ಕೆಜಿಎಫ್ vs ಕೆಜಿಎಫ್: ಕನ್ನಡಕ್ಕಿಂತ ಪರಭಾಷೆಯಲ್ಲೇ ವೀವ್ಸ್ ಜಾಸ್ತಿ

ಟ್ರೆಂಡಿಂಗ್ ನಲ್ಲಿ ತೆಲುಗು ಕೆಜಿಎಫ್

ಕೆಜಿಎಫ್ ತೆಲುಗು ಟ್ರೈಲರ್ ಯೂಟ್ಯೂಬ್ ಟ್ರೆಂಡಿಂಗ್ ನಲ್ಲಿ ನಂಬರ್ ವನ್ ಸ್ಥಾನದಲ್ಲಿದೆ. ಆದ್ರೆ, ವೀವ್ಸ್ ನಲ್ಲಿ ಹಿಂದೆ ಇದೆ. 25.5 ಲಕ್ಷ ಮಂದಿ ತೆಲುಗು ಕೆಜಿಎಫ್ ಟ್ರೈಲರ್ ನೋಡಿದ್ದಾರೆ. 1.2 ಲಕ್ಷ ಲೈಕ್ಸ್ ಬಂದಿದ್ದರೇ, 3.3 ಸಾವಿರ ಡಿಸ್ ಲೈಕ್ಸ್ ಬಂದಿದೆ.

ಮೊದಲ ಸ್ಥಾನದಲ್ಲಿ ಹಿಂದಿ

ಟಾಪ್ ಟ್ರೆಂಡಿಂಗ್ ನಲ್ಲಿ ಸ್ಥಾನ ಪಡೆಯದಿದ್ದರೂ ಅತಿ ಹೆಚ್ಚು ವೀಕ್ಷಕರನ್ನ ಹೊಂದಿರುವುದು ಹಿಂದಿ ಟ್ರೈಲರ್. 58.1 ಲಕ್ಷ ವೀಕ್ಷಕರನ್ನ ಹಿಂದಿ ಕೆಜಿಎಫ್ ಟ್ರೈಲರ್ ಹೊಂದಿದೆ. ಇದರಲ್ಲಿ 65 ಸಾವಿರ ಲೈಕ್ಸ್ ಮತ್ತು 2.3 ಸಾವಿರ ಡಿಸ್ ಲೈಕ್ಸ್ ಕೂಡ ಇದೆ.

ಎರಡನೇ ಸ್ಥಾನದಲ್ಲಿ ಕನ್ನಡ ಕೆಜಿಎಫ್

ಹಿಂದಿ ಬಿಟ್ಟರೇ ಅತಿ ವೀಕ್ಷಕರನ್ನ ಹೊಂದಿರುವುದು ಕನ್ನಡ ಟ್ರೈಲರ್. 52.3 ಲಕ್ಷ ವೀಕ್ಷಕರ ಸಂಖ್ಯೆಯನ್ನ ಹೊಂದಿರುವ ಕನ್ನಡ ಕೆಜಿಎಫ್ ಟ್ರೈಲರ್, 24 ಸಾವಿರ ಲೈಕ್ಸ್ ಹೊಂದಿದೆ. ಮತ್ತು 9.9 ಸಾವಿರ ಡಿಸ್ ಲೈಕ್ಸ್ ಪಡೆದುಕೊಂಡಿದೆ.

ತಮಿಳಿನಲ್ಲಿ ಸ್ವಲ್ಪ ಕಮ್ಮಿ ಇದೆ

ತೆಲುಗು, ಕನ್ನಡ, ಹಿಂದಿಗೆ ಹೋಲಿಸಿಕೊಂಡರೇ ತಮಿಳಿನಲ್ಲಿ ಕೆಜಿಎಫ್ ಹವಾ ಯೂಟ್ಯೂಬ್ ನಲ್ಲಿ ಸ್ವಲ್ಪ ಕಮ್ಮಿ ಇದೆ. ಸದ್ಯಕ್ಕೆ 6.8 ಲಕ್ಷ ವೀಕ್ಷಕರನ್ನ ಹೊಂದಿರುವ ತಮಿಳು ಕೆಜಿಎಫ್ 44 ಸಾವಿರ ಲೈಕ್ಸ್ ಹೊಂದಿದೆ. ಹಾಗೂ ಕೇವಲ 948 ಡಿಸ್ ಲೈಕ್ಸ್ ಪಡೆದುಕೊಂಡಿದೆ.

ಕೊನೆಯಲ್ಲಿ ಮಲಯಾಳಂ

ಉಳಿದ ಎಲ್ಲ ಭಾಷೆಗಳಿಗೂ ಹೋಲಿಸಿಕೊಂಡರೇ ಮಲಯಾಳಂನಲ್ಲಿ ಕೆಜಿಎಫ್ ಹವಾ ಕಮ್ಮಿ ಇದೆ. 4.9 ಲಕ್ಷ ವೀಕ್ಷಕರನ್ನ ಹೊಂದಿರುವ ಮಲಯಾಳಂ ಕೆಜಿಎಫ್ 37 ಸಾವಿರ ಲೈಕ್ಸ್ ಹೊಂದಿದೆ ಮತ್ತು 867 ಡಿಸ್ ಲೈಕ್ಸ್ ಪಡೆದುಕೊಂಡಿದೆ. ಈ ಮೂಲಕ ಕೆಜಿಎಫ್ ರೇಸ್ ನಲ್ಲಿ ಮಲಯಾಳಂ ಕೊನೆಯ ಸ್ಥಾನದಲ್ಲಿದೆ.