ಯಜಮಾನ ಯಶಸ್ಸಿಗೆ ಹಾರೈಸಿದ ಸ್ಯಾಂಡಲ್ ವುಡ್ ಸಿನಿತಾರೆಯರು

ನನಗೆ ನಂಬಿಕೆ ಇದೆ.....

''ನನಗೆ ನಂಬಿಕೆ ಇದೆ, ಯಜಮಾನ ಚಿತ್ರವನ್ನ ಎಲ್ಲರೂ ಪ್ರೀತಿಸುತ್ತಾರೆ ಮತ್ತು ಇಷ್ಟಪಡ್ತಾರೆ. ದರ್ಶನ್ ಸದಾ ಉತ್ತಮ, ಹರಿಕೃಷ್ಣ ಅವರು ಅದ್ಭುತ ಕೆಲಸ ಮಾಡಿದ್ದಾರೆ. ಇಡೀ ತಂಡಕ್ಕೆ ಒಳ್ಳೆಯದಾಗಲಿ ಎಂದು ಹಾರೈಸುತ್ತೇನೆ'' ಎಂದು ನಟ ಚಿರಂಜೀವಿ ಸರ್ಜಾ ಟ್ವೀಟ್ ಮಾಡಿದ್ದಾರೆ.

ನೀನು ಮತ್ತೆ ಬಾಕ್ಸ್ ಆಫೀಸ್ ಗೆ ಸುಲ್ತಾನ

''ದರ್ಶನ್ ನಿನಗೆ ಬಹುದೊಡ್ಡ ಯಶಸ್ಸು ಸಿಗಲಿ. ಯಜಮಾನ ಚಿತ್ರದ ಮೂಲಕ ನೀನು ಮತ್ತೆ ಬಾಕ್ಸ್ ಆಫೀಸ್ ಗೆ ಸುಲ್ತಾನ ಆಗಿ ನಿಲ್ಲು'' ಎಂದು ನಟಿ ಸುಮಲತಾ ಶುಭ ಕೋರಿದ್ದಾರೆ.

ಬಾಕ್ಸ್ ಆಫೀಸ್ ಯಜಮಾನ

ಕನ್ನಡ ಚಿತ್ರರಂಗದ ಪ್ರತಿಭಾನ್ವಿತ ನಿರ್ದೇಶಕ ಸಿಂಪಲ್ ಸುನಿ ಡಿ ಬಾಸ್ ಚಿತ್ರಕ್ಕೆ ವಿಶ್ ಮಾಡಿದ್ದು, ಬಾಕ್ಸ್ ಅಫೀಸ್ ಯಜಮಾನ....ನಾಳೆಯಿಂದ ಅಭಿಮಾನಿಗಳ ಜಮಾನ. ಜಮಾಯ್ಸಿ'' ಎಂದು ಟ್ವೀಟ್ ಮಾಡಿದ್ದಾರೆ.

ಯಜಮಾನ ಸಕ್ಸಸ್ ಆಗಲಿ

ಯಜಮಾನ ಚಿತ್ರಕ್ಕೆ ನಟ ದರ್ಶನ್ ಅವರಿಗೆ, ನಿರ್ದೇಶಕ ಹರಿಕೃಷ್ಣ ಅವರಿಗೆ ದೊಡ್ಡ ಯಶಸ್ಸು ಸಿಗಲಿ' ಎಂದು ಸಂತೋಷ್ ಆನಂದ್ ರಾಮ್ ಟ್ವೀಟ್ ಮಾಡಿದ್ದಾರೆ. ಸಂತೋಷ್ ಆನಂದ್ ರಾಮ್ ಯಜಮಾನ ಚಿತ್ರದ ಟೈಟಲ್ ಹಾಡು ಬರೆದಿದ್ದಾರೆ.

ದರ್ಶನ್ ಶಿಷ್ಯ ಧನ್ವೀರ್

ಬಜಾರ್ ಚಿತ್ರದ ನಾಯಕ ಹಾಗೂ ದರ್ಶನ್ ಅವರ ಶಿಷ್ಯ ಎಂದೇ ಗುರುತಿಸಿಕೊಂಡಿರುವ ನಟ ಧನ್ವೀರ್, ಯಜಮಾನ ಚಿತ್ರಕ್ಕೆ ವಿಶ್ ಮಾಡಿದ್ದಾರೆ. ''ನಮ್ಮಂತ ಯುವನಟರಿಗೆ ಪ್ರೋತ್ಸಾಹಿಸುವ ದರ್ಶನ್ ಅವರ ಸಿನಿಮಾ ಗೆಲ್ಲಬೇಕು'' ಎಂದು ವಿಶ್ ಮಾಡಿದ್ದಾರೆ.

ಜೈ ಯಜಮಾನ, ಜೈ ದರ್ಶನ್

ಇನ್ನು ನಿರ್ದೇಶಕ ಯೋಗರಾಜ್ ಭಟ್ ಅವರು ತಮ್ಮದೇ ಸ್ಟೈಲ್ ನಲ್ಲಿ ಯಜಮಾನ ಚಿತ್ರಕ್ಕೆ ವಿಶ್ ಮಾಡಿದ್ದಾರೆ. ''ಜೈ ಯಜಮಾನ, ಜೈ ದರ್ಶನ್ ಸಾಹೆಬ್ರು...ಜೈ ಹರಿಕೃಷ್ಣ, ಜೈ ಪೊನ್ನು...ಜೈ ಶೈಲಜಾ ದೊಡ್ಡಮ್ಮ, ಜೈ ಬಿ ಸುರೇಶ್ ಸಾರ್..ಜೈ ಯಜಮಾನ ಟೀಂ..ಅತಿ ದೊಡ್ಡ ಯಶಸ್ಸು ಸಿಗಲಿ'' ಎಂದು ಶುಭಕೋರಿದ್ದಾರೆ.