ಮುಖಪುಟ

ಸಿನಿ ಸಮಾಚಾರ

ಕುಮಾರ್ ಗೋವಿಂದ್, ರಮೇಶ್ ಅರವಿಂದ್ ಹಾಗೂ ಸುಧಾರಾಣಿ ನಟನೆಯಲ್ಲಿ ಮೂಡಿಬಂದಿದ್ದ ಸೂಪರ್ ಹಿಟ್ ಚಿತ್ರ 'ಅನುರಾಗ ಸಂಗಮ' ಬಿಡುಗಡೆಯಾಗಿ 25 ವರ್ಷ ಕಳೆದಿದೆ.

ಸ್ಯಾಂಡಲ್‌ವುಡ್‌ನಲ್ಲಿ 25 ವರ್ಷ ಪೂರೈಸಿದ ಹಿಟ್ ಚಿತ್ರವನ್ನು ಸ್ಮರಿಸುವ ಸಮಯ ಇದಾಗಿದೆ. ಈ ಸಿನಿಮಾದಿಂದ ನಟ ಕುಮಾರ್ ಗೋವಿಂದ್‌ ಹಾಗೂ ರಮೇಶ್ ಅರವಿಂದ್‌ಗೆ ಒಳ್ಳೆಯ ಹೆಸರು ಸಹ ಸಿಕ್ತು.

ಈ ವಾರ ಸ್ಯಾಂಡಲ್‌ವುಡ್‌ನಲ್ಲಿ ಎರಡು ಸಿನಿಮಾ ಬಿಡುಗಡೆ!

ಕನ್ನಡದ 'ಅನುರಾಗ ಸಂಗಮ' ಸಿನಿಮಾ ಚಾರ್ಲಿ ಚಾಪ್ಲಿನ್ ನಟಿಸಿದ್ದ 'ಸಿಟಿ ಲೈಟ್ಸ್' ಚಿತ್ರದಿಂದ ಸ್ಫೂರ್ತಿಗೊಂಡು ತಯಾರಾಗಿತ್ತು. 1995ರಲ್ಲಿ ತೆರೆಕಂಡ ಈ ಸಿನಿಮಾ ಬಳಿಕ ತೆಲುಗಿನಲ್ಲಿ (1997) ಪೆಳ್ಳಿ ಪೆಂಡರಿ, ತಮಿಳಿನಲ್ಲಿ (1999) 'ನಿಲವೇ ಮುಗಂ ಕಾಟು' ಎಂಬ ಹೆಸರಿನಲ್ಲಿ ಬಿಡುಗಡೆಯಾದವು.

ವಿ ಮನೋಹರ್ ಸಂಗೀತ ನಿರ್ದೇಶನದಲ್ಲಿ ಬಂದಿದ್ದ ಹಾಡುಗಳು ಸಹ ಸೂಪರ್ ಹಿಟ್ ಆಗಿತ್ತು. ಚಿತ್ರದ ಮೂರು ಹಾಡನ್ನು ಎಸ್‌ಪಿ ಬಾಲಸುಬ್ರಹ್ಮಣ್ಯಂ ಹಾಡಿದ್ದರು. ಈ ಚಿತ್ರ ಮ್ಯೂಸಿಕಲ್ ಹಿಟ್ ಎಂದೇ ಪರಿಗಣಿಸಲಾಗಿದೆ.

ಡಿ ಗೋವಿಂದಪ್ಪ ನಿರ್ಮಾಣ ಮಾಡಿದ್ದ ಈ ಚಿತ್ರದಲ್ಲಿ ಬಿ ಸರೋಜಾದೇವಿ, ಟೆನ್ನಿಸ್ ಕೃಷ್ಣ, ಬ್ಯಾಂಕ್ ಜನಾರ್ಧನ್, ವಿ ಮನೋಹರ್ ಸಹ ನಟಿಸಿದ್ದರು. ಸುಂದರ್ ನಾಥ್ ಸುವರ್ಣ ಅವರ ಛಾಯಾಗ್ರಹಣ ಹಾಗೂ ಪ್ರಸಾದ್ ಅವರ ಸಂಕಲನವಿತ್ತು.