'ಹುಚ್ಚ' ಸಹ ನಿರ್ಮಾಪಕ ಮಹ್ಮದ್ ಮುಸ್ತಾಫಾ ಬಂಧನ

ಚಿತ್ರ ನಿರ್ಮಾಪಕ ಮಹಮ್ಮದ್ ಮುಸ್ತಫಾ ವಿರುದ್ಧ ಅವರ ಎರಡನೇ ಪತ್ನಿ ಸಿದ್ದಿಕಿ ಭಾನು ಅವರು ದೂರು ನೀಡಿದ್ದರು. ಚಿತ್ರದುರ್ಗ ಮೂಲದ ಮುಸ್ತಫಾ ಅವರನ್ನು ಮೈಸೂರಿನಲ್ಲಿ ಪೊಲೀಸರು ವಶಕ್ಕೆ ತೆಗೆದುಕೊಂಡು ಅಶೋಕ ನಗರ ಮಹಿಳಾ ಪೊಲೀಸ್ ಠಾಣೆ ವಿಚಾರಣೆ ನಡೆಸುತ್ತಿದ್ದಾರೆ.

ಮೊದಲ ಪತ್ನಿ ಮೃತಪಟ್ಟ ಮೇಲೆ ಸುಮಾರು 11 ವರ್ಷದ ಹಿಂದೆ ಸಿದ್ದಿಕಿ ಭಾನು ಅವರನ್ನು ಮುಸ್ತಫಾ ಅವರು ಮದುವೆಯಾಗಿದ್ದರು. ದಂಪತಿ ಒಂದು ಮಗು ಸಹ ಇದೆ. ಹಿಟ್ ಚಿತ್ರಗಳನ್ನು ನೀಡಿದರೂ ಮುಸ್ತಫಾ ಹಣಕ್ಕಾಗಿ ಪತ್ನಿಯನ್ನು ಪೀಡಿಸುತ್ತಿದ್ದ ಎಂದು ಸಿದ್ದಿಕಿ ಕುಟುಂಬದವರು ದೂರಿದ್ದಾರೆ.

ಹುಚ್ಚ, ಯಜಮಾನದಂಥ ಸೂಪರ್ ಹಿಟ್ ಚಿತ್ರ ನೀಡಿದ ಮೇಲೆ ಮುಸ್ತಫಾ ಅವರ ಕೈಲಿ ಸಾಕಷ್ಟು ಹಣ ಓಡಾಡಿತ್ತು. ಆದರೂ ಪತ್ನಿಯನ್ನು ಹಣಕ್ಕಾಗಿ ಪೀಡಿಸಿದ್ದಾರೆ ಎಂಬುದನ್ನು ನಂಬಲು ಸಾಧ್ಯವಾಗುತ್ತಿಲ್ಲ. ನನ್ನ ಜೊತೆ ಕೆಲಸ ಮಾಡುವಾಗ ಚೆನ್ನಾಗಿ ನಡೆದುಕೊಂಡಿದ್ದರು. ಅವರ ಕುಟುಂಬದ ಬಗ್ಗೆ ಕೂಡಾ ಬಲ್ಲೆ ಎಂದು ಖ್ಯಾತ ನಿರ್ದೇಶಕ ಓಂ ಪ್ರಕಾಶ್ ರಾವ್ ಪ್ರತಿಕ್ರಿಯಿಸಿದ್ದಾರೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಿ