ಕಿಚ್ಚನ ಬಳಿ ಇರೋ ಕಾರ್-ಬೈಕ್ ಗಳ ಕಂಪ್ಲೀಟ್ ಮಾಹಿತಿ

ಸುದೀಪ್ ಬಳಿ ಇವೆ ಕಾರ್ ಗಳು

ಕಿಚ್ಚ ಸುದೀಪ್ ಅವರಿಗೆ ಕಾರ್ ಗಳು ಎಂದರೆ ತುಂಬಾ ಇಷ್ಟ ಎನ್ನುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಮನೆಯ ಶೋಕೇಸ್ ನಲ್ಲಿಯೇ ಪುಟ್ಟ ಪುಟ್ಟ ಕಾರ್ ಗಳನ್ನ ಇಟ್ಟುಕೊಂಡಿರುವುದನ್ನ ಸಾಕಷ್ಟು ಜನರು ನೋಡಿರುತ್ತಾರೆ. ಅದರಂತೆಯೇ ದೊಡ್ಡ ಕಾರ್ ಗಳು ಹೆಚ್ಚಾಗಿಯೇ ಇದೆ ಕಿಚ್ಚನ ಬಳಿ.

ಏಳು ಕಾರ್ ಗಳ ಸರದಾರ

ಅಭಿನಯದ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಬಳಿ ಏಳು ಕಾರ್ ಗಳಿವೆ. ಜಾಗ್ವಾರ್, ಬಿ ಎಂ ಡಬ್ಲ್ಯೂ, ಲ್ಯಾಂಡ್ ರೋವರ್ , ಫೋರ್ಡ್, ಮಿನಿ ಕೂಪರ್ , ಆಡಿ, ಇನೋವಾ ಕಾರ್ ಗಳನ್ನ ಸುದೀಪ್ ಬಳಸುತ್ತಾರೆ.

ಸುದೀಪ್ ಬಳಿ ಇದೆ ಫೇವರೆಟ್ ಬೈಕ್ಸ್

ತನಗಿಷ್ಟವಾದ ಕಂಪನಿಯ ಕಾರ್ ಗಳನ್ನ ಖರೀದಿ ಮಾಡಿರುವ ಸುದೀಪ್ ಬಳಿ ಬೈಕ್ ಗಳು ಇವೆ. ಮನಸ್ಸಿಗೆ ಇಷ್ಟವಾಗಿರುವ ಆಯ್ದ ಬೈಕ್ ಗಳು ಮಾತ್ರ ಕಿಚ್ಚನ ಮನೆಯಲ್ಲಿ ಸ್ಥಾನ ಪಡೆದುಕೊಂಡಿವೆ. ಹಾರ್ಲೆ ಡೇವಿಡ್ಸನ್, ಬುಲೆಟ್, ಯಮಹಾ 100 ಇವುಗಳ ಸಾಲಿಗೆ ಹೊಸ ಸೇರ್ಪಡೆ ಬಿ ಎಂ ಡಬ್ಲ್ಯೂ ಬೈಕ್.

ಸುದೀಪ್ ಬಳಿ ಇದೆ ಸೈಕಲ್

ಕಾರ್, ಬೈಕ್ ಗಳನ್ನ ಮಾತ್ರವಲ್ಲದೆ ಸುದೀಪ್ ಸೈಕಲ್ ಸವಾರಿಯನ್ನೂ ಮಾಡುತ್ತಾರೆ. ಏಳು ಕಾರ್ ಮತ್ತು ಬೈಕ್ ಗಳ ಜೊತೆಯಲ್ಲಿ ಒಂದು ಸೈಕಲ್ ಕೂಡ ಇದೆ. ಆಗಾಗ ಮಾತ್ರ ಸೈಕಲ್ ಹತ್ತಿ ಓಡಾಡುತ್ತಾರೆ ಸುದೀಪ್.