ಕಮ್ ನಿರ್ಮಾಪಕ ಕುಮಾರ್ ಗೋವಿಂದ್ 'ಶ್' ಚಿತ್ರವನ್ನ ರೀ-ರಿಲೀಸ್ ಮಾಡುವ ಪ್ಲಾನ್ ಮಾಡಿದ್ದಾರೆ. ಇದೀಗ ಗಾಂಧಿನಗರದ ಲೇಟೆಸ್ಟ್ ಮಾಹಿತಿ ಪ್ರಕಾರ 'ಶ್' ಚಿತ್ರವನ್ನು ಡಿಜಿಟಲೀಕರಣ ಮಾಡಿ ಪ್ರದರ್ಶನ ಮಾಡಲಾಗುವುದು. [ದಿನಪತ್ರಿಕೆ ಸಂಪಾದಕರನ್ನೇ ಕುಣಿಸಿದ 'ಉಪ್ಪಿ-2']

ಚಿತ್ರದಲ್ಲಿ ಸ್ವಲ್ಪ ಮಟ್ಟದ ಬದಲಾವಣೆ ಇರುವುದರಿಂದ ಸೆನ್ಸಾರ್ ಕೂಡ ಮಾಡಲಾಗುತ್ತಿದೆಯಂತೆ. ಎಲ್ಲಾ ಆದ ನಂತರ ಸದ್ಯದಲ್ಲೇ ಅಂದ್ರೆ, ಉಪೇಂದ್ರ ಅವರ ಹುಟ್ಟುಹಬ್ಬಕ್ಕೆ 'ಶ್' ವಿನೂತನ ರೀತಿಯಲ್ಲಿ ತೆರೆಗೆ ಬರಲಿದೆ.

ಹೌದು, ಸೆಪ್ಟೆಂಬರ್ ನಲ್ಲಿ ನಟ, ನಿರ್ದೇಶಕ ಉಪೇಂದ್ರ ಅವರ 48 ನೇ ಹುಟ್ಟುಹಬ್ಬ. ಅಂದು 'ಶ್' ಚಿತ್ರದ ರೀ-ರಿಲೀಸ್ ಮಾಡಲಾಗುತ್ತದೆ. ಮಾತ್ರವಲ್ಲದೆ ಕುಮಾರ್ ಗೋವಿಂದ್ 'ಶ್' ಚಿತ್ರವನ್ನು ಹಿಂದಿ, ತಮಿಳು, ತೆಲುಗು ಭಾಷೆಗಳಿಗೂ ಡಬ್ ಮಾಡುವ ಪ್ಲಾನ್ ಮಾಡಿಕೊಂಡಿದ್ದಾರೆ. ['ಉಪ್ಪಿ-2' ಆಡಿಯೋ ರಿಲೀಸ್ ಮಾಡಿದ್ದು ಯಾರು?]

ಸದ್ಯಕ್ಕೆ ಸ್ಯಾಂಡಲ್ ವುಡ್ ನಲ್ಲಿ ಹವಾ ಎಬ್ಬಿಸುತ್ತಿರುವ ಉಪೇಂದ್ರ ನಿರ್ದೇಶಿಸಿ, ನಾಯಕನಾಗಿ ಕಾಣಿಸಿಕೊಂಡಿರುವ 'ಉಪ್ಪಿ 2' ಚಿತ್ರ ತೆರೆಕಂಡ ನಂತರ 'ಶ್' ಚಿತ್ರ ರೀ-ರಿಲೀಸ್ ಆಗಲಿದೆ. [ರಿಯಲ್ ಸ್ಟಾರ್ ಉಪೇಂದ್ರರ 'ಉಪ್ಪಿ 2' ರಿಲೀಸ್ ಡೇ ಘೋಷಣೆ]

ಅದೇನೇ ಇರಲಿ ಉಪೇಂದ್ರ ಅವರ ಕಟ್ಟಾ ಅಭಿಮಾನಿಗಳಿಗೆ ಈ ಮಾನ್ಸೂನ್ ಗೆ ಡಬಲ್ ಧಮಾಕ ಸಿಗುವುದು ಗ್ಯಾರಂಟಿ. ಒಂದೆಡೆ ಉಪ್ಪಿ ಅಭಿನಯದ 'ಉಪ್ಪಿ 2' ತೆರೆ ಕಾಣುವುದು ಆಗಸ್ಟ್ ನಲ್ಲಾದರೆ, ಇನ್ನೊಂದೆಡೆ ಉಪ್ಪಿ ನಿರ್ದೇಶನದ 'ಶ್' ಚಿತ್ರದ ರೀ-ರಿಲೀಸ್ ಸೆಪ್ಟೆಂಬರ್ ನಲ್ಲಿ. ಅಂತೂ ಇಂತೂ ಅಭಿಮಾನಿಗಳನ್ನು ತುದಿಗಾಲಲ್ಲಿ ನಿಂತು ಕಾಯುವಂತೆ ಮಾಡಿದ್ದಾರೆ 'ರಿಯಲ್ ಸ್ಟಾರ್' ಉಪೇಂದ್ರ.