ಯಜಮಾನನ ಜೊತೆ ಹುಚ್ಚ ಮತ್ತೆ ಥಿಯೇಟರಿಗೆ ಬರುತ್ತಿದ್ದಾನೆ!

'ಯಜಮಾನ' ಟಿ.ವಿ ಸ್ಯಾಟಲೈಟ್ ರೇಟ್

ಡಾ.ವಿಷ್ಣು ಅವರ ಯಜಮಾನ ಚಿತ್ರ ಟಿ.ವಿ ಸ್ಯಾಟಲೈಟ್ ರೈಟ್ಸ್ ರೇಟ್ ಸುಮಾರು 7 ಲಕ್ಷಕ್ಕೆ ಸೇಲ್ ಆಗಿತ್ತಾದರೂ ರಾಕ್ ಲೈನ್ ವೆಂಕಟೇಶ್ ಅವರು ಉದಯ ಟಿ.ವಿಗೆ ಸುಮಾರು 70 ಲಕ್ಷಕ್ಕೆ ಸೋಲ್ಡ್ ಔಟ್ ಮಾಡಿದ್ದಾರೆ. ಯಜಮಾನ ಚಿತ್ರದ ಆಡಿಯೋ ವನ್ನು ಆನಂದ್ ಆಡಿಯೋ ಪಡೆದುಕೊಂಡಿದ್ದು, ಸುಮಾರು 8 ಲಕ್ಷಕ್ಕೆ ಸೋಲ್ಡ್ ಔಟ್ ಆಗಿ ಈಗಲೂ ಹಣ ಗಳಿಸುತ್ತಿದೆ.

'ಹುಚ್ಚ' ಚಿತ್ರದ ಟಿ.ವಿ ರೇಟ್

ನಿರ್ದೇಶಕ ಓಂ ಪ್ರಕಾಶ್ ರಾವ್ ಆಕ್ಷನ್-ಕಟ್ ಹೇಳಿದ್ದ ಕಿಚ್ಚ ಸುದೀಪ್ ಹಾಗೂ ರೇಖಾ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡಿರುವ ಹುಚ್ಚ ಚಿತ್ರದ ಸ್ಯಾಟಲೈಟ್ ಹಕ್ಕನ್ನು ಉದಯ ಟಿ.ವಿ ಸುಮಾರು 5 ಲಕ್ಷಕ್ಕೆ ಖರೀದಿಸಿತ್ತು.

DTS ಟೆಕ್ನಿಕಲ್ ಗೆ ತಗುಲಿದ ಖರ್ಚು

ಸಾಧಾರಣ 5 ವರ್ಷಗಳ ನಂತರ ಈ ಎರಡು ಚಿತ್ರಗಳ ನಿಯಂತ್ರಣ ಮಾಡುವ ಹಕ್ಕು ನಿರ್ಮಾಪಕ ರೆಹಮಾನ್ ಅವರ ಕೈಯಲ್ಲಿದ್ದುದ್ದರಿಂದ, DTS ಎಫೆಕ್ಟ್ ಹಾಗೂ ಸ್ಯಾಟಲೈಟ್ ಸ್ಕ್ರೀನ್ ಗೆ ಹೊಂದಿಕೊಳ್ಳುವ ಇತರ ತಾಂತ್ರಿಕ ಹೊಂದಾಣಿಕೆಗಳನ್ನು ಮಾಡಲು ಹಾಗೂ ಹೊಸ ತಾಂತ್ರಿಕ ಸೇರ್ಪಡೆಗಳಿಗೆ ಅವರು ಸುಮಾರು 10 ಲಕ್ಷ ರೂಪಾಯಿ ಖರ್ಚು ಮಾಡಿದ್ದರು.

ಸಂಗೀತ ನಿರ್ದೇಶಕ ರಾಜೇಶ್ ರಾಮಾನಾಥ್ ಜೊತೆ ಚರ್ಚೆ

ಸಂಗೀತ ನಿರ್ದೇಶಕ ರಾಜೇಶ್ ರಾಮಾನಾಥ್ ಹಾಗೂ ನಿರ್ಮಾಪಕ ರೆಹಮಾನ್ ಅವರು ಚಿತ್ರದ ಟಿ.ವಿ ರೇಟ್ ಬಗ್ಗೆ 'ಸ್ಥಾಯಿ ಸ್ಟುಡಿಯೋದಲ್ಲಿ', ಚರ್ಚೆ ನಡೆಸುತ್ತಿದ್ದ ಸಂದರ್ಭದಲ್ಲಿ ಎರಡು ಚಿತ್ರಗಳಿಗೂ ಸೇರಿಸಿ ಸುಮಾರು 8 ಲಕ್ಷ ವೆಚ್ಚದಲ್ಲಿ ಹೆಚ್ಚಿನ ತಾಂತ್ರಿಕ ವ್ಯವಸ್ಥೆಗೆ ತಾವು ಸಹಾಯ ಮಾಡುವುದಾಗಿ ಸಂಗೀತ ನಿರ್ದೇಶಕರು ಭರವಸೆ ನೀಡಿದ್ದರು.

ವಿಷ್ಣುವರ್ಧನ್ ಅವರಿಗೆ ಹಣ ನೀಡಿರಲಿಲ್ಲ

'ಯಜಮಾನ' ಚಿತ್ರದ ಶೂಟಿಂಗ್ ನಿಂದ ಹಿಡಿದು ಡಬ್ಬಿಂಗ್ ಆಗುವವರೆಗೂ ಡಾ.ವಿಷ್ಣು ಅವರು ನಿರ್ಮಾಪಕ ರೆಹಮಾನ್ ಅವರಲ್ಲಿ ಪೇಮೆಂಟ್ ಬಗ್ಗೆ ಒಂದು ಮಾತು ಆಡಿರಲಿಲ್ಲವಂತೆ. ಅಷ್ಟು ಹೃದಯ ವೈಶಾಲ್ಯ ವನ್ನು ಡಾ.ವಿಷ್ಣು ಅವರು ಹೊಂದಿದ್ದರು ಎಂದು ನಿರ್ಮಾಪಕ ರೆಹಮಾನ್ ಆ ದಿನಗಳನ್ನು ನೆನಪಿಸಿಕೊಳ್ಳುತ್ತಾರೆ.