For Quick Alerts
    ALLOW NOTIFICATIONS  
    For Daily Alerts

    ವರದನಾಯಕ ಪೋಸ್ಟರಿನಲ್ಲಿ 'ಒನ್ ಅಂಡ್ ಓನ್ಲಿ' ಸುದೀಪ್!

    |

    ಎಲ್ಲಿ ನೋಡಿದರೂ ಕಿಚ್ಚ ಸುದೀಪ್ ಇರುವ 'ವರದನಾಯಕ' ಪೋಸ್ಟರ್ ಕಂಡುಬರುತ್ತಿದೆ. 'ವರದನಾಯಕ' ಚಿತ್ರವು ಸುದೀಪ್ ನಾಯಕತ್ವದ ಚಿತ್ರವೇ ಇರಬೇಕು ಎಂದುಕೊಳ್ಳುವಷ್ಟರ ಮಟ್ಟಿಗೆ ಈ ಚಿತ್ರದ ಪೋಸ್ಟರ್ ಕೇವಲ ಸುದೀಪ್ ಮಯವಾಗಿದೆ. ಆದರೆ ವಾಸ್ತವದಲ್ಲಿ, ಚಿತ್ರ ಪ್ರಾರಂಭವಾದಾಗಿನ ಮಾಹಿತಿಯಂತೆ ಈ'ವರದನಾಯಕ' ಚಿತ್ರದ ನಾಯಕ ಸುದೀಪ್ ಅವರಲ್ಲ, ಚಿರಂಜೀವಿ ಸರ್ಜಾ. ಚಿತ್ರದಲ್ಲಿ ಸುದೀಪ್ ನಾಯಕ ಚಿರು ಅಣ್ಣನ ಪಾತ್ರಧಾರಿ.

    'ವರದನಾಯಕ'ಚಿತ್ರದಲ್ಲಿ ನಾಯಕ ಚಿರಂಜೀವಿ ಸರ್ಜಾರಿಗೆ ನಾಯಕಿಯಾಗಿ ನಿಕೇಶಾ ಪಟೇಲ್ ಅಭಿನಯಿಸಿದ್ದಾರೆ. ಕಿಚ್ಚ ಸುದೀಪ್ ಅವರಿಗೆ ನಾಯಕಿಯಾಗಿ ದಕ್ಷಿಣ ಭಾರತದ ಹೆಸರಾಂತ ನಟಿ ಸಮೀರಾ ರೆಡ್ಡಿ ನಟಿಸಿದ್ದಾರೆ. ಆದರೆ 'ವರದನಾಯಕ' ಚಿತ್ರಕ್ಕೆ ಸುದೀಪ್ ಹಾಗೂ ಸಮೀರಾ ರೆಡ್ಡಿ ಅವರೇ ಪ್ರಚಾರ ಹಾಗೂ ಬಿಸಿನೆಸ್ ದೃಷ್ಟಿಯಿಂದ ಮುಖ್ಯ ಎಂಬುದು ಸತ್ಯ. ಸುದೀಪ್ ಅವರನ್ನೇ ಪ್ರಚಾರದಲ್ಲಿ ಬಳಸಿಕೊಂಡು ಚಿತ್ರ ತೆರೆಗೆ ಬರುತ್ತಿದೆ, ಯಶಸ್ಸಿಗಾಗಿ ಕಾಯುತ್ತಿದೆ.

    ಸುದೀಪ್ ನಟಿಸಿರುವುದರಂತ ಚಿತ್ರಕ್ಕೆ ಬಿಡುಗಡೆಗೆ ಮೊದಲೇ ಸಾಕಷ್ಟು ಲಾಭವಾಗಿದೆ. ಈಗಾಗಲೇ ಚಿತ್ರದ ವಿತರಣೆ ಹಕ್ಕುಗಳು ಭಾರೀ ಮೊತ್ತಕ್ಕೆ ಮಾರಾಟವಾಗಿವೆ. ಬಿಕೆಟಿ ವಲಯದಲ್ಲಿ ರು. 3.5 ಕೋಟಿಗೆ ಮಾರಾಟವಾಗಿರುವ 'ವರದನಾಯಕ', ಇನ್ನೂ ಕೆಲವು ಕಡೆಯ ವಿತರಣೆ ಹಕ್ಕುಗಳಿಂದ ಸುಮಾರು ರು. 5 ಕೋಟಿ ಗಳಿಸಿದೆ. ಇಷ್ಟೇ ಅಲ್ಲ, ಚಿತ್ರದ ಸ್ಯಾಟಲೈಟ್ ಹಕ್ಕುಗಳು ರು. 2.25 ಕೋಟಿಗೆ ಮಾರಾಟವಾಗಿದೆ.

    ಅಂದರೆ ಸರಿಸುಮಾರು ರು. 11 ಕೋಟಿಗಳಷ್ಟು ಮೊತ್ತವನ್ನು ಬಿಡುಗಡೆಗೆ ಮೊದಲೇ 'ವರದನಾಯಕ' ಚಿತ್ರ ಬಾಚಿಕೊಂಡಿದೆ. ಇನ್ನೂ ಸಾಕಷ್ಟು ಏರಿಯಾಗಳ ವಿತರಣೆ ಹಕ್ಕನ್ನು ನಿರ್ಮಾಪಕ ಶಂಕರೇಗೌಡರು ಉಳಿಸಿಕೊಂಡಿದ್ದಾರೆ. ಅವು ಬಿಡುಗಡೆಗೆ ಮುನ್ನ ಅಥವಾ ಬಿಡುಗಡೆ ನಂತರ ಅವರ ಜೇಬು ತುಂಬಿಸುವುದು ಗ್ಯಾರಂಟಿ. ಈ ಎಲ್ಲಾ ಬೆಳವಣಿಗೆಗೆ ಕಾರಣ 'ಒನ್ ಅಂಡ್ ಓನ್ಲಿ' ಸುದೀಪ್ ಎಂಬುದು ಯಾರಿಗಾದರೂ ಅರ್ಥವಾಗುವ ಸಂಗತಿ. (ಒನ್ ಇಂಡಿಯಾ ಕನ್ನಡ)

    English summary
    Kichcha Sudeep acted in Kannada movie Varadanayaka as everybody knows. He is not the Hero of this movie and Chiranjeevi Sarja and Nikesh Patel are in Lead Role. But, Sudeep is highlighing in Varadanayaka movie Posters in everywhere because of his great popularity. 
 

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X