ಕುರುಕ್ಷೇತ್ರದಲ್ಲಿ ನಿಖಿಲ್ ಕುಮಾರ್ ಬಗ್ಗೆ ಈಗಲೂ ಕಾಡ್ತಿದೆ ಗೊಂದಲ.!

ನಿಖಿಲ್ ಕುಮಾರ್ ಡಬ್ ಮಾಡಿಲ್ಲ.!

ಕುರುಕ್ಷೇತ್ರ ಚಿತ್ರದ ಟ್ರೈಲರ್ ನೋಡಿದ್ಮೇಲೆ ಒಂದಂತೂ ಪಕ್ಕಾ ಆಯ್ತು. ಅಭಿಮನ್ಯು ಪಾತ್ರದಲ್ಲಿ ನಟಿಸಿರುವ ನಿಖಿಲ್ ತಮ್ಮ ಪಾತ್ರಕ್ಕೆ ಡಬ್ ಮಾಡಿಲ್ಲ. ನಿಖಿಲ್ ಡಬ್ಬಿಂಗ್ ಮಾಡ್ತಾರಾ ಅಥವಾ ಮಾಡಲ್ವಾ ಎಂಬುದು ಭಾರಿ ಗೊಂದಲ ಸೃಷ್ಟಿಸಿತ್ತು. ಅಂತಿಮವಾಗಿ ಡಬ್ಬಿಂಗ್ ಮಾಡದೇ ನಿರಾಸೆ ಮೂಡಿಸಿದ್ದಾರೆ.

ಟೀಸರ್ ನಲ್ಲಿ ನಿಖಿಲ್ ಧ್ವನಿ ಇತ್ತು

ಕುರುಕ್ಷೇತ್ರ ಚಿತ್ರದ ಟ್ರೈಲರ್ ನಲ್ಲಿ ನಿಖಿಲ್ ಕುಮಾರ್ ಅವರ ಧ್ವನಿ ಇಲ್ಲ. ಆದರೆ, ಅದಕ್ಕೂ ಮುಂಚೆ ನಿಖಿಲ್ ಹುಟ್ಟುಹಬ್ಬಕ್ಕೆ ಬಂದಿದ್ದ ಟೀಸರ್ ನಲ್ಲಿ ''ತಾತ.....ಈ ಯುದ್ಧ ಸ್ವಾಭಿಮಾನದ ಸಂಕೇತ'' ಎಂಬ ಡೈಲಾಗ್ ಹೇಳಿದ್ದರು. ಇದರಲ್ಲಿ ನಿಖಿಲ್ ವಾಯ್ಸ್ ಇತ್ತು. ಸೋ, ಆಗ ಡಬ್ ಮಾಡಿದ್ರಾ, ಈಗ ಟ್ರೈಲರ್ ನಲ್ಲಿ ಯಾಕಿಲ್ಲ? ಕುರುಕ್ಷೇತ್ರ ಮತ್ತು ನಿಖಿಲ್ ಕುಮಾರ್ ನಡುವೆ ಏನಾಗಿದೆ ಎಂಬ ಹಲವು ಪ್ರಶ್ನೆಗಳು ಹುಟ್ಟಿಕೊಂಡಿದೆ.

ನಿಖಿಲ್ ಯಾಕೆ ಡಬ್ ಮಾಡಿಲ್ಲ?

ಅಭಿಮನ್ಯು ಪಾತ್ರಕ್ಕೆ ಡಬ್ ಮಾಡಿರುವ ಧ್ವನಿ ನಿಖಿಲ್ ಕುಮಾರ್ ಗೆ ಸೂಕ್ತವಾಗಿ ಹೊಂದಿಕೆಯಾಗಿಲ್ಲ ಎನ್ನುವುದು ಪ್ರೇಕ್ಷಕರ ಅಭಿಪ್ರಾಯ. ಅದರ ಬದಲು ನಿಖಿಲ್ ಅವರೇ ಡಬ್ ಮಾಡಬಹುದಿತ್ತು ಎಂಬ ವಾದ ಇದೆ. ಬಟ್, ನಿಖಿಲ್ ಯಾಕೆ ಡಬ್ ಮಾಡಿಲ್ಲ ಎಂಬುದು ಈ ಉತ್ತರ ಸಿಗದ ಪ್ರಶ್ನೆಯಾಗಿದೆ.

ಅಂದು ಮುನಿರತ್ನ ಹೇಳಿದ್ದು ಸುಳ್ಳಾ?

ಪೌರಾಣಿಕ ಸಿನಿಮಾದಲ್ಲಿ ಸಂಭಾಷಣೆ ಸ್ವಲ್ಪ ಚಾಲೆಂಜಿಂಗ್ ಆಗಿರುವ ಕಾರಣ ನಿಖಿಲ್ ಅವರಿಂದ ಡಬ್ ಮಾಡಿಸದೆ ಇರಬಹುದು ಎಂದು ನೋಡಿದ್ರೆ, ಅಂದು ಮುನಿರತ್ನ ಹೇಳಿದ್ದು ಸುಳ್ಳಾ ಎಂದು ಎನಿಸಿದೇ ಇರಲ್ಲ. ''ರಾ ರಾಜ್ ಕುಮಾರ್ ಅವರಷ್ಟೇ ಕನ್ನಡ ಭಾಷೆಯ ಮೇಲೆ ನಿಖಿಲ್ ಹಿಡಿತ ಹೊಂದಿದ್ದಾರೆ'' ಎಂದು ಹೇಳಿದ್ದರು. ರಾಜ್ ಅವರಷ್ಟು ಭಾಷೆಯ ಮೇಲೆ ಹಿಡಿತ ಹೊಂದಿದ್ದಾರೆ ಎಂದು ಗೊತ್ತಿದ್ದರೂ ಅವರಿಂದ ಯಾಕೆ ಡಬ್ ಮಾಡಿಸಿಲ್ಲ?