ನೂರು ಕೋಟಿ ಕ್ಲಬ್ ಗೆ 'ಕೆಜಿಎಫ್': ಎಲ್ಲಿಂದ ಎಷ್ಟು ಹಣ ಬಂತು.?

ಕನ್ನಡ ಭಾಷೆಯ ಚಿತ್ರ ಎಷ್ಟು ಗಳಿಸಿದೆ

ಕೆಜಿಎಫ್ ಮೂಲತಃ ಕನ್ನಡ ಸಿನಿಮಾ. ಕನ್ನಡದಲ್ಲಿ ತಾಯಾರಾಗಿದ್ದ ಈ ಚಿತ್ರದ ಮೊದಲ ಭಾರಿಗೆ ಪರಭಾಷೆಯಲ್ಲಿ ಡಬ್ ಆಗಿದೆ. ಹಾಗಾಗಿ, ಕನ್ನಡ ಬಾಕ್ಸ್ ಆಫೀಸ್ ಈ ಚಿತ್ರಕ್ಕೆ ಮುಖ್ಯ. ನಿರೀಕ್ಷೆಗೆ ತಕ್ಕಂತೆ ಕನ್ನಡ ಭಾಷೆಯ ಸಿನಿಮಾವೇ ಅತಿ ಹೆಚ್ಚು ಗಳಿಕೆ ಕಂಡಿದೆ. ಸದ್ಯದ ಮಾಹಿತಿ ಪ್ರಕಾರ, ಕೆಜಿಎಫ್ ಸಿನಿಮಾ ಕನ್ನಡ ಭಾಷೆಯಲ್ಲಿ 62 ಕೋಟಿ ಗಳಿಸಿದೆಯಂತೆ.

ತೆಲುಗಿನಲ್ಲಿ ಎಷ್ಟು ಬಾಚಿಕೊಂಡಿದೆ

ಕನ್ನಡ ಬಿಟ್ಟರೇ, ತೆಲುಗಿನಲ್ಲಿ ಕೆಜಿಎಫ್ ಸಿನಿಮಾದ ಕ್ರೇಜ್ ಹೆಚ್ಚಿತ್ತು. ಅದರಂತೆ ಸಿನಿಮಾ ಬಿಡುಗಡೆ ಆದ್ಮೇಲೆ ತೆಲುಗು ಜನ ಚಿತ್ರವನ್ನ ಸ್ವೀಕರಿಸಿದರು. ಅದರ ಪರಿಣಾಮ ಟಾಲಿವುಡ್ ಬಾಕ್ಸ್ ಆಫೀಸ್ ನಲ್ಲೂ ಕೆಜಿಎಫ್ ಕಮಾಲ್ ಮಾಡಿದೆ. ತೆಲುಗಿನಲ್ಲಿ ಕೆಜಿಎಫ್ ಸಿನಿಮಾ 7.3 ಕೋಟಿ ಕಲೆಕ್ಷನ್ ಮಾಡಿದೆಯಂತೆ.

ಕೇರಳದಲ್ಲಿ ಅತಿ ಕಡಿಮೆ

ಕೆಜಿಎಫ್ ಚಿತ್ರದ ಗಳಿಕೆಯಲ್ಲಿ ಕೇರಳ ರಾಜ್ಯ ಕೊನೆಯಲ್ಲಿದೆ. ಸುಮಾರು 60 ಸ್ಕ್ರೀನ್ ನಲ್ಲಿ ಮಲಯಾಳಂ ಸಿನಿಮಾ ಬಿಡುಗಡೆಯಾಗಿತ್ತು. ಹಾಗಾಗಿ, ಕೇರಳದಲ್ಲಿ ಕೇವಲ 1.6 ಕೋಟಿ ಗಳಿಕೆ ಕಂಡಿದೆಯಂತೆ.

ತಮಿಳುನಾಡಿನಲ್ಲಿ ಸಾಧಾರಣ

ಇನ್ನು ತಮಿಳಿನಾಡಿನಲ್ಲಿ ವಿಶಾಲ್ ಫಿಲಂ ಫ್ಯಾಕ್ಟರಿ ಕೆಜಿಎಫ್ ಚಿತ್ರವನ್ನ ವಿತರಣೆ ಮಾಡಿತ್ತು. ಮೊದಲ ದಿನ ಸುಮಾರು 100 ಸ್ಕ್ರೀನ್ ನಲ್ಲಿ ಸಿನಿಮಾ ರಿಲೀಸ್ ಆಗಿತ್ತು. ನಂತರ ಚಿತ್ರದ ರೆಸ್ಪಾನ್ಸ್ ನೋಡಿ ಮೂರು ಪಟ್ಟು ಸ್ಕ್ರೀನ್ಸ್ ಹೆಚ್ಚಾಗಿತ್ತು. ಇದೀಗ, ತಮಿಳುನಾಡಿನಲ್ಲಿ 4.5 ಕೋಟಿ ಗಳಿಕೆ ಕಂಡಿದೆ.

ಹೊರರಾಜ್ಯ ಮತ್ತು ಹೊರದೇಶಗಳಲ್ಲಿ.?

ಇನ್ನುಳಿದಂತೆ ದೇಶದ ಇತರೆ ಭಾಗಗಳಲ್ಲಿ ಕೆಜಿಎಫ್ ಸಿನಿಮಾದ ಕಲೆಕ್ಷನ್ 22 ಕೋಟಿ ಆಗಿದೆಯಂತೆ. ಇದರಲ್ಲಿ ಹಿಂದಿ ಕೆಜಿಎಫ್ ಚಿತ್ರ ಗಳಿಕೆಯೂ ಸೇರಿದೆ. ಹಿಂದಿ ವರ್ಷನ್ ನಲ್ಲಿ ಕೆಜಿಎಫ್ ಸಿನಿಮಾ ಐದು ದಿನಗಳಲ್ಲಿ 16.45 ಕೋಟಿ ಗಳಿಸಿದೆ. ಇನ್ನು ಯುಎಸ್, ಕೆನಡಾ, ಆಸ್ಟ್ರೇಲಿಯಾ ಸೇರಿದಂತೆ ಹೊರದೇಶದಲ್ಲಿ 4.5 ಕೋಟಿ ಬಾಚಿದೆ. ಇದೆಲ್ಲ ಸೇರಿ ಕೆಜಿಎಫ್ ನೂರು ಕೋಟಿ ಆಗಿದೆಯಂತೆ.