ಈ ದಿನದಂದು ಬೆಂಗಳೂರಿನಲ್ಲಿ ಲೈವ್ ಕಾರ್ಯಕ್ರಮ ನಡೆಸಲಿದೆ 'ವರಾಹ ರೂಪಂ' ಮೇಲೆ ಕೇಸ್ ಹಾಕಿದ ಥೈಕುಡಂ ಬ್ರಿಡ್ಜ್!

ಮಲ್ಲುಗಳನ್ನು ಕುಣಿಯಲು ಬಿಡುವುದಿಲ್ಲ

ಥೈಕುಡಂ ಬ್ರಿಡ್ಜ್ ಕಳೆದ ತಿಂಗಳಿನಿಂದ ದೇಶದ ಹಲವು ಪ್ರಮುಖ ನಗರಗಳಲ್ಲಿ ಲೈವ್ ಹಾಡಿನ ಕಾರ್ಯಕ್ರಮಗಳನ್ನು ನಡೆಸುತ್ತಾ ಬಂದಿದೆ. ಅದರಂತೆ ಡಿಸೆಂಬರ್ 19ರಂದು ಈ ತಂಡ ಬೆಂಗಳೂರಿನಲ್ಲಿ ಲೈವ್ ಕಾನ್ಸರ್ಟ್ ನಡೆಸಲಿದೆ. ಕಾಪಿರೈಟ್ ಹಾಕಿ ಕಾಂತಾರ ತಂಡಕ್ಕೆ ಹಿನ್ನಡೆ ಉಂಟುಮಾಡಿದ ಇವರನ್ನು ನಮ್ಮ ನೆಲದಲ್ಲಿ ಕುಣಿಯಲು ಬಿಡಬಾರದು ಎಂದು ಸದ್ಯ ಕೆಲ ನೆಟ್ಟಿಗರು ಟ್ವೀಟ್ ಮಾಡುವ ಮೂಲಕ ಅಭಿಯಾನ ಆರಂಭಿಸಿದ್ದಾರೆ.

ಕಾಪಿ ಕಾಪಿನೇ.. ಇಂತಹ ವಿರೋಧ ಬೇಡ

ಇನ್ನು ಕೆಲ ಕನ್ನಡಿಗರು ಈ ನಿರ್ಧಾರಕ್ಕೆ ಸಮ್ಮತಿಸಿದ್ದರೆ, ಇನ್ನೂ ಕೆಲ ಕನ್ನಡಿಗರು ಕಾಪಿ ಯಾರೂ ಮಾಡಿದ್ರೂ ಕಾಪಿನೇ, ಇಲ್ಲಿ ಭಾಷೆಯ ವಿಚಾರ ತರುವುದು ಬೇಡ, ಕಷ್ಟ ಪಟ್ಟು ಸಂಗೀತ ಮಾಡಿದ್ದಾರೆ ಹೀಗಾಗಿ ದೂರು ಕೊಟ್ಟಿದ್ದಾರೆ, ಇದನ್ನು ವಿರೋಧಿಸುವುದು ಸರಿಯಲ್ಲ ಎಂದಿದ್ದಾರೆ.

ಕೇಸ್ ಅಪ್ಡೇಟ್

ಚಿತ್ರ ಬಿಡುಗಡೆಗೊಂಡ ಕೆಲವೇ ದಿನಗಳಲ್ಲಿ ದೇಶಾದ್ಯಂತ ಖ್ಯಾತಿ ಪಡೆದ ಕಾಂತಾರ ಚಿತ್ರದ ಈ 'ವರಾಹ ರೂಪಂ' ಹಾಡು ತಾವು ಸಂಯೋಜಿಸಿದ್ದ 'ನವರಸಮ್' ಹಾಡಿನ ಕಾಪಿ ಎಂದು ಮಲಯಾಳಂನ ಬ್ಯಾಂಡ್ ಸಂಸ್ಥೆ ಥೈಕ್ಕುಡಂ ಬ್ರಿಡ್ಜ್ ದೂರು ದಾಖಲಿಸಿತ್ತು. ಹೀಗಾಗಿ ಕಾಂತಾರ ಚಿತ್ರದಲ್ಲಿ ಮತ್ತು ಆಡಿಯೋ ಅಪ್ಲಿಕೇಶನ್‌ಗಳಲ್ಲಿ ಎಲ್ಲಿಯೂ ಸಹ 'ವರಾಹ ರೂಪಂ' ಹಾಡನ್ನು ಬಳಸಬಾರದು ಎಂದು ಕೇರಳದ ಕೋಯಿಕೋಡ್ ಸ್ಥಳೀಯ ನ್ಯಾಯಾಲಯ ತೀರ್ಪು ನೀಡಿತ್ತು. ಇದನ್ನು ಪ್ರಶ್ನಿಸಿ ಹೊಂಬಾಳೆ ಫಿಲ್ಮ್ಸ್ ಕೇರಳ ಹೈಕೋರ್ಟ್ ಮೊರೆ ಹೋಗಿತ್ತು. ಆದರೆ ಹೊಂಬಾಳೆ ಫಿಲ್ಮ್ಸ್‌ ಅರ್ಜಿಯನ್ನು ವಜಾಗೊಳಿಸಿದ ಕೇರಳ ಹೈಕೋರ್ಟ್ ಕಾನೂನಿನ ಪ್ರಕಾರ ಹಾಡನ್ನು ಬಳಸದೇ ಪರ್ಯಾಯ ಹಾದಿಯನ್ನು ಕಂಡುಕೊಳ್ಳಬೇಕೆಂದು ತೀರ್ಪು ನೀಡಿತು. ಅದರಂತೆ ಓಟಿಟಿಯಲ್ಲಿ ಕಾಂತಾರ ಚಿತ್ರದ ಹಾಡನ್ನು ಬದಲಿಸಲಾಗಿದೆ.