'ತಾಯಿಗೆ ತಕ್ಕ ಮಗ' ನೋಡಿ ಯಾವ ಸ್ಟಾರ್ ಏನಂದ್ರು?

'ಅಂತ' ಸಿನಿಮಾ ನೆನಪಾಯ್ತು

''ನಂಗೆ 40 ವರ್ಷದ ಹಿಂದೆ ಮಾಡಿದ 'ಅಂತ' ಸಿನಿಮಾ ನೆನಪಾಯ್ತು. ಸಿನಿಮಾದಲ್ಲಿ ಎಲ್ಲರೂ ಮುದ್ದಾಗಿ ಕಾಣುತ್ತಾರೆ. ಇದು ವೆಲ್ ಮೇಡ್ ಪಿಚ್ಚರ್. ಆಕ್ಷನ್ ಸೂಪರ್ ಆಗಿದೆ. ಕ್ಷೈಮ್ಯಾಕ್ಸ್ ಡಿಫರೆಂಟ್ ಆಗಿದೆ. ಇಡೀ ತಂಡಕ್ಕೆ ಯಶಸ್ಸು ಸಿಗಲಿ.'' - ಅಂಬರೀಶ್, ನಟ

ಕ್ಲೈಮ್ಯಾಕ್ಸ್ ಎಲ್ಲರೂ ಫಾಲೋ ಮಾಡಬೇಕು

''ಸಿನಿಮಾದಲ್ಲಿ ತಾಯಿ ಮಗನ ಕೆಮಿಸ್ಟಿ ಅಧ್ಬುತವಾಗಿದೆ. ಒಬ್ಬ ಹೊಸ ಆಕ್ಷನ್ ಹೀರೋ ಕನ್ನಡಕ್ಕೆ ಸಿಕ್ಕಿದ್ದಾರೆ. ಸ್ಟೋರಿ ಲೈನ್ ಚೆನ್ನಾಗಿದೆ. ಕ್ಲೈಮ್ಯಾಕ್ಸ್ ನೋಡಿ ನನಗೆ ತುಂಬ ಖುಷಿ ಆಯ್ತು. ಅದನ್ನು ಎಲ್ಲರೂ ಫಾಲೋ ಮಾಡಬೇಕು. ಸಿನಿಮಾ ಸೂಪರ್ ಆಗಿದೆ.'' - ಉಪೇಂದ್ರ, ನಟ

ಅಮ್ಮ ಮಗನ ಕಾಂಬಿನೇಶನ್ ಚೆನ್ನಾಗಿದೆ

' ಮನರಂಜನೆ ಜೊತೆಗೆ ಒಂದು ಒಳ್ಳೆಯ ಸಂದೇಶ ಇಲ್ಲಿದೆ. ಲವ್ ಸ್ಟೋರಿ ಇಟ್ಟುಕೊಂಡು ಸಮಾಜಕ್ಕೆ ಬೇಕಾದ ವಿಷಯ ಹೇಳಿದ್ದಾರೆ. ಸುಮಲತಾ ಮೇಡಂ, ಅಜಯ್ ರಾವ್, ಆಶಿಕಾ, ಲೋಕಿ ಚೆನ್ನಾಗಿ ನಟನೆ ಮಾಡಿದ್ದಾರೆ. ಅಮ್ಮ ಮಗನ ಕಾಂಬಿನೇಶನ್ ಚೆನ್ನಾಗಿ ಬಂದಿದೆ.'' - ಯಶ್, ನಟ

ಅಜಯ್ ಪಾತ್ರ ನಮ್ಮ ಅಣ್ಣನ ತರ ಇತ್ತು

''ಅಜಯ್ ಸರ್ ಅವರನ್ನು ಈ ಲುಕ್ ನಲ್ಲಿ ನೋಡಿ ಖುಷಿಯಾಯ್ತು. ತುಂಬ ಪ್ರೆಶ್ ಗೆ ಸಿನಿಮಾ ಇದೆ. ನಮ್ಮ ಅಣ್ಣನನ್ನು ಅಜಯ್ ರಾವ್ ಅವರ ಪಾತ್ರದಲ್ಲಿ ನೋಡಿದೆ. ಆಶಿಕಾ ಅವರ ಸ್ಕ್ರೀನ್ ಪ್ರೆಸೆನ್ಸ್ ಇಷ್ಟ ಆಯ್ತು. ಶಶಾಂಕ್ ಸರ್, ಸುಮಲತಾ ಮೇಡಂ ಎಲ್ಲರೂ ಚೆನ್ನಾಗಿ ಮಾಡಿದ್ದಾರೆ.'' - ಅಮೂಲ್ಯ, ನಟಿ