ರಾಕಿ ಭಾಯ್ ಎಷ್ಟು ಕೋಟಿಯ ಒಡೆಯ? ಯಶ್ ಬಳಿ ಬಂಗಲೆ, ಕಾರು, ತೋಟ ಏನೇನಿದೆ?

'ಕೆಜಿಎಫ್' ಬಳಿಕ ಯಶ್ ಸಂಭಾವನೆ ಎಷ್ಟು?

'ಕೆಜಿಎಫ್' ಸಿನಿಮಾ ಯಶಸ್ಸಿನ ಬಳಿಕ ರಾಕಿ ಭಾಯ್ ರೇಂಜ್ ಬದಲಾಗಿದೆ. ದೊಡ್ಡ ದೊಡ್ಡ ನಿರ್ಮಾಣ ಸಂಸ್ಥೆಗಳು ಯಶ್‌ಗಾಗಿ ಕ್ಯೂ ನಿಂತಿದ್ದೂ ಇದೆ. ಆದರೆ, 'ಕೆಜಿಎಫ್' ಯಶಸ್ಸಿನ ಬಳಿಕವೇ ಸಂಭಾವನೆಯನ್ನು ಹೆಚ್ಚಿಕೊಂಡಿದ್ದಾರೆ ಅನ್ನೊ ಮಾತು ಚಿತ್ರರಂಗದಲ್ಲಿ ಕೇಳಿಬರುತ್ತಿವೆ. 'ಕೆಜಿಎಫ್ 2' ಯಶ್ ಬರೋಬ್ಬರಿ 30 ಕೋಟಿ ರೂ. ಸಂಭಾವನೆ ಹಾಗೂ ಲಾಭದಲ್ಲಿ ಶೇರ್ ಮಾಡಿದ್ದರು ಎಂದು ಝೂಮ್ ವರದಿ ಮಾಡಿದೆ. ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಸ್ವತ: ಯಶ್ ನಾನು 'ಕೆಜಿಎಫ್' ನಿರ್ಮಾಪಕ ಎಂದಿದ್ದರು.

4 ಕೋಟಿ ರೂ. ದುಬಾರಿ ಫ್ಲ್ಯಾಟ್

ರಾಕಿಂಗ್ ಸ್ಟಾರ್ ಯಶ್ ಬೆಂಗಳೂರಿನ ವಿಂಡ್ಸರ್ ಮ್ಯಾನರ್ ಸಮೀಪ ಡ್ಯೂಪ್ಲೆಕ್ಸ್ ಫ್ಲ್ಯಾಟ್ ಅನ್ನು ಖರೀದಿ ಮಾಡಿದ್ದಾರೆ. ಇತ್ತೀಚೆಗಷ್ಟೇ ಆ ಫ್ಲ್ಯಾಟ್‌ನ ಗೃಹಪ್ರವೇಶ ಕೂಡ ನಡೆದಿತ್ತು. ಈ ಡ್ಯೂಪ್ಲೆಕ್ಸ್ ಫ್ಲ್ಯಾಟ್‌ನ ಬೆಲೆ ಬರೋಬ್ಬರಿ 4 ಕೋಟಿ ರೂ. ಎಂದು ಜಿಕ್ಯೂ ಇಂಡಿಯಾ ವರದಿ ಮಾಡಿದೆ. ಹಲವು ಐಶಾರಾಮಿ ಸವಲತ್ತು ಈ ಫ್ಲ್ಯಾಟ್‌ನಲ್ಲಿ ಇದೆ ಎಂದು ಹೇಳಾಗಿದ್ದಾರೆ. 'ಕೆಜಿಎಫ್' ಸಿನಿಮಾ ಬಳಿಕ ಖರೀದಿ ಮಾಡಿದ್ದಾರೆ.

ಎಲ್ಲೆಲ್ಲಿ ಏನೇನಿದೆ?

ಬೆಂಗಳೂರಿನಲ್ಲಿ ಯಶ್ ಬೇರೆ ಬೇರೆ ಕಡೆ ಮನಯಿದೆ. ಪಿಇಎಸ್ ಕಾಲೇಜು ಸಮೀಪ ಭವ್ಯ ಬಂಗಲೆಯಿದೆ. ಇದರಲ್ಲಿ ಅವರ ತಂದೆ-ತಾಯಿ ವಾಸವಿದ್ದಾರೆ. 'ರಾಜಹುಲಿ' ಗೆದ್ದ ಸಂದರ್ಭದಲ್ಲಿ ಈ ಮನೆಯನ್ನು ಯಶ್ ಖರೀದಿ ಮಾಡಿದ್ದರು ಅನ್ನೋ ಮಾತು ಕೇಳಿಬಂದಿತ್ತು. ಹಾಗೇ ಹಾಸನದ ತಿಮ್ಮಲಾಪುರ ಸಮೀಪ ಯಶ್ ಜಮೀನನ್ನು ಖರೀದಿ ಮಾಡಿದ್ದು, ಅವರ ತಂದೆ-ತಾಯಿ ನೋಡಿಕೊಳ್ಳುತ್ತಿದ್ದಾರೆ.

ಒಟ್ಟು ಆಸ್ತಿ ಎಷ್ಟು?

ಯಶ್ ಹಲವು ಐಶಾರಾಮಿ ಕಾರುಗಳಿವೆ. ಮರ್ಸಿಡೀಸ್ ಬೆಜ್ಜ್‌ನಿಂದ ಹಿಡಿದು ಔಡಿ, ಬಿಎಂಡಬ್ಲ್ಯೂ ಸೇರಿದಂತೆ ಹಲವು ದುಬಾರಿ ಕಾರುಗಳು ರಾಕಿ ಭಾಯ್ ಬಳಿ ಇವೆ. ಪ್ರತಿಯೊಂದು ಜಾಹೀರಾತಿಗೂ ಯಶ್ 60 ರಿಂದ 70 ಲಕ್ಷ ಸಂಭಾವನೆ ಪಡೆಯುತ್ತಾರೆ. ಕೆಜಿಎಫ್ ಚಾಪ್ಟರ್ 1 ವರೆಗೆ ಯಶ್ ಒಟ್ಟು ಆಸ್ತಿ 53 ಕೋಟಿ ರೂ. ಎನ್ನಲಾಗಿತ್ತು. 'ಕೆಜಿಎಫ್ 2' ಬಳಿಕ ಇದು ಗಣನೀಯವಾಗಿ ಹೆಚ್ಚಾಗಿರುವ ಸಾಧ್ಯತೆಯಿದೆ ಎಂದು ಬಾಲಿವುಡ್‌ ವೆಬ್‌ಸ್ಟೈಟ್‌ಗಳು ವರದಿ ಮಾಡಿದೆ.