ತೆರೆಯಲ್ಲಿ ನೋಡಿ ಬಾಲ್ ಪೆನ್ ಹಾಗೂ ಗೋಲ್ ಮಾಲ್

ಬಾಲ್ ಪೆನ್ ಗ್ಯಾಲರಿ

'ಬಾಲ್ ಪೆನ್' ಚಿತ್ರವನ್ನು ನಿರ್ಮಿಸಿರುವವರು ಭಾವನಾ ಬೆಳಗೆರೆ ಹಾಗೂ ಶ್ರೀನಗರ ಕಿಟ್ಟಿ. ಕೆ.ಸಿ. ಮಂಜುನಾಥ್ ಹಾಗೂ ಭಾವನಾ ಬೆಳಗೆರೆ ಕಥೆ ಇರುವ ಈ ಚಿತ್ರಕ್ಕೆ ಚಿತ್ರಕಥೆ-ಸಂಭಾಷಣೆ ಹಾಗೂ ನಿರ್ದೇಶನ ಶಶಿಕಾಂತ್ ಅವರದು. ಚಿತ್ರಕ್ಕೆ ಮಣಿಕಾಂತ್ ಕದ್ರಿ ಸಂಗೀತವಿದೆ. ಬೆಂಗಳೂರು ಕೆಜಿ ರಸ್ತೆಯ 'ಕೈಲಾಸ್' ಹಾಗೂ ರಾಜ್ಯಾದ್ಯಂತ ಬಿಡುಗಡೆಯಾಗಲಿರುವ 'ಬಾಲ್ ಪೆನ್' ಸಾಕಷ್ಟು ಕುತೂಹಲ ಕೆರಳಿಸಿರುವ ಮಕ್ಕಳ ಚಿತ್ರ. ಇದನ್ನು ದೊಡ್ಡವರೂ ಕೂಡ ನೋಡಬಹುದಾಗಿದೆ ಎಂಬುದು ವಿಶೇಷ. ಮತ್ತೊಂದು ವಿಶೇಷವೆಂದರೆ, ಈ ಚಿತ್ರದ ಮುಖಾಂತರ ಉದಯೋನ್ಮುಖ ಹಾಡುಗಾರ ಮತ್ತು ಸಂಗೀತಗಾರ ಆದಿತ್ಯ ರಾವ್ ಕನ್ನಡ ಚಿತ್ರರಂಗಕ್ಕೆ ಪರಿಚಯವಾಗುತ್ತಿದ್ದಾರೆ. (ಆದಿತ್ಯ ರಾವ್ ಸಂದರ್ಶನ)

ಇನ್ನು 'ಭೀಮಾ ತೀರದಲ್ಲಿ (ಬದಲಾದ ಹೆಸರು-ಚಂದಪ್ಪ)' ಚಿತ್ರದ ನಂತರ ಅಣಜಿ ನಾಗರಾಜ್ ನಿರ್ಮಾಣದಲ್ಲಿ ಬರುತ್ತಿರುವ ಮತ್ತೊಂದು ಚಿತ್ರ ಈ 'ಗೋಲ್ ಮಾಲ್'. ವಿಜಯರಾಘವೇಂದ್ರ ಮತ್ತು ಶುಭಾ ಪೂಂಜಾ ಈ ಚಿತ್ರದ ನಾಯಕ-ನಾಯಕಿಯರು. ಚಿತ್ರವನ್ನು ಕಥೆ-ಚಿತ್ರಕಥೆ ಹಾಗೂ ಸಂಭಾಷಣೆ ಜೊತೆ ನಿರ್ದೇಶಿಸಿರುವವರು ಪ್ರಮೋದ್ ಚಕ್ರವರ್ತಿ. ಚಿತ್ರಕ್ಕೆ ಸಂಗೀತ ನೀಡಿರುವವರು ರಾಧೇ ಕ್ರಿಶ್. 'ಗೋಲ್ ಮಾಲ್' ಚಿತ್ರದ ಟ್ಯಾಗ್ ಲೈನ್ 'ನಮ್ ಗೋಲು ನಿಮ್ ಮಾಲು'.

ಈಗಿನ ಮಾಹಿತಿ ಪ್ರಕಾರ, ಬಹುನಿರೀಕ್ಷಿತ 'ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ' ಚಿತ್ರವು ನವೆಂಬರ್ 01, 2012 ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ. ಆದರೆ ಈಗಾಗಲೇ ಸಾಕಷ್ಟು ಬಾರಿ ಬಿಡುಗಡೆಯನ್ನು ಮುಂದೂಡಿರುವ ಚಿತ್ರತಂಡ, ನಿಜವಾಗಿಯೂ ನವೆಂಬರ್ 01ಕ್ಕೆ ಚಿತ್ರವನ್ನು ಬಿಡುಗಡೆಮಾಡಲಿದೆಯೇ ಎಂಬುದು ಎಲ್ಲರಿಗಿರುವ ಸಂದೇಹ. ಚಿತ್ರದ ಪ್ರಮೋಶನ್ ಕೂಡ ಇನ್ನೂ ಪ್ರಾರಂಭವಾಗಿಲ್ಲ ಎನ್ನುವುದು ಎಲ್ಲರ ಗಮನಕ್ಕೆ ಬಂದಿರುವ ಅಂಶ. (ಏಜೆನ್ಸೀಸ್)