ಅಂತಾರಾಷ್ಟ್ರೀಯ ಚಿತ್ರೋತ್ಸವಕ್ಕೆ ಸಂಗೊಳ್ಳಿ ರಾಯಣ್ಣ

ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ

ಗುರುವಾರ (ಡಿಸೆಂಬರ್ 20) 5ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ (BIFFES-5) ಸನ್ಮಾನ್ಯ ಮುಖ್ಯಮಂತ್ರಿಗಳಾದ ಜಗದೀಶ್ ಶೆಟ್ಟರ್ ಅವರು ಚಾಲನೆ ನೀಡಿದರು. ಈ ಬಾರಿಯ ಚಲನಚಿತ್ರೋತ್ಸವದಲ್ಲಿ 50ಕ್ಕೂ ಹೆಚ್ಚು ದೇಶಗಳ 140 ಚಿತ್ರಗಳು ಪ್ರದರ್ಶನ ಕಾಣುತ್ತಿವೆ.

ಈ ಬಾರಿಯ ಚಿತ್ರೋತ್ಸವಕ್ಕೆ ಕರ್ನಾಟಕ ಸರ್ಕಾರ ರು.2 ಕೋಟಿ ಹವಣವನ್ನು ಬಿಡುಗಡೆ ಮಾಡಿದೆ. ಡಿಸೆಂಬರ್ 20ರಿಂದ 27ರವರೆಗೆ ಚಿತ್ರೋತ್ಸವ ನಡೆಯಲಿದೆ. ಇದರ ಜೊತೆಗೆ ಸೆಮಿನಾರ್ ಗಳು, ಆಸಕ್ತರಿಗೆ ತರಗತಿಗಳು, ಸಿನಿಮಾ ಬಗ್ಗೆ ಚರ್ಚೆ, ಸಂವಾದ ವಿವಿಧ ಚಟುವಟಿಕೆಗಳು ನಡೆಯಲಿವೆ.

ಈ ಬಾರಿಯ ಚಿತೋತ್ಸವದಲ್ಲಿ 'ಸಂಗೊಳ್ಳಿ ರಾಯಣ್ಣ' ಚಿತ್ರದ ಜೊತೆಗೆ ಕೂರ್ಮಾವತಾರ, ನರಸಜ್ಜನ ನರ್ಸರಿ, ಪ್ರಸಾದ್, ಕಂಸಾಳೆ ಕೈಸಾಳೆ, ಶಿಕಾರಿ, ಬಾಲ್ ಪೆನ್ (ಚಿತ್ರವಿಮರ್ಶೆ ಓದಿ), ಭಾಗೀರತಿ, ಒಲವಿನ ಓಲೆ ಚಿತ್ರಗಳು ಪ್ರದರ್ಶನ ಕಾಣುತ್ತಿವೆ. ಇದರ ಜೊತೆಗೆ ಕೊಂಕಣಿ, ತುಳು ಚಿತ್ರಗಳು ಪ್ರದರ್ಶನ ಕಾಣುತ್ತಿವೆ. (ಏಜೆನ್ಸೀಸ್)