'ಕೆಜಿಎಫ್ 2': 30 ದಿನ, 5ನೇ ವಾರ, ಕಲೆಕ್ಷನ್ ಬೀಳೋ ಮಾತೇ ಇಲ್ಲ ಗುರು!

30ನೇ ದಿನಕ್ಕೆ ಒಟ್ಟಾರೆ 'ಕೆಜಿಎಫ್ 2' ಕಲೆಕ್ಷನ್ 1180 ಕೋಟಿ ರೂ!

'ಕೆಜಿಎಫ್ 2' 30 ದಿನಕ್ಕೂ ತನ್ನ ಓಟ ಮುಂದುವರೆಸಿದೆ. ಟ್ರೇಡ್ ವಿಶ್ಲೇಷಕರ ಪ್ರಕಾರ ಕೆಜಿಎಫ್ 2 ವಿಶ್ವದಾದ್ಯಂತ 1180 ಕೋಟಿ ರೂ. ಗಳಿಕೆ ಕಂಡಿದೆ.

ವಿಶ್ವದಾದ್ಯಂತ 'ಕೆಜಿಎಫ್ 2' ಬಾಕ್ಸಾಫೀಸ್ ಕಲೆಕ್ಷನ್

ಮೊದಲ ವಾರ- ₹ 720.31 ಕೋಟಿ

ಎರಡನೇ ವಾರ- ₹ 223.51 ಕೋಟಿ

ಮೂರನೇ ವಾರ- ₹ 140.55 ಕೋಟಿ

4ನೇ ವಾರ- ₹ 91.26 ಕೋಟಿ

5ನೇ ವಾರ

ಮೊದಲ ದಿನ- 5.20 ಕೋಟಿ

1500 ಕೋಟಿಗೆ ಕೆಜಿಎಫ್ 2 ಸನಿಹ!

ಕೆಜಿಎಫ್ 2 ಸಿನಿಮಾ ನಾಲ್ಕು ವಾರಗಳನ್ನು ಯಶಸ್ವಿಯಾಗಿ ಮುಗಿಸಿ, 5ನೇ ವಾರಕ್ಕೆ ಕಾಲಿಟ್ಟಿದೆ. ಈಗ ಕೆಜಿಎಫ್ 2 ಚಿತ್ರದ ಮುಂದಿನ ಗುರಿ 1200 ಕೋಟಿ. ಈ ಮೊತ್ತವನ್ನು ಗಳಿಸಲು ಕೆಜಿಎಫ್ 2 ಚಿತ್ರಕ್ಕೆ ಈ ವಾರಾಂತ್ಯ ಸಾಕು. ಈ ಮೊತ್ತ ಕಷ್ಟಕರವೂ ಅಲ್ಲ. ಹಾಗಾಗಿ ಕೆಜಿಎಫ್ 2, 1500 ಕೋಟಿ ಕ್ಲಬ್ ಸೇರೋದು ಯಾವಾಗ ಎನ್ನುವ ನಿರೀಕ್ಷೆ ಮೂಡಿದೆ.

ಕೆಜಿಎಫ್ 2ಗೆ ಠಕ್ಕರ್ ಕೊಡೋರೆ ಇಲ್ಲ!

ಕೆಜಿಎಫ್ 2 ಸಿನಿಮಾ ರಿಲೀಸ್ ಬಳಿಕ ಅಂತಹ ದೊಡ್ಡ ಸಿನಿಮಾಗಳು ರಿಲೀಸ್ ಅಗಿಲ್ಲ. ರಿಲೀಸ್ ಆದರೂ ಕೆಜಿಎಫ್ 2 ಗೆ ಠಕ್ಕರ್ ಕೊಡಲು ಸಾಧ್ಯವಾಗಿಲ್ಲ. ಈ ಹಿಂದೆ ತೆರೆಕಂಡ ಬಾಲಿವುಡ್‌ 'ರನ್ ವೇ 34', 'ಹೀರೋ ಪಂತಿ 2' ಚಿತ್ರಗಳ ರಿಲೀಸ್ ಕೆಜಿಎಫ್ ಚಿತ್ರದ ಗಳಿಕೆಗೆ ಅಡ್ಡಿ ಆಗಿಲ್ಲ. ಈಗ ತೆಲುಗಿನ 'ಸರ್ಕಾರು ವಾರಿ ಪಾಟ' ಮತ್ತು ಹಿಂದಿಯ 'ಜಯೇಶ್ ಬಾಯ್ ಜೋರ್ದಾರ್' ಸಿನಿಮಾಗಳು ರಿಲೀಸ್ ಆಗಿವೆ. ಇದರಿಂದ ತೆಲುಗು ಬೆಲ್ಟ್‌ನಲ್ಲಿ ಕೊಂಚ ಎಫೆಕ್ಟ್ ಆಗುವ ಸಾಧ್ಯತೆ ಬಿಟ್ಟರೆ. ಒಟ್ಟಾರೆ ಗಳಿಕೆ ಮೇಲೆ ಯಾವ ಪ್ರಭಾವವೂ ಬೀರಲೂ ಸಾಧ್ಯವಿಲ್ಲ.

ಮಹೇಶ್ ಬಾಬು ಚಿತ್ರದಿಂದ 'ಕೆಜಿಎಫ್ 2'ಗೆ ಸಂಕಷ್ಟ!

ಈ ವಾರ ರಿಲೀಸ್ ಆಗಿರುವ ಮಹೇಶ್ ಬಾಬು ಅಭಿನಯದ 'ಸರ್ಕಾರು ವಾರಿ ಪಾಟ' ಸಿನಿಮಾ 'ಕೆಜಿಎಫ್ 2' ಗಳಿಕೆ ಮೇಲೆ ಪರಿಣಾಮ ಬೀರ ಬಹುದು ಎನ್ನಲಾಗಿದೆ. ಹಾಗಾಗಿ ಈ ಚಿತ್ರದಿಂದ ಕೆಜಿಎಫ್ 2 ಮೇಲೆ ಕೊಂಚ ಪರಿಣಾಮ ಆದರೂ, 1500 ಕೋಟಿಯನ್ನು ಕೆಜಿಎಫ್ 2 ಗಳಿಕೆ ಮಾಡುವ ನಿರೀಕ್ಷೆ ಇದೆ.