ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ ಶಿವರಾಜ್ ಕುಮಾರ್

ಬಿಡುಗಡೆಗೆ ಮುಂಚೆಯೇ ಟಗರು2

ಟಗರು ಸಿನಿಮಾ ಬಿಡುಗಡೆ ಆಗುವ ಮುಂಚೆಯೇ ಚಿತ್ರತಂಡ ಟಗರು2 ಚಿತ್ರೀಕರಣ ಶುರು ಮಾಡಿದೆ. ನಿನ್ನೆ(ಜ.20) ಸಿನಿಮಾದ ಮಹೂರ್ತ ಮಾಡಿ ಚಿತ್ರೀಕರಣವನ್ನೂ ಶುರು ಮಾಡಿದ್ದಾರೆ ನಿರ್ದೇಶಕ ಸೂರಿ ಮತ್ತು ಚಿತ್ರತಂಡ.

ಅಭಿಮಾನಿಗಳ ನಿರ್ಧಾರವೇ ಅಂತಿಮ

ಟಗರು ಸಿನಿಮಾ ಕ್ಲೈಮ್ಯಾಕ್ಸ್ ನಲ್ಲಿ ಟಗರು2 ಚಿತ್ರಕ್ಕೆ ಲಿಂಕ್ ನೀಡಲಾಗುತ್ತೆ. ಅದಕ್ಕಾಗಿ ಕೆಲವು ಸೀನ್ ಗಳನ್ನ ಸಿನಿಮಾತಂಡ ಚಿತ್ರೀಕರಣ ಮಾಡಿಕೊಂಡಿದೆ. ಟಗರು ಸಿನಿಮಾಗೆ ಬರುವ ಪ್ರತಿಕ್ರಿಯೆಯನ್ನು ನೋಡಿಕೊಂಡು ಪಾರ್ಟ್2 ಚಿತ್ರದ ಯಾವಾಗ ಪ್ರಾರಂಭ ಮಾಡಬೇಕು ಎನ್ನುವ ನಿರ್ಧಾರ ಮಾಡಲಾಗುತ್ತದೆ.

ಪಾರ್ಟ್ 2 ನಲ್ಲೂ ಶಿವಣ್ಣನೇ ನಾಯಕ

ಟಗರು ಸಿನಿಮಾ ಬಗ್ಗೆ ಈಗಾಗಲೇ ಸಾಕಷ್ಟು ನಿರೀಕ್ಷೆಗಳು ಹುಟ್ಟುಕೊಂಡಿದೆ. ಪಾರ್ಟ್2 ಕೂಡ ಬರುತ್ತೆ ಎನ್ನುವ ಸುದ್ದಿ ಈ ಹಿಂದೆ ಹರಿದಾಡಿತ್ತು. ಅದಕ್ಕೆ ತಕ್ಕಂತೆ ನಿರ್ಮಾಪಕರು ಟಗರು2 ಚಿತ್ರೀಕರಣ ಶುರು ಮಾಡಿದ್ದಾರೆ. ಟಗರು ಸ್ವೀಕ್ವೆಲ್ ನಲ್ಲಿ ಶಿವರಾಜ್ ಕುಮಾರ್ ಅವರೇ ನಾಯಕನಾಗಿ ಅಭಿನಯಿಸಲಿದ್ದಾರೆ.

ಭಾರಿ ಬೇಡಿಕೆ ಇರುವ ಸಿನಿಮಾ

ಟಗರು ಚಿತ್ರಕ್ಕೆ ಭಾರಿ ಬೇಡಿಕೆ ಇದೆ. ಈಗ ಇರುವ ನಿರೀಕ್ಷೆಯ ಮಟ್ಟ ನೋಡಿದರೆ ಕನ್ನಡದ 100 ಕೋಟಿ ಕ್ಲಬ್ ಸೇರುವ ಮೊದಲ ಚಿತ್ರ ಟಗರು ಎನ್ನುವ ಮಾತುಗಳು ಗಾಂಧಿನಗರದಲ್ಲಿ ಹರಿದಾಡುತ್ತಿದೆ. ಬಾಲಿವುಡ್ ಮತ್ತು ಟಾಲಿವುಡ್ ನಿಂದ ಡಬ್ಬಿಂಗ್ ಹಕ್ಕಿಗೆ ಬೇಡಿಕೆ ಹೆಚ್ಚಾಗಿದೆ.